منتديات حوامل النسائية - تصرفات البنت جوا البيت وبرا البيت‎

منتديات حوامل النسائية (https://naqatube.com/index.php)

- المـنـتـدى الـعـام (https://naqatube.com/forumdisplay.php?f=3)

- - تصرفات البنت جوا البيت وبرا البيت‎ (https://naqatube.com/showthread.php?t=83847)

تصرفات البنت جوا البيت وبرا البيت‎

[SIZE="5"]جوا البيت : اذا اخوها الصغير قرب عليها بتروح مازعتوا هداك الكف عاميه ضووه<<عاد المسكين كان بس بدو يدور على حفايته تحت الكنابية الي هي قاعدة عليها.

برا البيت : اذا صاحبتها او واحد من صحابها جايب ولد صغير بتبلش يا حبيبي ويا عمري وما ازكاك وتقرصه من خدوده<<

#الاكل#

جوا البيت : يا حبيبي عليكم اذا امها طابخة طبخة بتحبها (ملوخية مثلا).....بتاكل 3 صحون ومرات 4 ..والاكل معبي الطاولة بتكون زي كأنها عاملة حرب مع الصحن .

برا البيت : حكولها تعالي تفضلي على الاكل بتكون الطبخة ملوخية كمان ...بتحكي لأ لأ والله انا مو جوعانة ماكلة كتير على الفطور ماكلة شأفة خبزة مع كاسة حليب..... واذا اصروا عليها بتحط ملوخية لحالها بدون رز على اساس انه الرز بينصح وهي معتنية بصحتها كتير وبتحب تضل خفيفة.

#الحكي والصوت#

جوا البيت : اذا بدها تنادي على اخوانها يلا على الاكل او الغدا يمكن الي بالحارة التانية بيفكروا حالهم معزومين على الغدا من كتر ما صوتها بيكون يرن رن بالبيت ويا حبيبي اذا حدا غلط وخربلها اشي على الضمان لتقطع خلفه بهداك الصوت الي بدها تخلعه اياه.

برا لبيت : اذا كانت برا البيت وقاعدة بتحكي بموضوع مع صاحباتها وفي شباب حواليها يادوب يادوب تسمع صوتها وبين كل كلمة وكلمة في كلمة انجليزي ويا عمري اذا كانت بتعرف فرنسي ..انسى انك مش راح تفهم اشي. يعني ولا دلع نانسي بالحكي وحركة شفايف اليسا.

#واخر شي الضحكة#

جوا البيت : اذا ضحكت بالبيت بتكون ....اهاهاهاهاها اخ اخ هاها هوهو هو هي اخ اخ .

برا البيت : هاها .....ها طبعا بتكون حاطة اصبعين على تمها بس تضحك......اتيكيت.

هههههههههههههههhwaml72hwaml72[/SIZE]