|
انا والبويضات بحالة ,, محتاجتكم ..
بسم الله الرحمن الرحيم ..
السلام عليكم ورحمة الله وبركاته .. بنات .. انا اخدت منشطات طبيعية للبويضاات وماادري اذا سار حجمها طبيعي او لا ,, لاني ماتابعت عند دكتورة << تدري مامنهم فايدة ... المهم .... سؤالي ... اذاا وصلت البويضة لحجمها الطبيعي تنفجر لوحدها او تحتاج ابرة تفجيرية ..؟؟ سؤالي2... ايش يعني ايام تبويض ؟؟ ( يعني وصول البويضة للحجم الطبيعي ام انفجار البويضة ) .. وماهي علامات انفجار البويضة ..؟ الله يسعد كل وحدة ترد عليآ ويرزقها الحمل الثابت السليم في هذا الشهر الكريم يارحيم .. وتجعلها ماتشوف الدم الا بالنفاس يارب العالمين ... |
رد: انا والبويضات بحالة ,, محتاجتكم ..
وعليكم السلام ورحمة الله
بالرغم انك قلتي الاطباء ما منهم فايده بس ان شاء الله افيدك بقدر ما اعلم اذاا وصلت البويضة لحجمها الطبيعي تنفجر لوحدها او تحتاج ابرة تفجيرية ..؟؟ اذا انتي ما عندك مشكلة هرمونات ف باذن لله تنفجر البويضه لوحده بهرمون يسمى lhيفرز قبل انفجار البويضه ب 12 الى 36 ساعه يزيد من حجمها حتى تنفجر الحويصله وتخرج البويضه ايش يعني ايام تبويض ؟؟ ( يعني وصول البويضة للحجم الطبيعي ام انفجار البويضة ) .. ايام التبويض تتطلق على الايام الي تكون فيها المراءه في اعلى خصوبتها وجاهزه ل افراز البويضه ولكن الافضل ان تسمى ايام الخصوبه واليوم الذي تفرز فيه البويضه هو يوم التبوض وهو يوم واحد لانه البويضه تعيش 24 ساعه وماهي علامات انفجار البويضة ..؟ اشهر العلامات ارتفاع طفيف في درجة الحراره ووجود مغص او تقلصات ناحية المبيض الذي خرجت منه البويضه |
رد: انا والبويضات بحالة ,, محتاجتكم ..
اقتباس:
انا قلت مامنهم فايدة لانو من جد بروح ساعات بالانتظار بالاخير بخرج من عندهم من غير حق ولا باطل ..حتى التحاليل اللي سويتها انا طلبتها احس بس يمشو طبعا مو الكل .. الله يسعدك يارب جزاكي الله خير .. ___________ بس بعرف كيف مشكلة بالهرمونات زي ايش متلا وهل هذي المشاكل تظهر بتحليل التورش لاني ماحللت غير التورش والفايروساات اعتقد وتجلط الدم .. وسؤال تاني كمان الله يسعدك --- لو كان عندي بويضتين مقاساتها مختلفة هل ممكن تتلقح الاتنين لاني نفسي احمل بتوام .. انا ببداية يوم 14 من الدورة كان عندي بويضتين وحدة مقاسها 16 ونص ووحدة 14 ونص بس الدكتور قللي حتكبر الايام الجاية ومادري كبرت لا ولا ؟ طول دورتي تقريبا 31 يوم ماعمري دورتي جاتني بوقتها لازم تتاخر يوم يومين 3 احيانا اسبوع هدا بعد العلاج قبل العلاج كل شهرين مره |
رد: انا والبويضات بحالة ,, محتاجتكم ..
بس بعرف كيف مشكلة بالهرمونات زي ايش متلا
يعني زي تكيس المبيض احيانا يكون الاستروجين عالي مما يقلل ال fsh و ال lh وهما مسئولين عن نضج البويضها وافرازها بعد النضج وهل هذي المشاكل تظهر بتحليل التورش لاني ماحللت غير التورش والفايروساات اعتقد وتجلط الدم لا لاتظهر في هذه الحالات التورش فقط عشان يتاكدوا انه ما عندك بكتيريا او فيروس ممكن يتسبب في قتل الاجنه لانه عادة ينتقل من الام الى الجنين واحيانا يسبب الاجهاض وكذلك تجلط الدم ليس لديه علاقه با اضراب الهرمونات لو كان عندي بويضتين مقاساتها مختلفة هل ممكن تتلقح الاتنين لاني نفسي احمل بتوام ممكن يتلقحوا الاثنين اذا وصلوا للحجم المناسب انا ببداية يوم 14 من الدورة كان عندي بويضتين وحدة مقاسها 16 ونص ووحدة 14 ونص بس الدكتور قللي حتكبر الايام الجاية ومادري كبرت لا ولا لا اعلم بس اذا هرموناتك fsh و lh جيده المفروض تكبر لانه التبويض عندك غالبا يوم 17 من الدوره ربنا يرزقك الذريه الصالحه |
رد: انا والبويضات بحالة ,, محتاجتكم ..
اقتباس:
اخر سؤال دكتورة .. كيف اعرف ازا فيه تكيس ولا لا انا قبل اسبوع سويت تصوير بالسونار اعتقد عشان اشوف البويضات يبان ازا فيه تكيس ؟؟ |
رد: انا والبويضات بحالة ,, محتاجتكم ..
ممكن يبان بس المشكله انه ايام التبويض المبيض يفرز عادة من 20 الى 30 بويضها(في الوضع الطبيعي) وبتاثير هرمون ال fsh واحده فقط تصل للحجم المناسب والباقي يتحلل ف اذا عملتي السونار في ايام التبويض ممكن الطبيب يتلخبط بين البويضات هذي والحويصلات اللي تحولت الى اكياس صغير
بس انتي قلتي دورتك غير منتظمه فاكيد اول شي بيشك فيه الطبيب هو التكيس خصوصا اذا كان عندك زياده في الوزن او حبوب الشباب او شعر جسمك كثيف او ف اسرتك وجد من هم لديهم مرض السكر واكيد انت فحصتيه واستبعد صح؟؟ |
رد: انا والبويضات بحالة ,, محتاجتكم ..
اقتباس:
روحت لدكتور ممتاز سوا تحليل ماعرف حق ايش وصور بالسونار.. قلي مافيكي شيء بس اعطيكي دوا سكري ينظملك الانسولين لاني كونت نحيفة وسمنت 14 كيلو سارت لخبطة عندي (انا سمنت بارادتي كونت اخد اعشاب وحبوب الخميره ) المهم هدا من قبل لاتزوج وانا عالحبوب وكل ماروح عندو يكتبلي نفس الحبوب .. مع الحبوب تنتظم الدورة بدونها تتلخبط .. بعدين حملت الحمدالله وكان علاجي هيا حبوب السكر فقط .. بعدين شهرين توقف نمو الجنين وماعرفنا السبب .. توقف بشهر 10 قبل شهرين وسويت عملية تنظيف 7/10/1432 استمر الدم 12 يوم بس كان خفيف مرره يوم 12/11/1432 جاتني الدورة (اول دورة بعد الاجهاض) الان ماعرف كيف وضعي بعد الاجهاض بس نفسي احمل ___________ بالنسبة لاسئلتك .. انا شعري كثيف اساسن .. مافي شيء تغير .. السكر كتير بالعائلة معاهم سكر بدانة / الحمدالله وزني زي ماهوا تحليل السكر حللت والحمدالله سليم سويت تصوير يوم 13 من الدورة قبل اسبوع الدكتور ماجاب سيرة التكيس بس انا احس الم اسفل بطني وخايفة يكون تكيس |
رد: انا والبويضات بحالة ,, محتاجتكم ..
هلا يالغلا ..،
اقتباس:
اقتباس:
اقتباس:
|
رد: انا والبويضات بحالة ,, محتاجتكم ..
حياتي ياقلبي خلي تفجير البويضه لله الواحد الاحد الفرد الصمد الذي لم يلد ولم يلولد بس الا ستغفار وربي راح تفرحين ياحق
|
| الساعة الآن 02:55 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .