ولدت في نهاية السابع? وطفلي في العنايه، دعواتكم ياأخواتي
 

السلام عليكم ورحمة الله وبركاته
كيفكم بنات،ان شاء الله بخير
اليوم بخبركم قصتي ومعاناتي من رمضان
كان حملي تمام من اول الحمل والوضع ممتاز الى بدايه الشهر السادس الي وافق رمضان
ومن اول يوم رمضان الصباح جاني نزيف شديد ورحت الدكتوره واعطتني ابره توقف الدم ووقف يومين ورجع مره ثانيه واستمر معي ورحت لمستشفى عسكري واخذت موعد لأشعه وكان الموعد23 رمضان وسويت الأشعه وكانت الصدمه ان موية الجنين ناقصه مررره وعلى طول دخلوني تنويم واخذت مضادات لمدة 14 يوم لانه كان كيس الحمل فيه التهاب وهو السبب في نزول المويه طبعا المويه ماوقفت كانت كل ماتكون مويه حول الجنين تنزل مره ثانيه على هالحال الى الولاده
وبعدها وقفوها وكل اسبوع اسوي سونار واتابع وضع الجنين وكان تمام الين يوم22شوال نزل معاي دم وسويت سونار وقال الدكتور ان المشيمه منفصل جزء منها وقال لابد من العمليه لان اذا استمر الوضع كذا بيموت الجنين وسويت العمليه اليوم الثاني الصباح كان الحمل اخر اسبوع في السابع وبعد ماطلعو الجنين كان جسمه ضعيف من المضادات اللي اعطوني والالتهاب اللي كان عندي وكان النفس عنده بطئ ودخلوه العنايه وعلى التنفس الصناعي وبعد اسبوع خلوه على التنفس المساعد يقول الدكتور انه اقل من التنفس الصناعي واعلى من الاكسجين العادي وهضمه للحليب بطئ وحالته في تحسن مستمر ولله الحمد بس يقطع قلبي اذا شفته والأجهزه في فمه وخشمه والمغذي في يده ورجله وسره والبلاستر مجرح جسمه

تكفون بنات ادعو له ان الله يشفيه ويتمم عليه عافيته ويطلع لنا بالسلامه ان شاء الله

رد: ولدت في نهاية السابع? وطفلي في العنايه، دعواتكم ياأخواتي
 

الله يحفظه ويخليه وتبلغي فيه معرس يارب ان شاء الله تبشرينا بسلامته.

رد: ولدت في نهاية السابع? وطفلي في العنايه، دعواتكم ياأخواتي
 

غاليتي الله يحفظه لك ويشفيه ويقومه بالسلامه
بس بالنسبه للعسكري ماأشوف كثير يمدحونه الإمكانيات ممتازه بس اللي يشتغلون فيه كثير مهملين وأغلاطهم كثير
أنا ماأبي اخوفك بس أنتبهي أكثر

رد: ولدت في نهاية السابع? وطفلي في العنايه، دعواتكم ياأخواتي
 

رد: ولدت في نهاية السابع? وطفلي في العنايه، دعواتكم ياأخواتي
 

الله يفرحك بقومته وشوفته سليما معافا يااارب

رد: ولدت في نهاية السابع? وطفلي في العنايه، دعواتكم ياأخواتي
 

الله يشافيه ان شاء الله وتفرحين فيه
ادعيله دعوه الام مستجابه والله يطمن قلبك عليه

رد: ولدت في نهاية السابع? وطفلي في العنايه، دعواتكم ياأخواتي
 

هلا اختي الله يقووووووم ولدك و ولدي بسلامه الله يفرح قلبي وقلبك ان شاء الله انا ولدت ولدي لي سبوع ثاني من السابع هذا هوووو بالعنايه يعووووور قلبي اذا شفته ابكي ومشي منه بس الله كررررررررررررريم الله يقووووووم ولدي و ولدك باااااالف سلامه

رد: ولدت في نهاية السابع? وطفلي في العنايه، دعواتكم ياأخواتي
 

الله يقومه باسلامه يارب
وانتي يام توتو الله يقوم طفلك باسلامه انا مثلكم ولدت توام والحين باعنايه لهم اسبوع
الله يحفظهم وخليهم لنا يارب ولا يضيع تعبنا

رد: ولدت في نهاية السابع? وطفلي في العنايه، دعواتكم ياأخواتي
 

الله يقوووملك هوا بسلامه ياااااااارب وتشووفيه عريس في زواجه الله يخرجوو بسلامه في المستشفى وتاخديه في حضنك قااادر ياكريم

رد: ولدت في نهاية السابع? وطفلي في العنايه، دعواتكم ياأخواتي
 

ماعليه حبيبتي
ربي يقومه بالسلامة وتشيلينه بحضنك يارب
ادعي له حبيبتي