|
المنشطات وكيس عالمبيض
بنات انا كنت اخذ حبوب كلوميد بس بفترات متباعدة
وقبل جم شهر اخذت كلوميد وابر منشطه عشان عمليه التلقيح اللي قدر الله انها تفشل واليوم بعد ثلالث شهور من التلقيح لرحت بفحص وكنت ناويه اسوي اطفال انابيب بس قالت لي الدكتوره عندي كيس عالمبيض اليسار وهذا الكيس بسبب المنشطات ومستحيل تقدر تعطيني اي شي حتى اذا اخذت ما راح استفيد ولازم اسوي عمليه منظار واشيل الكيس وفوق هذا كله سعر العمليه غالي650 دينار كويتي اذا بتحسبونها بالريال ال100ريال=7دنانير هذا غير العلاجات بعد العمليه وفكرت اسويها بمستشفى الحكومه بس ريلي خرعني من كثر ما اسمع يشيلون المبيض ويقصون شي بالغلط وهالسالفه ما فيها تجربه ممكن تروح حلم حياتي بغلطت دكتور بنات اكتب لكم وانا ابجي الله لا يحطكم بهالموقف انصحوني شسووووووووووي ناطره ردودكم |
رد: المنشطات وكيس عالمبيض
صج يعطيكم العافيه ومشكرين عالردود
لا حول ولا قوة الا بالله |
رد: المنشطات وكيس عالمبيض
من توكل على الله فهو حسبه
استخيري رب العالمين .. واذا حسيتي براحه سويها بالحكومي وتوكلي على ربك اذا امكانياتك م تسمح والله يرزقك ويرزقني واياكي |
رد: المنشطات وكيس عالمبيض
الله يشفيك يااارب
صح كثرة المنشطات تجيب تكيس انا صار معي كذا واستخدمت حبوب جلوكوفاج وبردقوش لمدة3شهور وراح التكيس الحمدالله توكلي على الله واستخيري واذا مافيه حل غير العمليه سويهاا والله يكتبلك الخير ياارب ويرزقك ويرزقني ويرزق كل محروم يااارب |
رد: المنشطات وكيس عالمبيض
تسلموون بنات عالردود
والحمدلله توكلت على الله وقررت اسويها ادعولي بنات تكفوون قريت عن العمليه بالمنتديات وايد مسوينها والحمدلله الله رزقهم بعدها ومشكورين عالتفاعل حبيباتي بس احس بخووف مو طبيعي الله يسر يارب ولا يضيع تعبنا |
رد: المنشطات وكيس عالمبيض
اختي هل عند كيس ام تكيس
لان الكيس شئ يسير و يزول اما التكيس فهو اصعب من الكيس احدى النساء قالت لي انها شربت حب الرشاد مع الحليب من اول يوم للدورة ليلا اي عند النوم و زال الكيس و الحمد لله اسال الله ان يشفيك عاجلا غير اجل امين امين امين |
| الساعة الآن 09:48 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .