|
ولدي تعب من هجولة النفاس
السلام عليكم ورحمة الله وبركاته
انا مودة ام ياسر أبا حل لمشكلتي ان أمي متوفيه والوالد متزوج وحده مره طيبه وتعاملنا زي بناتها المهم انا ولدت ورحت عند ستي ام بابا وجلست عندها اسبوع لانها كبيره ماتقدر تجي بيت بابا وبعدين رحت بيت بابا أسبوعين بس البيتين فيلل ماشالله وكلها درج ومره تعبت من الطلعه والنزله عشان نستقبل الضيوف تحت وانا وولدي ننام فوق المهم جات شغالة بابا من الحج بدور انفلونزا وعدتني انا وولدي ودخل ولدي العناية المركزة على فكره ولدي عمرو عشرين يوم جات الانفلونزا بأعراض سخونة واسهال الله يكرمكم ووطنه وكحه واستفراغ واتنومت معاه واحد يوم المهم ماما الي هيه مرت بابا كمان اخدت عدوه من الشغالة بس على خفيف موزي انا ولدي فاضطريت اخروج من المستشفى على بيت ستي وعمتي اخت ابويه شايلتني من الارض شيل ولا بأقصر معايه بشي بس بيت ستي بيت العيله كليوم ضيوف واعمامي وبزورتهم واغلبهم انفلونزا دحين ليه يومين عندستي ولدي خف شوية بس اناصوتي سار ماينسمع من الالته المهم زوجي قلي خلاص ارجعي بيتك اوتعالي عند أمي ثلاثه أيام الي يريحك سويه قلت اروح عند امك لانو هيه من اول نفسها اجيها وبينها كافيه بزورة اخوانو كلهم كبار قلت لبابا الازعل وقلي انتومالكم كبير انا حاكلم زوجيك ولو تعبانه تروحي على بيتيك وقفل انا محتارة ايش اسوي لأني بدروس كمان في الجامعه وغبت يومين قبل الاجازه عشان ولدت غبت يومين اول اسبوع بعد الاجازه ماني عارفه ايش اسوي اروح بيتي والا ارجع بيت باباوالا بيت حماتي انا تعبت من الهجولة* |
رد: ولدي تعب من هجولة النفاس
ارجعي بيتك وجيبي لك شغاله مؤقته او شغاله ستك او اي احد بيساعك اهم شي تكوني في بيتك
اريح لك ولبيبي وقفلي عليكي الباب وبلاش دوشة ووجع الراس حترتاحي صدقيني ربي يكون بعونك |
رد: ولدي تعب من هجولة النفاس
تسلمي على الرد الله يفريج هميك وجزاكي الله كل خير
|
رد: ولدي تعب من هجولة النفاس
انا اقول ارجعي بيتك احسن وأذا ام زوجك تحبك وتقدر تقوم بالبيبي
خليه عندها وقت الدوام وسوي اللي يريحك ياقمر ولا تسمعي كلام الناس |
رد: ولدي تعب من هجولة النفاس
والله زوجي كلم أمو اني حجيها واتحطيت امام الامر الواقع بس هيه مره تحبني زي بنتها لانو ربنا ما رزقها بنات بروح عندها الين الربوع وبعدين بابا مسوي عشا حنروح نتعشا عنده الربوع على سلامة ولدي وفي نفس الوقت عقيقه تسلمو على مروركم
|
رد: ولدي تعب من هجولة النفاس
ارجعي بيتك اعز لك بدل ماتقعدي تشيلي شنط من بيت لبيت
والله يسهل لك |
| الساعة الآن 01:17 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .