|
ابي منكم احد يحل المشكله انا وااايد متضايقه منها حيل؟؟؟
صباح/مساء الخير
انا قصتي انا اصغر اولاد وبنات امي وتزوجت وعمري 16 سنه ولان صارلي سنه ونص متزوجه واااايد اتضايق على فراق امي دايم دمعتي بعيني احاتيها وايد انا مدينه ثانيه عنهم تبعد600كيلو وانا حامل ونفسيتي حيل تعبانه بس ادق عليها اخاف عليها لدرجه انها اذا مردت على جوالها اقول فيها شي واذا جلست عندها فتره لو قصيره اتضايق حيل عليها اذا رحت عنها .,.,. اهيى عندها خدامه اخواني كلهم متزوجين بس كل واحد بشقه بس بعماره وحده يجون عندها شوي ويرحون لدوامتهم,.,. وانا دايم اقول ليش تزوجت ورحت عنها حتى زوجي يلاحظ علي اني دايم متضايقه احسه يتضايق مني.,., انا اقول يجين طفل ويلهيني بس مو قادره .؟.؟.؟ حتى امي دايم يوم نروح عندها تستانس وايد واحيان تقول قعدي عندي وخلي زوجج يروح يداوم وبعدين يجي ياخدك؟ احسه ودها اني اجلس عندها.؟.؟.؟ اهي دايم تجبلي هدايا وتعطيني فلوس اكثر من خواتي ؟.؟. وانا اتضايق اني تزوجت وخليتها؟.؟. واخاف انها تموت وتخليني بسم لله عليها؟ كن مره مسافرين انا وزوجي وامي واخواني نحضر زواج وزوجي كان يبي يرجع بس قلت لا ابي احضر زواج الثاني قالتلي امي روحي مع زوجك ترى مالج غيره انا ترى قاعده ابي احضر الزواج احسن من قعدتي لحالي بالبيت انتي الحمدلله عندج زوجك روحي معه اهم من زواج؟؟واهني حسيت ان امي متضايقه من القعده لحالها.,., وااايد اتضايقت عليها ودايم افكر فيها,.,.,. اسفه طولت عليكم بس والله مالي بعد الله غيركم؟ وشكرا واتمنى منكم حل مشكلتي؟ |
رد: ابي منكم احد يحل المشكله انا وااايد متضايقه منها حيل؟؟؟
ربي يطولكم بعمرالوالده ويفرها فيكم ..
يالغاليه هذي سنة الحياه والمفروض ترضين بالواقع خوفج على أمج شيء طيب وتقدرين ترحين حالج وتتطمنين بالمكالمه معها بشكل يومي الحمدالله أنو أحنا بعصر التقنية والاتصالات وقبل صدق البنت تنقهر على فرقى أمها والام نفس الشي لان مافيه وسيله أتصال وهم بعد المسافه لايدرون عن بعض ولا حتى يتطمنون .. خلي أتصالج لها بشكل يومي ولو تقدرين تخلين الزياره كل شهر .. وإذا خواتج معها بنفس المدينه وصيهم أنهم يزورونها بشكل يومي والحمد الله أن أخوانج معاها بنفس البيت .. وهم أقنعيها تدخل دار تحفيظ قرآن أو أنها تسوي دوريه مع الجيران أو حتى مع حريم عيالها بكذا ماراح تمل وإذا بيتها يوفر لها مساحة وتسوي حديقه ترا هذا الشيء يفيدها ويشغلها وهم يحرك جسمها .. جدتي أم أمي الله يحفظها تحب جمعت خلاتي وخوالي وأولادهم لاكن تشيل هم رجعتهم لديارهم حتى قبل يومين تقولي مايريحني إلا لمن أشوفهم مجتمعين حولي والبزارين بكل مكان ومايحزني لا بكره لاراحو ويقعد البيت خالي .. فيوم الاربعاء أول مامشو خوالي عزمت بيت جدتي خواتها وخالتي وجدتي أم أبوي إلي قريبين والحمدالله لهت فيهم ومن راحو لبيوتهم إلا وهي منهد حيلها بتنام ومن الصبح يكون خالي ياخذها ياللمزرعه وعلى قولتها تشوف حلالها وتشرف عليه وهذا الشيء يساعدها أنها ماتفكر بالوحده وأن فيه أشياء تشغلها .. عشان كذا أقولج أتفقي مع خواتج وأخوانج بشي يسلي أمج وينفعها ,, |
رد: ابي منكم احد يحل المشكله انا وااايد متضايقه منها حيل؟؟؟
انا مع سماسم الله يعطيهاا العافيه
|
رد: ابي منكم احد يحل المشكله انا وااايد متضايقه منها حيل؟؟؟
شكرا على ردود ريحتوني جزاكم الله الف خير
|
رد: ابي منكم احد يحل المشكله انا وااايد متضايقه منها حيل؟؟؟
حبيبتي انا متلك امي بعيدة عني
انا بالسعودية وهي بسوريا وكل مااكلمها ابكي لان ماعندا غيري بنات بس عندها شباب بس انا مو لهذي الدرجة متلك صح اخاف عليها واشتاق لها بس خلص هذي سنة الحياة ان تزوجت وبعدت عنها وكل فترة 6 اشهر انزل اشوفها والحمدلله كل يوم اكملها واطمن عنها معلش انتي الهي نفسك باي شي وادعلي لها وكل يوم كلميها والله يجمع بينكم عخير |
رد: ابي منكم احد يحل المشكله انا وااايد متضايقه منها حيل؟؟؟
اختي الله يخليلك امك وما يحرمكم من بعض
الام غالية لكن الانسان حياته مو بايده تذكري انه امك تركت امها لما اتزوجت وكل بنت لما تتزوج بتترك والدتها انت حالك افضل من اللي بيكونوا مسافرين على دول اخرى ........ احمد الله على نعمة قدرتك على رؤية امك وما تخربي حياتك بايدك كل شي له حقة |
رد: ابي منكم احد يحل المشكله انا وااايد متضايقه منها حيل؟؟؟
ياعيوني كلامك كبير احسك تتكلمي بداخلي انا كمان متعلقه بامي بقوه ويوم زواجي الناس في حال وانا في حال وتعبت نفسيتي حتى عند الاكل اتذكر هي اكلت والا لا واكره الاكل واقوم والان لي سنتين موقادره بس احاول اتناسى انا مسافره برا السعوديه وااكلم امي الا مرتين بالاسبوع ونفسيتي تعبانه حتى زوجي صاير يتضايق مني بس موبيدي يارب يخليهم لنا ويحفظهم ويديم رضاهم علينا يااااااااااااااااااارب
|
رد: ابي منكم احد يحل المشكله انا وااايد متضايقه منها حيل؟؟؟
والله ياقلبي حاسه فيكي بس احمدي الله انك احسن من غيرك شوفي انا بعيده عنها هي بالمملكه وانا في اليمن بس اروح عندها كل سنه والحمدلله
هذه سنة الحياه والله يرزقك بالذريه الصالحه عشان شوي تلتهي فيه والله يحفظ لنا امهاتنا ويطول في اعمارهم ويبعد عنهم كل شر |
رد: ابي منكم احد يحل المشكله انا وااايد متضايقه منها حيل؟؟؟
شكرا ياخواتي انا اصغر وحده ومتعلقه فيها وااايد هي كبيره بسن مريضه بسكر وضغط واخاف عليها؟.؟.؟.؟
ودايم تهتم فيني حتى بدراسه تجي عندي علشان ادرس وانا ادرس علشانه بس؟.,.,.؟\ وانا متعلقه فيها وايد.؟.؟ سمعت نصايح الاخوات وبديت احاول الهي نفسي شوي,.؟ والله يعيني.؟ وشكرا على ردود ونصائح,.؟ |
رد: ابي منكم احد يحل المشكله انا وااايد متضايقه منها حيل؟؟؟
الله يخليها لك ياااارب
|
| الساعة الآن 06:05 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .