|
تجربتي مع التلقيح الصنااعي ...والنتيجه
السلام عليكم كيفكم ؟ دا اول موضوع ليا في دا المنتدى الجميل رح ادخل في الموضوع علي طول دا يا طوال العمر انا متزوجه من 4 شهور اتزوجت وانا اعرف انو عند زوجي مشاكل<< الانو كان متزوج المهم النصيب لعب دور واراد الله ان نتزوج قررنا ما نضيع وقت في الانتظار ورحنا عند الدكتور وقلنا نبغا نعمل اطفال انابيب << من راسنا بعد الدكتور ما شخص الحاله وكده قال خلينا نبدا حبه حبه علشان عمري صغير قال نجرب التلقيح الصناعي قالي اعمل كم تحليل منها هرمون الحليب عملتها ورحتلو الحمد الله كل شي طبيعي زوجي عمل تحليل طلع عندو شي اسمو الارتجاع جزئي يعني يخرج جزء من السائل المنوي طبيعي ودا مرا قليل والباقي يخرج مع البول الله يكرمكم رح اكمل في الرد التاني |
رد: تجربتي مع التلقيح الصنااعي والنتيجه << متجدد
رجعتلكم !!
جاتني الدوره بتاريخ 30\10وبدات في الكلوميد في تاريخ 2\11 لمده 5 ايام وفي 8\11 اخدت ابره التفجير كان يوم خميس يوم السبت الصباح راح زوجي الساعة 10 اخدو منو العينه وقالو الحمد الله انو العينه كويسه الساعه 12 انا وصلت المستشفي اول شي قاسو وزني وطولي وعمري وقالو استني شويه في الوقت دا اذن الظهر استادنت الدكتور ورحت المصلي وصليت ودعيت ربنا انو تنجح العمليه المهم لما طلعت دخلت غرفه مكتوب عليها العمليات اعطوني ملابس العمليات لبستها ودخلت وانا دمي ناشف في عروقي وقلبي بيوقف شويه وجات دكتوره غير الدكتور الي براجع عندو >> قال الدكتوره احن المهم دخلت حديييده تفتح الرحم جلست اصررررخ >>> علشان اتوجعت ماسبق لي ولاده ايش نسوي لازم نستحمل والدكتور فوق راسي يقول المريضه دي مدلعه وربي كان نفسي اقوم اضربو وبعدين جلست نص ساعة نايمه علي ضهري اعطوني حبوب استتخدمها لمده شهر الفوليك ودافستون رح اكمل في الرد الي بعدو |
رد: تجربتي مع التلقيح الصنااعي والنتيجه << متجدد
بعد مارجعت البيت صليت العصر بعدين عشت حياااتي طبيعي
وفي اليوم ال5 من التلقيح قلت بروح احلل مني قادره اصبر بحلل هرموني ( الرقمي) رحت وحللت في عياده غير الي دايما بحلل عندها وقالي النتيجه بكره ماااتعرفو اليوم كيف مر وربي كانو سنه جا الصباح دقيت علي المختبر قلي النتيجة 4,1 يعني مافي فرحت الانو دااايما النتيجه تطلع عندي 1,20 ومراا فررررحت وقللت يااارب يزززيد قالي حق المختبر مافي حمل قلتلو ان عامله تلقيح ودا اليوم ال5 قالي حللي تاني كمان يومين او اصبري 14 يوم قلت ما فيا جا السبت يعني يومين علي التحليل رحت حللت عند المختبر الي دايما احلل عندو وانصدممممممممممممممممممممممممممممممممت طلعت النتييييجه 1,20 اتخيييييييييييلوووو جلسسست ابكييييييييييييي الاني مرا تعبت وحسيت انو خلاص مافي امل دا الشهر ونحاول الشهر الي بعدوو ما تعرفو قد ايش زعلتت والله يا بنااات حسيييت قلبي محرووووق |
رد: تجربتي مع التلقيح الصنااعي والنتيجه << متجدد
الله يعين حبيبتي وربي يرزقج
|
رد: تجربتي مع التلقيح الصنااعي والنتيجه << متجدد
اللة يعوضك خير يارب وترا الحاله النفسيه لها دور كبير أنا لما عملت التلقيح جلست أسبوع عند أهلي علشان ماأبي اتحرك ولاأشتغل وكنت ألهي نفسي مع أهلي وكثرة الأستغفار والدعاء وبعد 14 يوم جاتني الدورة وأنا كان موعدي بعد15 يوم قلت يمكن مو دورة ورحت حللت اليوم الثاني وماصار في حمل الله يرزقنا جميعا
|
رد: تجربتي مع التلقيح الصنااعي والنتيجه << متجدد
الحمد الله علي كل حال
بكرا رح اقولكم النتيجه الاكيده ان شاء الله |
رد: تجربتي مع التلقيح الصنااعي والنتيجه << متجدد
حللت اليوم ال 13 ما قدرت اصبر لل 14
طلعت النتيجة برضو 1.20 قالولي اصبري لموعد الدوره وحللي الحمد الله علي كل حال |
رد: تجربتي مع التلقيح الصنااعي والنتيجه << متجدد
ؤبي يرزقك ويوفقك الله يعين
|
رد: تجربتي مع التلقيح الصنااعي والنتيجه << متجدد
الللللللله يرزقققككك يارب وكل السامعين انشالله
|
رد: تجربتي مع التلقيح الصنااعي والنتيجه << متجدد
انا مرة خايفة من التلقيح الصناعي قالت ليي الدكتورة بعد ثلاثة شهور اذا ما حصل حمل راح يعملوا ليي تلقيح لانه المشكلة يمكن في حركة ووصول الحيوانات المنوية للبويضة
طبعا زوجي رافض انه يسوي تلقيح صناعي بس ان شاء الله احمل ولا نحتاج حبيبتي نحن نريد وانت تريد والله يفعل ما يريد مو بيدنا احنا نحدد متى نحمل الله وقت ما يريد بيرزقنا |
| الساعة الآن 07:43 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .