|
ساااعدوني مع تؤامي
السـلام عليكم
كيف الحال أمهــات :) ؟ امهات ساعدووووني ساعدكم الرحمـن ^^ انا عندي ولدين تؤام أحمد ومحمد الله يخليهم ويحفظهم ويرزقنـا عمرهم 3 أشهر المشكـله انهم كثييير يرضعوا من صدري يعني تقريباً كل نصف ساعه وكثييير متعب واحس تعبت لأنهم اثنين مش وواحد حاولت ارضعهم مع بعض مره وحده بس للأسف ما قدرت والمشكله العظمى فالليل بأثنينهم يقوموا مره وحده ويصيحوا يريدوا يرضعوا من ثدي حاولت اعطيهم الزجاجه لكن للأسف قوبلت بالرفض تعبت بناااااااااااااااااااااااااات ساعدوووونيhwaml13 |
رد: ساااعدوني مع تؤامي
ياقلبي والله رحمتك
احنا واحد ونموووووووت من كثر المص بس لازم تحاولين بالرضاعه هم لسى صغار يعني تقدرين عليهم لاتخليهم يقدرون هم عليك ^^ أول شي عندك حل من اثنين يأما تحاولين قد ماتقدرين انك تخلين الرضاعه الصناعيه مع الطبيعيه أو تفطمينهم من الطبيعي وتكملين على الصناعي.. أنا شخصيا افضل الحل الاول أول شي ان بتعطيهم طبيعي وراح توفرين النص تقؤيبا لانه الحليب الصناعي بسرعه يخلص وسعره *&* المهم انتي خلي احد معاك يعاونك على الثاني انشالله لمده قصيره وراح يصير كل شي تمام أذا تبينه يتقبل الرضاعه لازم يعطش اول ولا تستسلمين بسرعه وتعطينه الثدي حاولي معاه بيكسر خاطرك بس ماعليش يمكن المره الاولى ينام عطشان ياقلبي تحملي لاتستسلمين هو بيستسلم وخلي الطبيعي اثناء الليل أو اذا حسيتي ان صدرك امتلئ حليب عطيهم بس اول الصناعي وانشالله تمشي معاك هالطريقه وربي يخليهم لك ويتدللون عليك |
رد: ساااعدوني مع تؤامي
جربي معاهم اللهايه وقت مايكونو جوعانين .... وغصب عنهم بياخذوها من الجوع
اذا تعودو على اللهايه راح يتقبلون الرضاعه بسرررعه |
رد: ساااعدوني مع تؤامي
اقتباس:
حبيبتي انتي والله كثيييير متعب ومجهد ومؤلم والمشكـله انهم بكري hwaml7 مشكلتهم عندهم عدم تقبل للصناعي ابداً ابداً احاااول بشتى الطرق لكن للأسف لا وواحد منهم يرجعه مشكلتهم يرضعوا كثير واوزانهم ما تزيد وعاد اللي يضايقني زوجي ما يستحمل الصياااح يعني ما متساعد وانا اسكن في منطقه بعيييده عن اهلي واهله والبقيه فالداومات ما اقدر اجيب احد جبت الماما فتره بسيييطه بس بعدين رجعت لأنه فالبيت ما احد وعندي اخووان صغار شكراً حيـاتي |
رد: ساااعدوني مع تؤامي
اقتباس:
صح فكره حلوه بجربها :) وإن شاء الله تجيب حل بس اخااف يتعودوا عليها انا ما اريد على المص الكثييييرر |
رد: ساااعدوني مع تؤامي
لو كنتي عطييهم الصناعي من يوم انولدو لكانو تقبلوها
شوفي يالغلا في البداية اشفطي حليب من صدرك للرضاعة عشان مايلاحظو فرق في الطعم ولمن يتقبلو الرضاعة ساعتها عطيهم صناعي وخلي الحليب الصناعي دافي لان حليب الام حرارته دافئة وفي حلمات في الصيدلية للرضاعة شبيهة بحلمة الام شكلها مفلطح ومنتفخ من تحت اعتقد من شركة NUK http://forum.hwaml.com/imgcache2/hwa...614011_404.jpg http://i.tfcdn.com/images/YQD7fpf18B...ZBOgMA?m=1&g=1 وقد تجدينها لشركات اخرى وكمان في لهايات بنفس الشكل ذا ويتقبلها الطفل اكثر من الحلمات العادية لانها تشبه حلمة الام والله يحفظهم لك |
رد: ساااعدوني مع تؤامي
الله يعينك انشالله ... بصراحه الازواج معظظمهم كذا مايساعدون ومايحبون الازعاج بس انشاللله تعبك فيهم وهم صغار يعوضك ربك عنه اذا اكبروا وربي يكتب لك أجر الصابرين اذا حاولتي معاهم على الصناعي مره ثانيه نيمي واحد بغرفه والثاني اجلسي تأني معاه وانتي حاطه الرضاعه بفمه اقري سورة(( قل أعوذ برب الناس)) وربي معاك انشالله
|
رد: ساااعدوني مع تؤامي
اقتباس:
اخلي واحد وارضع الثاني . بس الله يصبرني عليهم لأني الحين صدري ملتهب من كثر المص واستخدم حبوب ... |
رد: ساااعدوني مع تؤامي
ام احمد ومحمد حبيبتي انا مريت بتجربتك انا بكرية ورزقت بتوأم بنات بعد 11 سنة انتظار الحمدلله الله يحفظهم ويسلمهم يارب ويرزقني اخوة ذكور لهم ما شاء الله تبارك الله صراحة اهنيك انك قدرتي ترضعي ثلاث شهور انا ما تحملت بعد الشهر تماما اعطيتهم الصناعي بعد معاناة الطبيعي كنت ارضع اربع ساعات متواصلة وزوجي ووالدتي يصبروني ويتعاونون معي ومع ذلك تعبت وارهقت ورغم اصرار الطبيب على الطبيعي ورفض الصناعي عطيتهم الصناعي عمرهم خمسين يوم وتقريبا فطمتهم من خمس ايام مارضعتهم ما ادري تكفي للفطام ولا محتاجة وقت كنت اقدر استمر بالطبيعي بس حسيت انه مايشبعهم واضطر بعد ما اخلص رضاعة اعمل رضعة لهم صناعي ومن بعد ما راحت الوالدة من عندي ورجع زوجي دوامه صار العبء كبير علي ومالي خلق للطبيعي ولا عندي وقت برغم ان عندي شغالة بس ما عندي وقت حتى للاكل الحين مع الصناعي الى حد ما قدرت انظم اموري يصحون بانتظام وبالدور صحيح ما ارتاح بين البنت واختها بس المهم انهم انتظموا وافضل من رضاعتهم الطبيعي ماتتخيلين شو تعب الطبيعي كنت ارضعهم البنتين سوا كل وحدة على جهة وبوحدة من المرات ربنا سلم كانت وحدة منهم بتوقع مني على الارض لاني كنت ارضعهم بنفس الوقت وصحتي تراجعت من قلة النوم والراحة بس استفدت انهم تأقلموا على الصناعي بكير لانهم صعب يتعودوا عليه بعد الاربعين وسبحان الله وحدة منهم كانت تفتقد صدري وتبكي ساعات برغم انها شبعانة وماخذة الصناعي بس محتاجة تنام على صدري
نصيحتي لك تقوي قلبك واتركيهم يجوعوا وبعدها اعرضي عليهم الصناعي ومو مشكلة لو ناموا على صدرك مبدئيا وبعدها افطميهم لو حبيتي وبالنسبة لتقرحات الحلمة في كريمات قوية تعالج وتحافظ على الحلمة صراحة احنا بالذات امهات التوائم مضطرين نفكر بنفسنا شوي لانهم تعب واجهاد |
رد: ساااعدوني مع تؤامي
كان الله بعونك حبيبتي..
والله ماعرف كيف افيدك.. |
| الساعة الآن 04:00 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .