منتديات حوامل النسائية - قصة ولادتي بفرحة عمري(يزن)

مرحبا يا بنات كيفكم ؟؟
انا عم اكتب هلئ الموضوع ومو مسدقة حالي hwaml03
لحمدلله اني ولدت وجبت احلى بيبي يزن فرحة عمري وحياتي
وجاية هوون اكتبلكم قصتي بالتفصيل الممل المريح متل ما وعدتكم ..
وعقبال نشالله الحوامل تقووم بسلامة .. >>حاسة فيكم وبانتظاركم ..
لمهم ببدأ قصة ولادتي هلئ ..

ولدت يوم الأثنين 21-11-2011 الضهر الساعه 1 ونص ..
بمشفى دار الشفاء .. برياض ..
طبعا الكل بيعرف اكيد لاني صرعتكم بمشاكلي انوو كان عندي تكلس بالمشيمة ومية الجنين قليلة . ورحت عند دكتورتين ونفس الحكي عن المشمية والمي .. وانا دكتورتي الاساسية (فاديا )اسما بس سافرت وحولت بغيابا عند دكتورة تانية (امال )
بس جوزي ما قتنع لانو ما كان من اول حملي مقتنع بدكتورة (فاديا ) اخر شي قتنع لانو انا مرتاحة عندا كتير
لمهم ........
كان جوزي مسافر واجى وتاني يوم من وصلو راح عند امه وقالتلو انو ياخدني عند دكتورة تانية مشان نتأكد من وضع البيبي ..
لمهم اجا ع البيت شي الساعه 5 المغرب تغدينا وقلي شو رأيك اخدك على مشفى (الفلاح) عند دكتورة نتأكد قلتلو طيب ماشي وامت لبست ورحنا فوورا ع المشفى ..
دخلت عند دكتوورة (سما)وما قالتلا شو مشكلتي قلت خليها لحالا تقوولا
بركي دكتورتي غلطانة او شي
وكشفت عليي وقالتلي انو اانا بالاسبوع 37 هيك مبين ع السونار وقالتلي انو في تكلس والمي قليلة وحولتني عند دكتورة بتعمل اشعة صوتية ..
ورحنا لعندا وقالتلي انو وضع البيبي منيح بس المية قليلة كتييييييييير كمان ع البيبي والمشمية شايخة يمكن نولدك اليوم وقال أناا خالصة شهري وبالاسبوع الـ40
طبعا انا تفاجئت لانو دكتورتين قاللولي بال38 ووحدة قالت بـ 37 ووحدة قالت بـ40
وهو الاصح بــ 38
صرنا اناا وجووزي نضحك عاللي عم يصير فينا لانو كل دكتورة بتحكي شكل ونحن مو عرفانين الله وين حاطتنا hwaml5
لمهم قلتلو خلص ولدني وبدي اخلص وارتاح
قالت الدكتورة تبع مشفى الفلاح تنوويم ورح نحطلا طلق صناعي وازا ما فتح الرحم
عملية قيصرية ..
رحت بقا عملو تخطيط لبيبي وانا شافو نبضي وضغطي وكل شي ..
وجوزي عم اجراءات الولادة
واخدو دم مني وخلص باقي الطلق الصناعي
اجا دكتور مصري قال انو بالمشفى ما في استشاري اطفال و 20% ممكن يكوون في تشووه بالكلاوي لانو المي ناشفة جوزي جن hwaml4 وقال فورا منغير المشفى
وحولنا ع دار الشفاء لي فيها دكتورتي لي متابعه عندا طبعا رجعت من السفر
حاكيناهاا كانت الساعه 2 فجر
قالت انو نجي الساعه 8 صبح وبتحطلي طلق صناعي وهيك ..
رجعنا ع البيت وجبلي سندويشة شاورما جوزي وتعشينا وتحممت ونمت
وطبعا ما عرفت ناام وانا عم هلووس بلولادة فقت الساعه 4 الفجر
وصرت اقرا قران وركنت ونظفت بيتي ..
وع الساعه 8 لبست وجهزت حالي انا وجوزي وطلعنا hwaml4ع المشفى
وامي واختي اجو كمان وحماتي كمان ..
طلعت لفوق كشفت عليي قالتت بس فاتح 1 ساانتي وعنق الرحم سميك عندي ..
لمهم عطوني ملابس المشفى وماخلووو امي تفوت معي وحطولي مغذي وتبع نبض الجنين وحقنة شرجية الساعه كانت 9 بعد شوي اجاني احساس فظييييييييع
حسييت حالي نعسانة ومالي قدرانة نام وعندي طلق ولازم كون قوية وصرت حس انو مو قادرة وما بدي اولد انو غيرت عقلي وحسيت حالي متل المجنوونة وصرتت صرررررررررخ كتييير وقول بدي امي وابكي بصووت عاااااااااااااااااااااالي
ومو عرفانة شو صرلي اجو السسترات وصارو يهدوني وصرت ابكي
حكيت مع امي فوتتها الدكتورة لعندي شووي وجابتلي مي
وصرت استغفر ربي عنجد حسيت حالي مو طبيعية متل المجانين مو عرفانة شي
ورحت غسلت وجهي وهديت شوووي وصرت اقرا قران على حالي مشان الله يهديني ..
لمهم هديت شووي ..
اجت دكتورتي الساعه 10 حطتلي الطلق ......
وطبعا بلش الطلق معي من الساعه 11 وماقدرت اتحمل قلتلن يعطوني مسكن ..
واجت السستر كشفت عليي قالت 4 سانتي فاتح انا طاار عقلي من الفرح hwaml7قلت لحمدلله وجع بتحملو وشوي وبيفتح الرحم ..
وطبعا السستر الكلبة عفوا منكم قالتلي هيك مشان تهون عليي وهو الرحم لسه 1 سانتي ..
بعدين اجت الدكتورة ردت كشفت عليي كانت الساعه 1 ضهر قالت كمان 1 سانتي
قالتلي ازا ضليتي للساعه 5 لمغرب وما في تقدم قيصرية ..
وقالتلي اوومي تمشي مشان ينزل راس البيبي ..
آم ماما قالت لا لا تعزبيها ومدري شوو بلطلق وهو عنق رحم سميك وما في تقدم
عمليلا قيصرية..
ومن هووووووووون بلش الاكشن تبع الولادة ..
طلعوني لفووق فوورا ع مكان العمليات وامي واختي وجوزي عم يستنونا وحماتي من الساعه 12 ضهر رجعت عبيتها مشان تعمل غدا لولادها ..
حطووني ع تخت العمليات وكشفت على بطني وقلي الدكتور حأعملك تخدير كامل
وانا كنت بدي تخدير موضعي مشان تابع احداث ولادتي ههههههه
بس يمكن شافني زغيرة بالعمر وقال ليحطلي تخدير كامل
واجا دكتور تاني وصار يسألني ولد ولا بنت
واول ولد ولا شو وهيك شي
وقلي اخر شي خدي نفس لانو رح نخدرك وانا لحمدلله ما كنت خايفة ابداا ولا كانو رح اعمل عملية ههههههه وكانوو مستعجليييييين كتييرالدكاترة بالولادة ..
لمهم دخلوني غرفة العمليات 1 طلعو يزوونة 1 ونص
وانا طلعت 2 ضهر
وطبعا انا عم صرررررررررررخ وما عرفانة انو حتى ولادنة بعالم اخر
وعم شووف خيالات بابا واختي وعم يقلولي ولدتي وابنك بيجنن وانا بعالم ما بيعلم في الا الله ..
وعم مووت من الوجع وقوول اممي ومحمد زوجي وقلت دبحووني ورح مووت
يعني تخبيص وهلوووسة hwaml5hwaml03
دخلووني غرفتي كانت حماتي واخوات جوزي عم يستنوني وصاروو يبكوو عليي
وامي والكل والله وجوزي اول مرة بيكبي يا قلبي كان مووقف صعب عليي كتير انو يشوف لي بحبا عم تتعزب هيك قلي hwaml5
ووقبل وانا بغرفة برا العمليات كنت لسه عم فيق من التخدير وجوزي جنن على الدكاترة واللسسترات ويقلن غطو البنت ومدري شوو يؤبرني كان خايف عليي كتير
لمهم وانا بردانة عم ارجف ..
ونمتتتتتتتتتت وهييييييييييييك انتهت رحلتنا مع الولادة القيصرية
بس الله لا يدووقها لحدا عنجد صحيح بيجي البيبي بساعه ..
بس التعب لي بيموت بعد الولادة ..
وعقبال كل الحوامل يارب ولي عم ينتظر الولادة .
وانا هون عم اكتبلكم ومو مسدقة اني ولدت حتى
بس لحمدلله على كل شي واجا البيبي بخيير وصحة تامة لحمدلله
طلعت من المشفى ليوم يعني الاربعاء ساعه 12 ضهرا ..
اسفة طوووووووووولت كتيير hwaml5بلقصة بس خلص وعدتكم انو بتفصيل هههههه

وسلام عليكم قلولي شو رأيكم يا كرووشات ويا حلووين ..
واي سؤال انا جاهزة اني جاوبكم .,,,,