عادي ما اشرب ابني مويه وهو بعمر 27 يوم
 

السلام عليكم
ياأخواتي شوروا علي طفلي عمره 27 يوم ومن ثلاث ايام صار يشرق شرقة قوية لما يشرب موية يطول مايرد نفسه غيرت الحلمة ونفس الشي وبعد إذا رضع حليب يطلع من حلقه صوت زي البلغم أو مثل المويه في حلقة مابلعها وكأنه بيشرق وحتى هو نايم أحس كأن انفه مسدود والتنفس صعب عليه لا من الحلق ولا من الأنف ياربي والله خايفه عليه والدكتور يقول مافيه شي ويقول المويه مولازم تشربيه يكفيه موية الحليب وعطاني محلول ملحي لأنفه يرتاح منه فترة بسيطة ثم يرجع لنفس المعاناة الحين المشكلة الموية طبيعي مايشربها ويكفيه الحليب ؟ ومن صادفها مثل هالمشكلة وايش الحل ؟ أحسه يتعب وهو يتنفس وقت النوم أدعوله ياجماعة بالشفاء جزاكم الله خير

رد: مشكلة
 

يا قلبي عااادي
توه مولود
الحين اذا كان يشرب منك اي يكفيه مو لازم يشرب ماء بس اذا يشرب حليب صناعي لا ما يكفي يبي ماء 3 او 4 مرات في اليوم
لا تخافي عليه طبيعي جدااااا
لله يخليه لكـ يا رب

رد: مشكلة
 

طبيععععععععي ولدي كان زيه ... بس كله بسبب المكيف ابعديه عن المكيييييف وشوفي

اما الماء اذا يرضع صناعي لازم ماء يشررب.. وان شاء الله مافيه الا العافيه

رد: مشكلة
 

مشكورة ياراما على جوابك الله يطمنك
ويتمم لك على خير ويقر عينك بشوفة أحبابك

رد: مشكلة
 

فوق مستواك جزاك الله خير وحفظ لك أبنك
والله أني أبعده عن المكيف بس راح أكون حريصة أكثرعشان ماينشف انفه من الهواء
مشكورة ياأختي

رد: مشكلة
 

انا كان ولدي كذا وجدتي الله يحفظها جابت تمرة بيدها منقوعة بالماء وترفع فيها لهاتة مادري انتي شتسمونها بس هي سقف الفم بس مو كلن يعرف يسويها بس الحريم الكبار

رد: مشكلة
 

لمعة الماسة انا كمان بنتي سولها زي كذا بالتمره وكمان اختي غطي النونو كويس عن المكيف وكمان لاتخليه فغرفه بارده كثير علشان نفسه انتي لو سكرتي المكيف راح تلاحظي ان نفسه رجع طبيعي والله يحفظه لك ويخليه ومايشوف شر

رد: مشكلة
 

لمعة ألماسة حبيبتي مشكورة على الرد
أحنا نسميه سقاط وأعرف وحدة ترفع اللهاة بس أمي تقول لي لس صغير على السقاط مدري بأخلي الحرمة تكشف عليه وتشوف إذا يحتاج ترفعه
حكاية حلم الله يخلي لك بنتك ويحفظها بأحرص أكثر على التكييف جزاك الله خير