|
ابستشيركم اولد بمدينة فهد الطبية ولا عند اهلي بالقصيم
السلام عليكم ورحمة الله وبركاته
والله اني محتاااارة لاني بكرية ولا اعرف شي ابد انا طول فترت حملي اراجع بمدينة فهد الطبية لكن مدري وين اولد فية اهلي بالقصيم ومقدر اولد لحالي بمدينة فهد وامي بعيدة بالقصيم وماتقدر تجي عندي والنفاس يبيلها عناية هل اولد بالقصيم عشان اصير قريبة لاهلي وعند امي ولا اولد بمدينة فهد الطبية والله يعيني ع طول الطريق اروح للقصيم عند اهلي وش رايكم؟؟؟؟ انتظر ردكم يااخواتي ومشورتكم بكرية متوهقة؟؟؟؟ |
رد: ابستشيركم اولد بمدينة فهد الطبية ولا عند اهلي بالقصيم
والله اولدي عند اهلك وين ماكانوا
والله لو اهلي وين وبغض النظر عن المستشفى اهم شي اهلي على فكره انا اراجع في مدينة الملك فهد الطبيه وبولد فيها ان شاء الله |
رد: ابستشيركم اولد بمدينة فهد الطبية ولا عند اهلي بالقصيم
شوفي وضعك وزوجك
واقعدي عند اهلك حتى لو اسبوعي او 3بعد الولادة مو ضروري تكملي اربعين يوم كامل عندهم والله يسهل لك |
رد: ابستشيركم اولد بمدينة فهد الطبية ولا عند اهلي بالقصيم
لا حبيبتي انا برأيي روحي عند امك
اولا لانك بكرية وامك رح تعتني فيكي بالبيبي اكتر .. وممكن يصير معك اشياء ما رح تعرفي تتصرفي فيها امك لي بتنصحك وبتساعدك بالبيبي واكيد كأول طفل ما رح تعرفي منيح متل امك تهتمي فيه ورح تكوني خايفة ومتلبكة انا هيك رأيي اسفة ع الاطالة الله يووفقك ويقوومك بسلامة ياارب ,,,,,, |
رد: ابستشيركم اولد بمدينة فهد الطبية ولا عند اهلي بالقصيم
انا رائي تولدين ثم تروح لاهلك لانك انتي متعوده على مستشفى فصعبة تروحي مستشفى ثاني مايعرفون اي حاجه عن مراجعاتك ووضعك
اما الطريق فهيء نفسك واستلقي براحه بالسيارة اختي كذا تولد بالرياض ثم من بكرى تجي لنا فهذا رائيي والله يسهل عليك يارب |
رد: ابستشيركم اولد بمدينة فهد الطبية ولا عند اهلي بالقصيم
نصيحة روحي عند اهلك قبل الولادة
واولدي عند أمك لو مو بكرية نقول مو مشكله بتدبري عمرك بس بكرية صعب .. ولساتك تجهلي اموور كثيرة بالنفاس وبالعناية بالبيبي !! روحي وتوكلي على الله وخوووذي ملفك حق المراجعة معك وربي يسهل امووورك |
رد: ابستشيركم اولد بمدينة فهد الطبية ولا عند اهلي بالقصيم
يعني رائكم اروح عند اهلي واولد عندهم طيب المستشفى اللي بولد فية عند اهلي مايعرف عني شي
اما المستشفى اللي بالرياض عندهم معلومات كاملة عني بس المشكلة هي الطريييق والوالدة صعب تركب السيارة فترات طويلة صح ولا لا؟؟؟؟ اقتباس:
طيب اختك اللي تولد بالرياض وثم تجي عندكم المسافة بعيدة وهل هي بكرية |
رد: ابستشيركم اولد بمدينة فهد الطبية ولا عند اهلي بالقصيم
تقريبا اقصى القصيم اربع ساعات
لا مو بكرية لكن صديقتي ولدت مرتين عمليه وجت من الرياض للقصيم ماشاء الله عليها انت لو السيارة مريحه صدقين ماراح تحسين والنونو حطيه في سرير لحاله اما اذ تعرفين مستشفى بالقصيم قريب من اهلك اطلبي ملفك من المستشفى اللي تراجعين عنده يعطونك نسخه منه يصوره لك وراجعي الفترة الاخيرة عند المستشفى اللي عند اهلك انا اراجع عند الوفاء بعنيزة |
| الساعة الآن 01:40 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .