عنوان سوق الخاسكية مع الصور
 

السلام عليكم ورحمة الله وبركاتة
بناء على طلب الكثييير من الاخوات معرفة عنوان سوق الخاسكية في جدة منطقة البلد لبيع الهدايا و التوزيعات بالجملة في جدة , فقد جهزت لكم الخريطة من قوقل ايرث موضح بها الموقع من قريب و بعيد.

بسم الله نبدأ: hwaml34

الذهاب عن طريق شارع الستين (طريق الملك فهد ) متجهاً جهة الغرب نهاية شارع الستين يقابلنا كوبري المينا وفيه ناس يسمونه كوبري الخير يقابلنا دوار من تحت الكوبري بعد النزول من شارع الستين نلتف على الدوار لفه كامله كأنك راجعه لشارع الستين مره ثانية يقابلك قبل لفة شارع الستين لفة اخرى بمحاذاة الكوبري المتجة لشارع الستين تتجهين معاها يقابلك في الوجه مبنى (أبار وزيني) سوف يقابلك دوار وهو من تحت كوبري شارع الستين نلف على الدوار ونأخذ الدوار اتجاه اليسار حسب الخريطة .
من هنا في مدخلين للخاسكية :
الأول وهو الأسهل : بعد ما لفينا من عند ابار وزيني يسار حسب الخريطة يصير سوق الجنوبية على اليمين شارع طولي فيه 4 لفات يمين نتركها كلها اللفه الخامسة هي التي ندخل معاها يمين ثم نمشي على الخريطة المرفقة وهو شارع اجباري (اتجاه واحد ) حتى نجد عمارة المواقف على اليمين ممكن توقفون فيها وممكن تدخلون يسار لفة صغيرة بعد الفندق مباشرة ( فندق بهاء الدين ) وهذا الفندق مقابل لعمارة المواقف و عندها ستجدون مباشرة سوق الجملة (منطقة الخاسكية)
وهي على شكل حارة واسياب عليها المحلات بس للعلم هم يقفلون الساعة 10:00 مساء ويومالجمعة لا تفتح اغلب المحلات.

المدخل الثاني : من شارع الملك عبدالعزيز بين سوق المحمل وعمارة الملكة بس اعتقد الوصف السابق اسهل.

[IMG]http://forum.hwaml.com/imgcache2/hwa...508169_624.jpg[/IMG]



[IMG]http://forum.hwaml.com/imgcache2/hwa...508168_831.jpg[/IMG]



[IMG]http://forum.hwaml.com/imgcache2/hwa...508168_555.jpg[/IMG]


لا اريد منكم الشكر ادعو لي اقوم بالسلامه

رد: جبت لكم عنوان سوق الخاسكية مع الصور
 

تسلم ايد ياقمر
ويارب تقومى بالف سلامه ويرزقك الزريه الصالحه
والخاسكيه محلاتها تحفه وكمان الهنداويه

رد: جبت لكم عنوان سوق الخاسكية مع الصور
 

جزاك الله خير يا أم محمد ومهند

رد: جبت لكم عنوان سوق الخاسكية مع الصور
 

تسلمي ياقمر

رد: جبت لكم عنوان سوق الخاسكية مع الصور
 

ربي يقومك باالسلامه

رد: جبت لكم عنوان سوق الخاسكية مع الصور
 

ماشاء الله عليكي يعطيكي الف عافيه
مع اني اساسا من اهل جده بس ما اعرفه ,,بس اعرف سوق المحمل
ومارحته من سنيييييييييين لانه منطقة البلد بعيده شوي
احنا سااكنين في الربيع جنب شارع حراء < مشوار
المرة الجاية ان شاء الله في الاجازة لما اروح جده , اخذ ماما احسن علشان هي ادرى بشوارع البلد ونروح نشوف التوزيعات والحركات



ربي يقومك بالسلامة وتفرحي بطفلك سليم معافى ياااارب ويرزقك بره انتي وابوه

رد: جبت لكم عنوان سوق الخاسكية مع الصور
 

الله يقومك بالسلامة ويعطيكي الصحة والعافية
جزاك الله خير
هل الخاسكية زي الهنداوية يعني فيها محلات تجهيزات التفاسير بالجمله

رد: جبت لكم عنوان سوق الخاسكية مع الصور
 

^_^ ماقد رحته
لكن سؤال : هما يبيعو التوزيعات جاهزه ؟ ولا انا اجمع واسويها بنفسي ؟
طيب ايش عندهم كمان غير التوزيعات ؟

رد: جبت لكم عنوان سوق الخاسكية مع الصور
 

تكففففففففففون ايش يبيعوا غير التوزيعات لانو بكرة انشاء الله طالعة جده