|
والله خايفه مانمت من الخوف والهم ردوا علي ريحوني!!!
والله خايفه طمني الله يسعدكم!!!
السلام عليكم الله يسعدكم حبيت أستشيركم بموضوع انا حامل وآخر دوره لي كانت11/6 حللت تحليل منزلي بس ورحت في تاريخ 12/22 لدكتوره وحمدالله سوت لي اشعه قالت كل شي تمام الحمد الله وله الشكر وقالت أني في الاسبوع السادس وقالت لي مراجعتك الجايه في تاريخ 1/22 يوم الاحد ... مشكلتي ان ولدي عمره 3سنوات امس اللي بتاريخ1/2 كنت اغير له ملابسه ورجف بطني برجله وكان لابس جزمه والله كانت الضربه قويه مررره الله يستر وألمتني كثير وانسدحت ومن بكره ماعاد حسيت بشي لا غثيان ولا دوخه خفيفه وخفت مرررره انه صار للي في بطني شي ودقيت على دكتورتي وقلت لها قالت مااقدر اسوي لك اشعه لأنك توك مسويتها وخطر واصبري للمراجعة الجايه انا مرررره ضايقه بي الدنيا وفكرت وقلت لزوجي يجيب لي شريط تحليل الحمل المنزلي وسويته اليوم وطلع الخطين حمدالله والف شكر للله بس كنت بسال هل معناه ان جنيني بخير مرررره خايفه هل فكرتي صح ولا مالها اساس الله يسعدكم ويطمنكم طمنوني بموت من الهم والله لادعيلكم ولا أنساكم من الدعاء... هل معنى انه طلع خطين انه حي الى الان ولا مالها اساس ولا دخل.... يااارب ترحم ضعفي وتحفظني وتحفظ اللي في بطني... (مع العلم أني أخذ حبوب الفوليك ودافستون عطتنياه الدكتورة احتياط بس واليوم نزلت علي افرازات بس) انا اسفه على الإزعاج بس انا ام جديده ولا لي خبره في الحياه واستشير لأني محتاجه للاستشاره... والله لأدعية لكل من رد علي وطمني بموت من الخوف والقلق وش اسوي عشان ارتاح...* |
رد: والله خايفه مانمت من الخوف والهم ردوا علي ريحوني!!!
ان شاء الله انه بخير
الوحام طبيعي ينقطع من فتره لفتره لاتشغلي بالك بالتفكير استودعيه الله وهو الحافظ سبحانه الله يثبته يارب |
رد: والله خايفه مانمت من الخوف والهم ردوا علي ريحوني!!!
الله يسعدك يااختي واستودعته الله بس كنت ودي اطمن لأني احس نفسي خفيفه
|
رد: والله خايفه مانمت من الخوف والهم ردوا علي ريحوني!!!
حبيبتي لاتخافين لان الخوف ابد موزين على الجنين
وربي يتمم حملك على خير وما اعتقد جنينك فية شي لاسامح لان رب العالمين حامي الجنين بالماء ويقية من الضربات فما اعتقد من ضربة لاسامح الله يموت الجنين خلق ربي اكبر من هذا حبيبتي تطمني انشاء الله مافية شي |
رد: والله خايفه مانمت من الخوف والهم ردوا علي ريحوني!!!
ان شاء الله مو صاير له شي ربي يطمنك عليه
|
رد: والله خايفه مانمت من الخوف والهم ردوا علي ريحوني!!!
اختي زوجي هو حياتي
الله يطمنك بالخير بإذن الله يحفظه اختي عشق المطر الله يسمع منك ويطمني عليه |
رد: والله خايفه مانمت من الخوف والهم ردوا علي ريحوني!!!
أخواتي الباقيات ليش وينكم اللي عندها خبره ترد علي
والا على اقل شي أدعو لي دعوه تجبر خاطري والله خاطري مكسور |
رد: والله خايفه مانمت من الخوف والهم ردوا علي ريحوني!!!
اتوقع انه ان شاء الله خير
مش لانه طلع خطين اصلا هرمون الحمل يضل لبعد الولادة بس الموضوع انه الكيس بعده صغير كثير وفي اسفل البطن ......... |
رد: والله خايفه مانمت من الخوف والهم ردوا علي ريحوني!!!
طيب هل نزل دم ؟؟؟؟؟؟؟؟؟
|
رد: والله خايفه مانمت من الخوف والهم ردوا علي ريحوني!!!
لا حبيبتي مانزل لا دم ولاشي حمدالله بس هذا مو دليل صح
انا كنت بسال مااحد واجهتها هالمشكله ضربها طفل على بطنها معقووله يابنات مافيه تعاون وينكم فوق60مشاهد ولا رد الا 4 الله يجزاه خير كل من رد علي ولو بدعوه تثلج صدري |
| الساعة الآن 07:20 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .