|
إسهال شديد لابني ... وش الحل )؛
السلام عليكم ورحمة الله وبركاته
ولدي باقي له خمس ايام ويدخل بالسادس وأنا بصراحه بدأت اطعمه واذوقه (طبعا فواكه وخضار مهروسه .. وارز اطفال ) من فتره لاني لاحظت انه يبغى يأكل لما أقرب الملعقه يفتح فمه ويتذوق ويظل يطرد الملاعق واحنا ناكل المهم من أمس بدأ يستفرغ وبعدها جاه أسهال شديد يعني اليوم 9 مرات مع حراره ومره وضح عليه أضلاعه مررره باينه و وجهه صغر بالحيل الله يفرج همومكم الحقوني لاني تعبانه من حالته ابغى شي يوقف الاسهال ومجرب .. رحت المستشفى وأعطوه محلول و مضاد أسهال (كابتين) وادول وعملوا له تحليل وبكره النتيجه >>>> علما ان أسهاله بدء أصفر وثقيل شوي .. وبعدين تغير لاخضر واسود سائل مثل الماء وكلها بحبيبات وانا محتاره لا تتركوني hwaml15 |
رد: إسهال شديد لابني ... وش الحل )؛
أولا يجب عليك تخفيف الحليب اذا بتعطيه صناعي يعني تحطي نفس المويه بس نصف كمية الحليب مع ملعقه نشاء
وأعملي له عصير تفاح وجوافه كثير حلوين للاسهال بس ياأختي أنتبهي كثير أسمع أذا أجتمع عند الطفل أستفراغ وأسهال يجب التنويم علشان يأخذ مغذي حتى لا يحصل جفاف للطفل أسأل الله أن يطمن قلبك عليه |
رد: إسهال شديد لابني ... وش الحل )؛
انا مره ولدي جاه اسهال باليوم يمكن ست او سبع مرات
وحده نصحتني بموية الرز المصري حطي شوية رز مصري واغليه بمويه الين تصير المويه شوي غليظ ولونه ابيض شربيه ولدك بالرضاعه انا نفعت مع ولدي وخف الاسهال كثيررر والله يشفيه لك يارب مايشوف شر |
رد: إسهال شديد لابني ... وش الحل )؛
مشكورين والله كلها استخدمتها وبعد عطيته شوية زبادي كلها مانفعت
واليوم ما باقي غير عيونه |
رد: إسهال شديد لابني ... وش الحل )؛
الله يذكرة بالخير باابا يقول افضل حل للاسهال مويا وسكر ومجرب اعطية وان شاء الله يخف
|
رد: إسهال شديد لابني ... وش الحل )؛
بنتي جات لها نفس حالة ولدك بيوم العيد
خفت خامس يوم حطوا لها مغذي ومع تحميلات ادول خفت الحراره واالاستفراغ باقي الاسهال تلعوزززززززززززت حيل حيل معاها ماتبي تاكل واسهال بعلبة الزبادي ملعقة نشا وبكل وقت اعطيها ملعقة زبادي لانه ماتبي اكثر بس ملعقه وهذا الكلام رابع يوم وبالليل عطيتها سفن اب برضاعه لين رقم اثنين بس طبعا صبيت السفن اب بعلبه مويه فاضيه نصها وخضيتها علشان تروح الغازات واشربتها والحمد لله يوم ثاني خفت بكثير سوت اسهال مرتين او ثلاث باليوم اليوم اللي بعد يمكن سوت مره يوم سادس بعدين خلاص لاتنسين ماء الارواء من الصيدليه علشان مايصير له جفاف تشربينه على طول |
رد: إسهال شديد لابني ... وش الحل )؛
مساء الخير اختي
ربما هذه من اعراض التسنين ربي يسهله ويشفيه يا رب اعطيه دواء يباع عند الصيدلي اسمه smecta ممتاز للاسهال والاستفراغ والام البطن واعطيه دواء اسمه DEBRIDAT ممتاز للاستفراغ .والاسهال الحاد وممتاز وفي خلال يومين سيعود ابنك كما كان واحسن ولا تنسي املاح اعادة التمييه عند الصيدلي ايضا واكثري له من المياه لان عنده اسهال شديد ربما وكلتيه شئ مش حلو او قديم او اي شئ عمله حسسيه في بداية اكل الاطفال لا تعطيه كل الخظر مع بعض في نفس الوجبة يعني اعطيه كل يوم نوع واحد ابداي بالجزر لوحده ثاني يوم الكوسه لوحدها ثالث يوم البطاطا لوحدها رابع يوم اي خظر اخر لوحده وخلال ذلك اليوم لاحظي ابنك اذا شفتي فيه اي اعراض حسسية طفح جلدي قئ اسهال اوقفي فورا ذلك الخظار واستبدليه بخظار اخر وهكذا ستعرفين اي الخظار او الاكل الي يعمل حسسية لابنك وبعدين تجمعي كل الخضار في وجبة واحدة هكذا احسن DEBRIDA http://t1.gstatic.com/images?q=tbn:A...dO1YjRVwgeTf4w |
رد: إسهال شديد لابني ... وش الحل )؛
مشكورات لا خلا ولا عدم
الله يخليلكم فلذات أكبادكم |
رد: إسهال شديد لابني ... وش الحل )؛
باقي اقتراحك ألماسه حبيبتي تسلمين راح اجرب السفن لو اني متخوفه منه
يعطيك العافيه 3miao |
رد: إسهال شديد لابني ... وش الحل )؛
انا زوجي كان معارض السفن اب
يقول خطر ع الكبار شلون للأطفال صغار قلت له مره وحده بتشربه وبدون غازات ان شاء الله يفيد لين شافها ذبلاااااااااانه من الاسهال راح وطلع ووجاب علبه لأن زوجي حتى انا مايرضى لي اشرب غازيات بس الحمد لله فاد معها بمعنى خف يوم ثاني واليوم اللي بعده خلاص وقف جربي مره وحده بس |
| الساعة الآن 10:13 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .