|
اعاني من التهاب في عنق الرحم
السلام عليكم ورحمة الله وبركاته صباح الانوار اخواتي العزيزات ,, امس رحت لِ المستشفى وكشفت لانه كان عندي الم اسفل البطن .. اتضح انه بسبب التبويض , وعملت لي الدكتوره اشعه لِ البطن واخرى لِ المهبل .. قالت البويضات حجمعها ما شاء الله تمام ولكن عندك إلتهاب مزمن في عنق الرحم والله صدمتني لاني ما حسيت بشي ابد لا اعراض ولا افرازات غريبه تثير الشك دايم احاول اجفف المنطقه حتى لو خرجت مكان وبطول فيه البس و اخذ معي فوط صحيه .. بنات اللي عندها معلومات اكثر عن هـ الالتهاب تفيدني وهل هو يأخر الحمل اخاف يتحول إلى ورم سرطاني الله يسعدكم يا بنات طمنوني |
رد: اعاني من التهاب في عنق الرحم
لا ان شاء الله استبشري خير اختي الغاليه
و بصراحه انا صار لي نفس حالتك وماعرفت ان عندي التهاب الا لمن حللت لان ماتغير لون الافرازات الا احيان يتغير للاصفر ع الاخضر وقليل لان اعتني بالمنطقه ولكن بديت احس بعض الاوقات بحراره بالمهبل وفعلا صار التهابات بكتيريه وتقول الدكتوره انه احيان تاخر الحمل ومادري عاد,, صرفت لي حبوب و كريم مهبلي وعسى ربي يشفينا جميعاً ويرزقنا الذرية الصالحه المعافاة .. يَ رب .. كل شي بامر الله وكثري من شرب الماء وافضل لو يكون زمزم .. |
رد: اعاني من التهاب في عنق الرحم
اقتباس:
تسلمين عزيزتي ع هـ الرد اللي يريح البال بس غريبه انا ما اعطتني اي علاج بس قالت مافي منه اي ضرر نزلت الموضوع عشان اشوف الحالات اللي مثلي وابي اعرف هل يصير الحمل معليش اختي ودي اعرف صار لك كم متزوجه ؟ واشكرك ياعسل على ردك ماننحرم منك ويارب يجي اليوم اللي تبشرينا فيه بالحمل |
رد: اعاني من التهاب في عنق الرحم
الله يجزاك خير ع الدعوهـ وماسويت شي غاليتي ..
شوفي يالحبيبه انا متوكله على الله قبل ماروح له والحمدلله ربي يعينني ف من القراءه والاطلاع بديت اقترح ع الدكتوره اشياء لان خبرك شغلهم حار بحار والله يهديها والله من نفسي اقوله سوي تحليل لان احيان يقولون انه ياخر الحمل مع انو عندي قناعه انه كل شي بامر الله لان البعض يحملون وهم فيهم ويزيد مع الحمل وهو اساسا خطر .. وخطورة الالتهاب البكتيري انه ممكن يتحول لجرثومه مع الاهمال ، فهمتي وسبحان الله الواحد يسوي اللي عليه ويفعل الاسباب .. انتي قوليله بسوي تحليل وهي بتشوف النتيجه واكيد تكتب لك شي .. وانا صار لي يمكن سنه ونصف متجوزه . عسى ربي يسهل امرك وكل مسلم يَ رب |
رد: اعاني من التهاب في عنق الرحم
اقرأي هذه المواضيع بتفيدك حبيبتي
http://forum.hwaml.com/t77029.html http://forum.hwaml.com/t1893.html |
رد: اعاني من التهاب في عنق الرحم
اقتباس:
ونعم بالله هو القادر على كل شي وإن ارد ان يكون فيكن بمشيئته سبحانه لأول مره احس بألم التبويض حتى امس جاني الآلم حتى زوجي يقول خليني اوديكِ نراجع بس ماحبيت اروح اخاف يطلع معي شي ثاني والله قمت اوس وس اعطتني علاج ال دوفاستون بستمر عليه هـ الشهر وان شاء الله يصير حمل وما اشوف الدورة إلا بعد تسع شهور وابشرك بالخير ان شاء الله واتمنى انه نحمل انا وانتي بشهر واحد قولي آآآآآمين تسلمين عزيزتي جزيل شكري وتقديري لكِ |
رد: اعاني من التهاب في عنق الرحم
اقتباس:
تسلمين عزيزتي على هـ الإهتمام ماننحرم من طلتك يآآآرب تم الاطلاع بالأساس من اول ماعرفت انه معي التهاب على طول سويت بحث بالمنتدى بس نزلت موضوعي ابي اعرف اللي مثل حالتي وصار عندها حمل اشكركِ جزيل الشكر وكامل تقديري لكِ |
رد: اعاني من التهاب في عنق الرحم
شوفي حبيبتي انا مافي دواء ماجربته مليت من كثر ادويه الاالتعابات وكتبت وكتبت وكتبت هنا اشكي وابكي والبنات ماقصروا ومافدني بعد الله الا المره انقعها في مويه اقرا عليها المعوذات وايات الكرسي واحطها بعلبه ف يالحمام وكل مادخلت الحمام وتشكفت اتشطف فيها وفادتني بعد الله واحيانا اصب منها في فوطه يويمه والبسها ويار بيشفيك وسمعت انها تاخر الحمل فعلاااا
|
رد: اعاني من التهاب في عنق الرحم
عزيزتي أنا يمكن نفس حالتك كان عندي ألتهابات شديده لأن الدكتوره ماعالجتها من اول ماقلت لها
بدت معاي بالمنشط والمثبت دوفاستون ومثلك جاني ألم مو طبيعي لدرجة أني آخر مره ماقدرت أمشي من شدة الألم ورحت المستشفى على طول قالوا أني عندي أكياس على المبيض وهذا المستشفى غير اللي تشتغل فيه الدكتوره اللي أراجع معاها ولعوا مليون عله وعله بس لأني قلت أني راجعت برا مو عندهم لدرجة التنويم ولمن رحت لدكتورتي قالت هذا أمر عادي وطبيعي مع أني مثلك أول مره أحس بهالألم مع ان لي 5 سنوات على التنشيط والتلقيح بس ماحسيت بأي ألم غير هالمره وبعدين أعطوني أبره خلت الألم يروح تماماً ولمن قلت للدكتوره أنه راح حسيت كأنها تحطمت وبين على وجهها هالشي لأنه قالت اللي يجيهم هالألم ويستمر معاهم لبعد موعد الدروه يطلعوا حوامل لكن معاي للأسف ماصار حمل ورجعت عالجت لي الألتهابات بحبوب سيبروكسين وكريم مهبلي أفوسين والحمدلله راحت الألآم وخفت بس رجعتلي كمان هالشهر نفس المعاناة ولا عرفت وش أسوي غير أني أستخدم نفس العلاج لأن دكتورتي مسافره إجازه وبتطول ولكن مافاد مثل أول مره خلص العلاج والألم يروح ويرجع خاصة بعد العلاقه وأفكر أروح لأي دكتوره ثانيه لحد ماترجع دكتورتي نصيحه راجعي عند دكتوره شاطره وعالجيها لأن مافيه أخطر من الألتهابات حتى لو بسيطه خاصة بعنق الرحم ممكن تتسبب بعقم ولاتفكري تستخدمي غسول الديتول الخاص فيها أبداً خطيييييييييييييييييير جداً ويعتبر من مسبباتها غسول سيباميد كذا دكتوره قالت لي أنه ممتاز لهالحالات وأسأل الله اللي القدير أن يرزقنا الحمل السليم التام الكامل جميعاً يارب |
رد: اعاني من التهاب في عنق الرحم
اقتباس:
مراجعتي لدكتورتي نهاية الشهر اعطني علاج على انه يحصل حمل ان شاء الله وان ما حصل راح اجرب طريقتك بس ابي اعرف منك هل المره هو المر اللي اعرفه |
| الساعة الآن 10:24 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .