|
حلمي وحملي واليتيم وحيرتي ~ ابي اقتراحات ربي يسسعدكم ..!
السلام عليكم :
بدخل في الموضوع على طوول ... انا لي 8 سنوات متزوجه وماشيه بالتاسعه .. المهم اني للآن ماحملت .. والاهم : اني قبل فتره كنت اتمنى اتبنى يتيم .. قبل تقريبآ 5 سنوات ..وقلت احمل وبعدين اجيب علشان ارضعها و تصير بنتي .. بس : حلممت قبل فتره ان جارتي اعطتني طفل صغير وقالت امسكي ذا يتيم خذيه ربيه واخذته منها ولمن مستكته منها اعطتني اسوره ذهب وقالت ذي لقيتها معاه ولمن مسسكت الاسوره الذهب كانت الاسوره زي ماهي ماهي مكسوره لا اي شي صار يطيح منها قطع مرربعه ذهب حووالي 5 قطع ..~] فـ اللي فهمته اني لو كفلت يتيم بيجيني الخير ومو لازم انتظر لين مااحمل.. اللي بسسسالكم عنه: ايش رايييكم الشخصي في اللي صار معاي ..!! تنصحوني اتبنى والا لا ..! اذا كبر كيف بقوله انه يتيم ..! الناس وماادرك ما الناس كيف بتكون نظرتهم له ..! اقترراح : قلت اذا تبنيت مابقول اني ماخذته من الدار علشان محد يجرحه بقول ان وحده من صاحباتي ماتت هي وزوجها وماعندها اهل واخذته ..! بنفس الوقت ماودي اكذب ولاودي يكون لحد كلام عليها(باخذ بنوته ) ..! وبالاخييييير مشكورين ربي يسسعدكم .. |
رد: حلمي وحملي واليتيم وحيرتي ~ ابي اقتراحات ربي يسسعدكم ..!
ما أعرف ..
بس شوفي عندنا في الاسلام ما في تبني .. تكفلي أو تربي يتيم .. لانو التبني يسير باسمك يعني ولدك .. لكن دحين لو أخدتي بنت مستحيل تضاف في كرت العائلة .. والأفضل إنك ما تكذبي وعادي تقولي الحقيقة إنو من الدار .. وحدة تقربلي دكتورة نساء وولادة .. ونفس مدتك تقريبا 9 سنوات وربي ما رزقها بأطفال .. أخدت ولد من الدار وربتو .. وما همها كلام الناس .. ما سوت شي غلط هيا .. ودحين ما شاء الله عمرو 3 أو 4 سنوات تقريبا .. وعايش معاها هيا وزوجها الحمد لله زي الحلاوة .. على فكرة .. أصلا لو حملتي ممنوع يدوكي من الدار .. لانو سبحان الله يخافو تظلمي أو ما تعدلي بينهم .. فإنتي إش لازم تسوي عشان البنت لمن تكبر تكشف على زوجك .. تستني أحد من أهلو تولد أو تكون مرضعة عشان ترضع بنوتتك .. مثلا أختو فيسير خالها بالرضاعة أو أخوه ويسير زوجك عمها .. وبرضو إنتي كمان لازم أحد من أهلك يرضعها عشان يسير بينكم قرابة .. فتسير بنت أختك بالرضاعة وإنتي خالتها أو أحد تاني المهم زي كدا .. دا اللي سوتو الدكتورة اللي تقربلي وعموما دا المفروض اللي يسير .. الله يوفقك وييسر لك الخير يا رب .. |
رد: حلمي وحملي واليتيم وحيرتي ~ ابي اقتراحات ربي يسسعدكم ..!
سوي اللي تشوفين أن نفسك تسوينه وأحتسبي الأجر عند الله ولاتلتفتين لكلام الناس وفعلاً حاولي لو أخذتي تسوي اللي تقول الأخت (مون حبيبي)
والله يرزقنا وياك الحمل السليم التام |
رد: حلمي وحملي واليتيم وحيرتي ~ ابي اقتراحات ربي يسسعدكم ..!
شكرآ بنات ربي يسسعدكم ويجازكم الجنه ..
وانا مااقصدد اني اضيفه بكرت العائله لا كان قصدي اربيه فقط .. |
رد: حلمي وحملي واليتيم وحيرتي ~ ابي اقتراحات ربي يسسعدكم ..!
الله يعينك لفعل الخير..
أنا رأيي م رأي البنااات.. الله يرزقك يارب.. |
رد: حلمي وحملي واليتيم وحيرتي ~ ابي اقتراحات ربي يسسعدكم ..!
كفت ووفت مون حبيبي
قال الرسول صلى الله عليه وسلم: انا وكافل اليتيم كهاتين واشار لسبابه والوسطى ويبخت من اشتغل لآخرته قبل دنياهـ المهم والآهم بلمسقبل العدل ربي يوفقك لكل خير يارب |
رد: حلمي وحملي واليتيم وحيرتي ~ ابي اقتراحات ربي يسسعدكم ..!
انا من راي الاخوات توكلي على الله ولا يهمك كلام الناس فهم فكل الحالات يتكلمو..لان ارضائهم مستحيل.
ربي يرزقني واياك وكل محرومة من امة محمد الذرية الصالحة |
رد: حلمي وحملي واليتيم وحيرتي ~ ابي اقتراحات ربي يسسعدكم ..!
اختي الى متى الرؤيا تدل على انك بتكفلي يتيم وتربيه والله بيرزقك ببنت مع كفالة هذا اليتيم
لانه الاسواره تدل على بشاره بحمل ببنت ...والله اعلم |
رد: حلمي وحملي واليتيم وحيرتي ~ ابي اقتراحات ربي يسسعدكم ..!
انا مع الاخوات بس استخيري كم مررررة وبعدها توكلي على الله
|
رد: حلمي وحملي واليتيم وحيرتي ~ ابي اقتراحات ربي يسسعدكم ..!
البنات ماقصروا
الله يرزقك من رزقه الحلال وانا اعرف الاسوره الذهب حمل ببنت والله اعلم |
| الساعة الآن 11:23 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .