|
بسوي سابع افكاركم بليز
السلام عليكم
كيفكم بنات انا ولدت ف رمضان وبما اني ف دوله بعيده عن اهلي ورجعت قريب السعوديه حبيت اسوي سابع لودي البكر ف بالله سعدوني والي راح تجبلي افكااااااااااار جديده اكون شاكره لها من قلبي ومن وين تشترو التوزيعات اهم شي تكون مو مكلفه يعني فخمه وبسعر رخيص بليز معليه حبايبي طولت عليكم.... |
رد: بسوي سابع افكاركم بليز
وينكم يبنات والله مستنيه ردود
|
رد: بسوي سابع افكاركم بليز
ماعندي خبره
بس حبيت ارقع الموضوع |
رد: بسوي سابع افكاركم بليز
أختي أتمنى أقدر أساعدك بس ماقد سوينا سابع فما عندي أفكار ., ياريت لو تقولين لي كيف طريقتكم في السابع ؟؟يعني أستقبال ضيوف وتقديمات أنا أعرف السابع اللي أهو اليوم السابع من ولاده النونو ., ^_^
|
رد: بسوي سابع افكاركم بليز
ايوه هوا دا بس انا اجلتو الين ماوصلت عند اهلي والله يعطيكم العافيه ساعدوني
|
رد: بسوي سابع افكاركم بليز
راح ارسل لش صور لتوزيعات رااقيه وفخمه والاسعار رخيصه
|
رد: بسوي سابع افكاركم بليز
اتفضلي لدينا عروض ديكورات مع التوزيعات ارسلتلك على الخاص
|
رد: بسوي سابع افكاركم بليز
الله يوفقك يارب ويكون سابعك احلى سابع
|
رد: بسوي سابع افكاركم بليز
امين حبيبتي
|
رد: بسوي سابع افكاركم بليز
اهلا توفي انا كان نفسي اسالك انتي في اي منطقة في السعودية عشان اقدر افيدك اكتر بس عندي افكار خفيفة وانشاء الله تعجبك.. ممكن تلبسي جلابية حلوة وفاتحة وتلبسي النونو فستان فاتح كمان يكون بنفس اللون وتزيني المعد حقه بالورد زي ما اتعودنا زمان تقطفي الورد وبعدينت تلضميه في عقود وتثبتيها في المهد بالدبابيس او المشابك ولا تنسي تسوي لكي واحد ..ازا ناوية تجيبي العاب للبزورة من محل ابو ريالين هاد احسن شي لهم لانو ممكن من قبل ما يطلعوا من السابع تكون اللعبة مكسورة وتنقهري فخليها من محل ابو ريالين وممكن توحدي شكل للبنات " ادوات مكياج " وشكل للاولاد " سيارات" وازا حابة تسوي مسابقات للحريم الكبار خديلهم هدايا بسيطة مراية شنطة .. قلم روج .. هدية رمزية مو شرط تكون غالية وتدخل الفرحة في قلوب الكل ..
وممكن ما تكلفي نفسك بعشاء ممكن تجيبيلك صينيتين حلى للقهوة.. بس طبعا تبداي بالعصير اول شي بعدها بشوية القهوة مع صواني الحلى كل صينية غير التانية وبعدها الشاي بمعجنات وومكن ازا حابة توصي على ورق عنب ملفوف وتحطيه في صينية مع كبة وخلاص كده كفاية ونعمة وفرحتي نفسك وتخلي الشكولاته للتوزيع في النهاية .. وسلامتك |
| الساعة الآن 06:07 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .