|
ودي افضفض وابغى حل
بسم الله الرحمن الرحيم
السلام عليكم ورحمة الله وبركاته كيفكم اخواتي يارب تكون بخير ابغى اشكيلكم وضعي وابغى حل ويارب لا تحرمني من الاجر مشكلتي اني متزوجه ولد خالتي وسكنت مع اهله بنفس القريه ومن يوم ما كنت باول زواجي ماخرجت ولا تمشيت زي العرايس لان خالتي الله يرحمها تعبت وكان زوجي يودها المستشفى وكنت مبسوطه الحمد لله انه طلع فيه خير في اهله وكانت خالتي تعاملني زي بنتها وان قصر زوجي معايا تخاصمه المهم انا ماعندي صديقات بعد ماتزوجت وانتقلت للقريه وصارت حياتي زوجي وعيالي حتى دراستي وقفتها ومشاويري مع اهله وروحتي لبيت اهله والان خالتي الله يرحمها توفت لها سنتين وصرت احس بالطفش لوحدي وزوجي صار طول الوقت على النت واذا جلست معه نادر نتكلم واحيانا مااشوفه يسولف ويضحك الا اذا رحنا بيت اهله وصارت المسؤوليات تكثر عليه مسؤوليتنا من جهه ومسؤوليات بيت اهله من جهه واذا طلبت منه شي قال انا تعبان انتو ماتحسون واذا اهله طلبو شي يستحي منهم ويسويه حتى لو تعبان صرت اذا شفته تعبان ااجل طلباتي الين اشوفه مرتاح ولمن اقوله يقول انتو ما تخلون الواحد يرتاح وانا طفشت مالي غيره لاصديقات واهلي بعيد واهله صرت مااروح عندهم والان مشكله ثانيه اخوه مدمن وصار مريض نفسي واذا سوا مشاكل لاهله يجون لزوجي وزوجي يجيب له الشرطه عشان يرضى يروح المستشفى والمستشفى ينوموه يومين ويطلعوه ويجلس يهدد زوجي لانه هو اللي جاب له الشرطه واحيانا ياخذ السكين ويهدد زوجي بالقتل كرهت حياتي الان ماقدر اطلب منه انه نسكن بعيد عن اهله مع انه الحمد لله ممكن ننقل وهو مايبغى يسيب اهله لانه ابوه كبير في السن ويحتاجه وعنده اختين كبيرات مع انه عنده 9 اخوان بس كل واحد اتزوج وسكن بعيد الا هو احس اني تعبانه سامحوني طولت عليكم بس هذا الكلام مااقدر اقوله لاحد شـكــ وبارك الله فيكم ـــرا لكم ... لكم مني أجمل تحية . |
رد: ودي افضفض وابغى حل
لله مع الصابرين
|
رد: ودي افضفض وابغى حل
شوفي يااختي
زوجك طيب جدا وحياتك صح فيها معاناه بس لازم يكون فيها تقدير وتحمل صعبه اخوك يروح من بيبقى لأهله اخواته والبيت الابو وكبير بالسن صعبه يتركهم ويروح وصدقيني مأجور على اللي يسويه وانتي عاونيه باللي تقدرين عليه والله ييسر امرك |
رد: ودي افضفض وابغى حل
مشكوره اخواتي الله يصبرني
ياخت sweet moonو الله العظيم اللي مصبرني اني مااتخيل ولدي يسيبني اذا تزوج وانا محتاجته واحط نفسي مكانهم وهم طيبين معايا الحمد لله بس زوجي كيف اصبره كمان صار يتعب نفسيا وبدنيا وهو يبين لي تعبه لانه عارف اني بقدر اللي بيسويه بس كيف اهون عليه |
رد: ودي افضفض وابغى حل
وقفتك معاه في اموره وامور اهله وصبرك
هاذا مجهود كبير من ناحيتك عشانه واكيد هو ملاحظ هالشيء كمان ولا تنسين تدعمينه معنويا قبل مايكون جسديا ان انت مأجور على وقفتك مع اهلك وانا مقدره وضعك الله لايحرمنا منك ومن هالكلام لو سمعتي اياه يوميا بتكونين تحسنين من نفسيته بشكل كبير خذيها قاعده الانسان قبل ماتعاونينه بدنيا عاونيه نفسيا لان اذا النفسيه تمام مهما كان الجسد منهك بيكون قوي لان النفسيه تلعب دور على عكس لو الجسم بصحته وعافيته والنفسيه تعبانه بيظل تعبان ومنهك والله ييسر اموركم ويسهل عليكم ______________________________ ملاحظه / اهنيك على صبرك وطيبه قلبك وربي مابيضيع حقك وبيعوضك باللي احسن ان شاءلله لو حرمه ثانيه يا بتخلى عنه او بتوقف ضده وتمنعه من اهله |
رد: ودي افضفض وابغى حل
شوفي اول نقطة زوجك انسان بار ب اهله لو ساب بيته بيجلس اخوه المدمن عند اخواته وابوه يعني راح يعذبهم لانه بحالة ادمان نسال الله السلامة ويارب يتعالج .
الشي الثاني : حاولي تتكلمي معاه طيب ماقدرتي ارسلي له رسالة ب الي قلبك بس بدون تجريح او عصبيه وحاولي تسوين له مفاجئات وحركات خليه يحس انه مقصر معاك عشان يفاجئك حاولي تقولين له اخواتك مساكين ماخرجو ليش مانتمشى كلنا ومنها تكسبين اجر ب اخواته ومنها انتي تنبسطين ويوم حاولي يمشيهم لوحدهم بعدين يمشيك لوحده يختي الدنيا ذي يبغالها سياسه وصبررر لابعد حدد تنازلي بين تحصلين على مبتغاك . وربي يفرجها لك |
رد: ودي افضفض وابغى حل
إن شاء الله وقفتك مع زوجك وأهله يسوونها فيك عيالك مستقبلنآ لانك ساعدتيه يبر بأهله وبالنسبة لأخوة الله يشفيه من هاذا البلاء اللي يشربه ...
وباين من كلامك إنك بنت أصل وسنع وماتتخلين عن زوجك في أقصى الظروف .. لكن إن شاءالله ربي يسهل أموركم وأنتي وزوجك مأجورين ع اللي تسوونه وحاولي تشغلين نفسك في شي مايخليك تحسين بالملل كل ماجاء حاولي تستقبليه بأبتسامة وتودعيه بأبتسامة ... |
رد: ودي افضفض وابغى حل
والله حاسه فيك ياقلبي لان انا امر بحالتك
بس الاهم انك ماتبينين له انك متضايقه حاولي تريحينه من فتره لفتره فاجئيه بشي يسعده احمدي ربك ان زوجك بار باهله خليه هو كل شي بحياتك قدميله كل اللي تقدري عليه بس......... لاتنتظري منه اي مقابل...!!! اهم شي رضا زوجك وحبيبك وابو عيالك.. تقبلي مروووووري |
رد: ودي افضفض وابغى حل
بسم الله الرحمن الرحيم
( ان الله مع صبرين ) صدق الله والعظيم اصبري ياحبيبتي وا حلوو زوجك بار باهله انتي سوي لي يسعد زوجك يالغاليه اسعدي قدر ماتصتطعين علشان يحبك ونكبرين في عينه يقولك صبر مفتاح الفرج الله يسعدك ياقلبي |
رد: ودي افضفض وابغى حل
اشكركم اخواتي sweet moonوام الملاك وجيهان وسيدة الغرام وفاقده اهلهاودلوعه حياتوو ويارب يوفقكم ويسهل اموركم وينولكم اللي في بالكم
والله ثم والله ريحتوني وان شاء الله راح اسوي اللي قلتوه ويجعل ماتعاونوني عليه من خير في ميزان حسناتكم الحمد لله عمري ماحسسته اني متضايقه بس وضع اخوه لمن يهدده اخاف ويبان عليا الخوف وهو يجلس يضحك علي يقول هذا اخوي مابيسويلي شي بس الله يحفظه لي ولعياله |
| الساعة الآن 10:20 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .