الاسهال في الحمل
 

السلام عليكم ورحمة الله وبركاته

شخباركم ؟؟ ان شالله تمام ؟؟

انا حابة اسألكم عن الاسهال طول فترة الحمل ..

انا من حملت تقريبا وانا عندي اسهال hwaml5 .. بس الحمد لله بدون مغص .. الصراحة مستغربة كثيييير بالذات ان اغلب الحوامل ان ما كان الكل يكون عندهم امساك ..hwaml4

مادري ليش ما اهتميت للموضوع كثير .. وتوني الحين فكرت اسأل .. علما اني قلت لدكتورة من قبل وانا بالشهر السادس و عطتني مضاد للإسهال بس ما اخذته ..hwaml10

مادري وسوست .. هل فيه اضرار على الجنين ؟؟
علما اني بالشهر الثامن ولا اذكر جاني امساك الا مرات تنعد وايام متفرقة .. ولا الاغلب اسهال ..

طمنوني الله يعافيكم

hwaml13

رد: الاسهال في الحمل
 

عادي لاتقلقين حماتي زيك طول فترة حملها عندها اسهال
وطلعت بنتها وزنها طبيعي بس الحين بنتها نحييفه عمرها 3 سنوات>>مااتوقع نحفها له دخل بالإسهال

رد: الاسهال في الحمل
 

الله يعطيك العافية ياقلبي ما قصرتي ..

الله يطمنك .. طمنتيني ..

طيب يعني محد عنده خبرة ؟؟؟!! شدعوة :(

رد: الاسهال في الحمل
 

انا مثل حالتك دائما اسهاال وانا بالشهر التاسع الحين

بس كلمت دكتورة اكثر من مره بالموضوع وقالت شيء عادي

لتخافين بس انتي اكلي تفاح اخضر مفيد

وترا مضاد الاسهال والمغص مو زين عالجنين ابد ابد

والله يهون عليج ويعطيج الصحه والعافية

رد: الاسهال في الحمل
 

والله مدري صار لي يومين يجيني اسهال
الله يستر كلمي الدكتوره وطمنينا معك قلبو

رد: الاسهال في الحمل
 

فتونة مشكورة ياقلبي ..
طمنتيني .. الله يعطيج العافية ويرزقج السلامة وتولدين وانت والنونو بأتم صحة وعافية ..
انا يوم عطتني الدكتورة مضاد للاسهال ما اخذته الحمد لله .. ويوم بحثت لقيت انه مو كويس ..
ماقصرت يالغالية ..


غموض الكون ان شالله يوم الاربعا ولا الخميس بروح لدكتورة واسألها واطمنك ان شالله ..
وان شالله يكون مافيه بأس ..

مشكورات حبيباتي عالمرور والرد

رد: الاسهال في الحمل
 

انا من دخلت الشهر السابع وجاا معي اسهال بس الحمدالله وقف الحين
اذا كان السهال مزعجك اشربي حليب مع نشا مررره حلو انا مجربته وبطاطس مسلوق
وان شالله ربي يسهلها

رد: الاسهال في الحمل
 

لولي ماقصرت يالغالية ..

ان شالله بجرب اللي قلتيه وربي يصرفه ..

الله يكون بالعون :)