|
هم يضحك وهم يبكي
السلام عليكم ورحمة الله وبركاته
اخواتي أبي مساعدتكم بحل لأبني كيف أخفف عليه شعور الوحدة لاتقولين لعبي معاه والله موقصرة ومتفرغة له طوووووووول الوقت وأصير له أصغر منه باللعب وأسليه وأدخل الوناسة بقلبه لزين ماهو من نفسة يقول خلاص ماما مليت ماابي العب حتى لو عندي الف شغلة اتركها واتفرغ له عمري ماخليته بعيد عني ولالحظة لدرجة توني هالشهر من عودته ينام لوحده بالغرفة وطول الليل سعي عندي رايحه وجايه عليه عمره مانام برى البيت لابيت جد ولاخال (غير لما رحت الحج كان ينام ليله عندابوه وليلة بيت اهلي عشان لايستوحش) حتى ابوه رفض نروح سوى الحج ونخليه رحت أنا وهو جلس معاه ,ومتعلق فيني بالقووووة ومع ذلك كله دووم يحن يبي اخو أو أخت أحيانا اجيب له اولاد اختي أو أولاد حماتي بس من يروحون يقلب مزاجه وساعات الفرح الي قضاها معاهم تقلب عليه طول اليوم وأنا دوم أقوله الله ماكتب لنا وادعي الله يعطينا وهذا الشي بيد الله ووووو طولت عليكم بس اليوم كلامه خلاني بدوامه الى هالحد وصل معاه مدري أضحك لو أبكي وأدري انكم راح تضحكون على كلامه بس حد تفكيرة على فكرة اهو بثاني إبتدائي يقول لي ماما خلينا نشتري خروف ويصير أخو لي ونربية ونبيه ابيض عشان مانخاف منه ونسوي له سرير بغرفتي وحطي فواحه بالغرفة عشان لاتصير ريحة الغرفة خروف (hwaml9تخيلوا أنا اسمع هالكلام أضحك وأصيح نفس الوقت) خايفة عليه والله ؟؟ |
رد: هم يضحك وهم يبكي
ياعمري علية والله بجد كلمتة هذي تقطع القلب بس ياقلبي انتي وش بيدك مابيدك شي الله يرزقك يااارب وتجيبن لة اخت او اخ عاجل غير ااجل يااااااااارب
|
رد: هم يضحك وهم يبكي
ياااعمري عليه الحساااس
الله يكون بعونش وسوووونه غناااتي وان شااء الله ماينتهي هالشهر الا ببشااارة حملش الله كرريم ويجبر بخاطرش وخاطر ولدش يااارب مافيه غير الصبر والله ينولش مرادش |
رد: هم يضحك وهم يبكي
يابعد عمري الله يرزقه اخوان وخوات وش كثرهم يارب لاتكسر بخاطر هطفل يااارب مابيدنا شي غير الدعاء يختي الله يفرج عنك ويرزقك الذريه الصالحه عااااااجلن غير اجل يارب العالمين سهل ويسر عليها يارب
اللهم صلي على محمد وآل محمد |
رد: هم يضحك وهم يبكي
ياغناتي
إن شاء الله الله يرڑقكم بالطفل الثاني والثالث والرابع وتجيبي له أخوان يملوا وحدته لازم يحس بالملل اختي الصغيرة اكبر منه بسنه دايما تقول لأمي جيبي ليي اخت تقول لها امي ليش تقول لأن دايما العب لحالي أربع اخوان اكبر منها وكل شخص بمشاغله اللي في الدوام واللي في غربه واللي دراسه حتى يوم سفرتي كانت تصيح بعد عمري وحاضنتني بقوة تقول لاتخليني بيت عمي جنبنا مع انهم اولاد اصغر منها بس تفرح لما يجوا يلعبوا وياها دايما خلي اطفال يجوا يلعبوا وياه وكل اسبوع ودووا الألعاب يتسلى ولاتلعبي معاه لحالكم خلي ابوه يلعب معاكم بينبسط اكثر قولي له ادعي ان الله يرزقنا ببيبي مثلك حلوو عشان تلعب وياه وهو فعلاً بيدعي ودعائه بكون من قلب وان شاء الله مايعدي هالشهر وإلا انتين جاية بالبشارة ياربي لايحرمش ولايحرم احد من هالنعمه وان شاء الله تحملي بتوم بعد هههههه |
رد: هم يضحك وهم يبكي
صباحم خير وسعادة لمعة ألماسة يارحمة الله الواسعة مفاهيم الخجل ماريا
ربي ينولكم مرادكم يااارب وشاكرة مروركم شنو بيدي غير الدعاء والأستغفار وربي ارحم بحاله وحالي والله لو اقولكم ان مانخلية دووم ابوه او انا معاه ولازم اسبوعيا نطلعه خصوصا ان عمل ابوه مش متعب الظهر موجود وطول اليوم ماعنده شي بس اهو خلاص زهق ويناظر الغير فلان وفلان الحمدلله على كل حال |
رد: هم يضحك وهم يبكي
وسونه يا قلبي ..
الله يساعدش حالة ولدش تكسر الخاطر .. أن شاء الله تملي البيت صبيان وبنات ليما يزهق منهم .. الله يرزقك الذرية الصالحة عاجلا غير أجل يااااارب |
رد: هم يضحك وهم يبكي
ياقلبي عليه الله يكون في عونك حاولي انش تقعدي معاه و تفهميه مثلا قولي له بيجي لك اخو او اخت بس مو الحين يعني اعطيه أمل انه بيصير هالشئ و ان شاء الله مايمر هالشهر الا و انتي حامل و تفرحي و تفرحي الولد و حاولي بعد انش تطلعي معاه تزوري احد عنده اولاد في عمره يلعب معاهم او تخلي احد يجي له يمكن يلهي شوي .. الله يرزقش بالذريه الصالحه ..
|
رد: هم يضحك وهم يبكي
الله يرزقش أن شاء الله
|
رد: هم يضحك وهم يبكي
دلوعته \شادن\دلوعة لدعمها
ماقصرتوا حبيباتي وربي يسمع منكم يااارب تعب قلبي والله |
| الساعة الآن 09:37 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .