|
حامل بشهر التاسع شورو عليي وريحو قلبي ؟
السلام عليكم يا بنات ..
انا رح الكم قصتي ..... وبدي ياكم تعطوني الحل الامثل والافضل ألي .. انا حامل بشهر التاسع بنصه الاسبوع 38 , وبلشت اتعب وعندي الام اسفل ضهري وبرجليي انا قلت من تقل الحمل .. وعندي المشيمة شاخت وعطتني الدكتورة موعد بعد عشر ايام يعني بتاريخ 24-11-2011 ازا حالة البيبي والمشيمة عم تتراجع فورا رح تعطيني طلق صناعي .. لمهم انا رح روح السبت هدا عند دكتورة تانية ورح شووف ممكن تكون هديك الدكتورة غلطانة او يمكن يكون كلاما صح وبدي اولد عند دكتورة لي بدي روح عندا يوم السبت انا جد تعبت كتير من الحمل .. ودايما بحس حالي مكسرة .. بس بدي اطلب منكم شورو عليي نصحوني شو اعمل اولد وخلص بطلق صناعي ولا استنى لو حتى البيبي ما فيه شي استنى لحتى اطلق لحالي .. اي شي كتبوو ريحوني والله تعبت وعلى فكرة طول مو اعده بستغفر ربي وعم اقرأ سورة يس مشان الله ييسرلي اموري .. اسفة وجعتلكم راسكم من قصصي واوجاعي بس حابة حدا يريح قلبي بأي شي .. |
رد: حامل بشهر التاسع شورو عليي وريحو قلبي ؟
لاتعتقدي الشفاء في سورة يس
وانما اعتقدي الشفاء في دعاءك لله وقراءتك للقران بدون تخصيص سورة معينة ويالغالية عشان تتطمني روحي لدكتورة تانية زي ماذكرتي |
رد: حامل بشهر التاسع شورو عليي وريحو قلبي ؟
ام اسكندر الله كريم وانا املي بربي كبير
بعدين انا قاصدة بسورة يس التييسر مو الشفاء لانو المشيمة خلص شاخت ومشي لحال .. ما بيصير تحكي هيك الله كريم وقادر على كل شي |
رد: حامل بشهر التاسع شورو عليي وريحو قلبي ؟
رفع
ىلا اله الا الله |
رد: حامل بشهر التاسع شورو عليي وريحو قلبي ؟
شوفي الدكتورة التانيه ايش تقلك
وبعدين لو الجنين وضعو كويس لاتاخذي طلق خليها على ربنا والله يسهلك |
رد: حامل بشهر التاسع شورو عليي وريحو قلبي ؟
اصبري وان لله مع الصابرين
يعني ما بقي اكثر من الي فاات الله يسهل عليك ياا رب وعلا كل حاامل |
رد: حامل بشهر التاسع شورو عليي وريحو قلبي ؟
ما فهمت ايش اللي المفروض ما تحكيه الأخت أم اسكندر من وجهة نظرك يا الياسمين الدمشقي .. هيا ما قالت غلط .. كل اللي قالته صح !!
يعني لازم نعتقد انه كل شي بيد الله و قراءة القرآن ما تكون بنية شي معين إلا لو انذكر في السنة .. و يكون الإعتقاد ان الله مسبب الأسباب و القرآءة مجرد سبب .. يعني ما نتعلق بيها .. أما بالنسبة لوضعك .. الله يجيبلك ساعة السلامة السهلة اللينة .. روحي لطبيبة تانية زي ما اتفضلتي .. و اولدي عند الطبيبة اللي ارتحتيلها أكتر شي .. و استخيري الله في كل أمورك .. و بعدها فكري حسب آراء الطبيبتين اللي سمعتيلهم .. لو لقيتي عندهم نفس الرأي .. فأنصحك لا تغامري و تستني عشان لا ينقص الأكسجين أو الدم على الجنين لا سمح الله و يضعف .. اشربي زيت خروع و اتوكلي على الله و روحي خدي طلق صناعي و اولدي .. و بإذن الله نستنى تطمنينا عنك و تسمعينا أخبار حلوة و نحمدلك على سلامتك و سلامة النونو :) |
رد: حامل بشهر التاسع شورو عليي وريحو قلبي ؟
حبيبتي ليينا ام اسكندر قالتلي انو الشفاء مو بسورة يس
انا ما قاصدة الشفاء .. ولي بيقرأ سورة يس بتتسهل اموره وانا قاصدة انو الله ييسرلي اموري بحملي وولادتي .. وبعرف انو التسهيل والتعسير بامور الحياة من الله .. بس سورة يس ممكن تكوون سبب في تسهيل امور حياتي وونعم بالله .. شكرا الك كتيير ونشالله بكرا بدي كلم دكتورتي واسألا عن زيت الخرووع ونشالله الله ييسرلي ولادتي وبس اوولد فورا جايتكم رح الكم قصة ولادتي بتفصيل ههههه تحياتي للكل .. وعم استنى اراء البنات الباقية |
رد: حامل بشهر التاسع شورو عليي وريحو قلبي ؟
لا تقلقي ياقلبي
وضعك طبيعي ولسى أنت ماخلصتي التاسع !! خليك متابعة الوضع وامشي على قد ماتقدري بس بدووون اجهااااد !! واعملي تمارين جلسة القرصاء وحركي يدك على بطنك اطراف اصابعك ( كأنك بتنفضي شيء عن بطنك ) إن شاء الله فهمتي علي ؟! هذه الحركة تعمل تحريض للرحم بس تحريض بسيط وطبيعي !! واهم شي تابعي وضع الجنين من ناحية الحركة والنبض وربي يكتب لك الساعة المباركة والولادة السهله |
رد: حامل بشهر التاسع شورو عليي وريحو قلبي ؟
السلام عليكم ورحمة الله وبركاته ...
اختي الياسمين ، انا رحت موعد عادي مراجعه. و قلت للدكتوره ان حركة البيبي حركه باليوم هي خافت قالت المفروض اقل شي 10 حركات وسوت تخطيط كانت نبضات الجنين ضعيفه وكنت بالأسبوع ال 38 وقالتلي لازم ولاده اليوم وكان فاتح 2 سم واعطوني طلق صناعي عشان أولد وولدت بس كنت اخذت اسبوعين بالتاسع والحمدلله .. بندر صحته كويسه الحمدلله الدكتوره اعرف مادام قالت ولاده هي اعرف لمصلحتك ،، انتي قلتي انك بالأسبوع ال 38 مشالله يعني وقت ولادتك تكوني ب 39 مشالله لا تخافين حبيبتي وتوكلي على الله وخذي طلق صناعي لاتخافين منه لانه نفس الطبيعي حتى يسرع الولاده وتولدين انشالله وترتاحي من اوجاع التاسع .. |
| الساعة الآن 09:48 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .