|
وربي مجرووووحه ومخنوووووووووقه لحد الموت
السلام عليكم ورحمة الله وبركاته
كيف الحال..؟ حبيت اخبركم اللي حصلي وانتوا قولي رايكم وشورو علي.. انا متزوجه من 3 سنوات وعندي بنت.. ومشكلتي بقولها بإختصار وطبعآ مشكلتي مع زوجي وانتوا قولي رايكم هل انا على حق والإ؟ انا امس العصر رحت بيت اهلي لإنه المويه بالبيت مقطوعه لها يومين وخبرت زوجي المصون من الليل وقلت له إني بروح بيت اهلي لإنه جواله مقطوع وقلت له من الليل المهم.. جاء اخوي الظهر واخذني ورحت وجلست لين الساعه 12 ولااتصل علي ولافكر يتصل حتى من جوال ثاني المهم جات س 1 ولاحس ولاخبر.. واللحين تجي المشكله زوجي مايعرف يسوق ولاعنده سياره طبعآ يعرف يسوق بس خفيف يعني مااتعلم وعمره 26..! اتصلت ع اختي وقلت لها انتي برا قالت اي قلت مري علي لإنه مااحد وداني البيت قالت والله زوجي معصب من المشاوير وكله يقول انا مو هندي زهق ومل المهم احس انحجرت من كلامها وسكرت.! اتصلت ع بنت حماتي قلت لها شوفي خالك يجي لي قالت مو هنا المهم انا خلاص استسلمت وقلت بنام وقلت بقلبي اكيد زوجي بيحاتيني اذا جلس الصبح بيشوفني مو جنبه جاء الفجرلاحس ولاخبر جاء الصباح وكذلك والظهر يعني يوم كامل ونص يوم مااتصلولاحتى قال شفيني ماجيت لإنه معتمد إني ادبر نفسي بسياره واجي.. وقلت لإخوي ودني البيت بالموت وافق. جيت البيت وشفته الاخ طالع وبعد ساعه جاء وقال وينك وينك وهو يضحك وانا وربي عيوني تطلع منهم حراره من قهر البارح نمت البارح وانا عيوني تبكي دم نمت وجلست وشفت الدموع يبست ع خدي.. ماوقفت من البكي بصراحها اول مره يسويها فيني. وجاء ولاعطيته وجه جاء يبوس فيني وتركت يده بقوووه قلت وخر عني وطبعآ من دخلت الغرفه وانا ابكييييييييييي مااوقفت لين بالليل احس من اتذكر إني ارمي حالي ع الناس توصلني انقهر.. وكله خواتي في ليالي الجمعه والخميس طلعات مع ازواجهم وانا حدي بيت اهلي والله مااروح الإ بالاعياد السوق وانا اشوف هنا سلفاتي كله يطلعون مع ازواجهم واعيالهم ويروحون البحر والمنتزهات وانا لي الله كله بالبيت وبنتي من ولدتها ماشافت لابحر ولاحديقه ولاشي. واذا مرضنا نجلس بالموت نشوف من يودينا زهقت وربي من الحاله وبعد ماهديت جلست اقوله ليه تسوي كذ1 يوم كامل ماتسئل يقول انا جيت ونمت توقعتك مع اختك بتجين كالعاده.قلت زوج اختي سواق لي مو ملزوم فيني زهق مني مااحد يدوم لي غيرك انت الملزوم فيني ووبنتي لين متى وحنا بنجلس نلاحق بناس عشان بس نقضي حاجتنا وقلت له انا ناقصه يعني انت ماتعرف تسوق كل الناس تطلع وتروح وتجي وانا هنا انا تمنيت اتزوج واحد يفسحني واروح واجي متى مابغي اي مكان احبه انا ماتزوجت اجلس بالغرفه وقلت له اقسم بالله وبكسر الهاء إني خلاص من يوم ورايح مابركب مع احد غيرك بتتعلم والإ براحتك حتى لو فيني المرض وبموت مابروح المشفى الإ معاك.. انا خلاص مليت من هالعيشه وبيت اهلي مابروح الإ انت توديني.. وانا خلاص قسمت لوووو مهما يصير مابركب مع احد احس زهقوا مني من كثر مااقول وصلوني هم مو ملزومين فيني كافي عليهم عايلتهم.. وهوساكت قلت يمكن من هالكلام اشوي يتحرك ويتعلم السواقه لإنه لو اعتمد ع الغير لو بيعجز ماابيتعلم..hwaml4. قولوا لي هل كلامي صح والإ انا غلطت بشي.. واللحين انا زعلانه عليه وماني مكلمته مابرحت مقهوره ومجروحه من كلام اختي وغير اختي لي.. |
رد: وربي مجرووووحه ومخنوووووووووقه لحد الموت
مو غلطانه يا قلبي معك حق
بس يمكن هو يخاف من السياره ترا في ناس يخافون ولا ليش للحين ما يعرف يسوق لله يسخر لك زوجك يا رب |
رد: وربي مجرووووحه ومخنوووووووووقه لحد الموت
الله يعينك... خليه يتعلم السواقه في مراكز يعلمون القيااده وكلها كم يووم ويعررف يسوووق
لا ماغلطتي ولا شي ....بس كلميه وع قولهم كثر الدق يفك اللحام ... والله يسخر زوجك لك ياااااااااااارب |
رد: وربي مجرووووحه ومخنوووووووووقه لحد الموت
الله يعينك حبيبتي كنت مثلك والحين الحمدلله بس انتي لاتعصبين تعالي بالهداوه والكلام الطيب والحلو فهميه
قوليله انت ترضى حد يمن علي بتوصيله وانت عندي سيد الرجال وموناقصك شي ومن هالكلام بس انتي اذا عصبتي هو ينكسر من داخله لاتتوقعين انو راضي بس مابيده حيله انا زوجي كان نفس زوجك وكنت اتمرمر والحمدلله طلع سياره ومااحتاج شي الاوداني بس اذا راح الدوام اتمرمر ويقول لي روحي بلموزين ولاتقولي لاحد اهلك بس اهم يكون اخوك الصغير معك مع العلم زوجي يداوم 24 يوم ويجي اسبوع وهو بالخرج وانا بالاحساء بس اهم شي حبيبتي الكلمه الحلوه ترى الرجال مثل الطفل بكلمه حلوه يسوي لك اللي تبين والله يوفقك ياارب وتبشرينا انو جاب سياره جديده وكل مانسالك ليش ماتدخلين المنتدى تقولين كنت طالعه اتمشى قولي امين اهم شي لاتكدرين خاطرك وبوسي البنوته لي |
رد: وربي مجرووووحه ومخنوووووووووقه لحد الموت
مشكورين يالغالين ع الرد..
والله جبته بالكلام حلوو وتشجع وتعلم وحتى قام اللي يوديه الدوام هو يسووق زوجي وصديقه جنبه ويجي فرحان لي وكنت اشجعه..واللحين رجع انتكس.. بس والله الحياه كذ1 ملل البارح شفت اهانات وغير بعد عن البارح لو بروح زواج اتعلق بالناس وارمي نفسي عليهم والله من داخلي مقهووووووووره بس وش اسووي ماباليد حيله.. وانا قلت له رح تعلم وانا بعطيك الفلوس مو راضي بس شكلي خلاص مليت طفح الكيل بكلم ابوي ويوديه.. لإني كافي شبعت اهاااااااااااااانات وربي شبعت:( |
رد: وربي مجرووووحه ومخنوووووووووقه لحد الموت
هي وحده من ثنتين
إما ان زوجك يعاني من شي مسبق مثلا عنده فوبيا من السيارات او قد سوا حادث من بعدها صار يخاف من السواقه او احد من العائله مات بحادث ومن بعدها انتكس هنا الحل تشجيع وقوه اراده ومحاوله وبإذن الله بيرجع ______________________ او ان زوجك بليد وكسول وكذا من راسه مايبي يتعلم هنا الحل زني وزني وزني وكثر الدق يفك اللحام وضعك مو بزين بحقك صعبه انك حتى وانتي متزوجه مازلتي تعتمدين على اهلك والسياره عزوه فضروري تتستمرين لاتقولين طفح الكيل وتعبت وطفشت لا استمري ناقشي بالطيب ولا بالقوه بالزعل ولا بالرضى زوجك مو مريض ولا يشكي من مرض يوم انه مايبي يتعلم وعساك على القوه |
رد: وربي مجرووووحه ومخنوووووووووقه لحد الموت
توني من اشوي كلمته واقتنع خلاص لإني قلت له إنه مستحيل بتدوم لناغيرك
وانا جالسه اكلمه اتصل اخوه وقاله اللي يوديك العمل بكره مابروح.. قلت له شفت إنه مااحد دايم لك.. لإنه مستحيييييييل احد بيدووم لنا طول الحياه لازم بيمل انا بالبدايه كان حماي مو متزوج كله يوديني..وبعدين يوم مرت سنه قال خلاص ماابوديها مو ملزوم فيها.! واللحين لو اموت مااخليه يوديني واللحين حولت ع حماي الثاني وبجي يوم بمل وقلت له هالكلام واقتنع ادعوا لي انه خلاص يتعلم لإني وربي مو حاسين باللي اعيشه. وانا ايوه زوجي يجبني وماعمره غلط علي او رفع صوته بس هالمشكله مخلبصه حياتي ومعيشتني بتوتر. انا جامعيه واتعب من الدراسه فخاطري ايام الويك اطلع واروح واجي مو كله حبسه بالبيت وهو مايخاف بس احسه ماتكاسل يعني اول يوم يتعلم ويتشجع وعشرايام لا فاانا اللحين خلاص بصر عليييييييييه لين ماايطفشششش لإنه البارح الي صار لي قلت لهنا وبسسسسسس كافي شبعت اهانه كرامتي فوق كل شي انتوا فاهميني :( |
رد: وربي مجرووووحه ومخنوووووووووقه لحد الموت
اختي فاهمتك وفاهمه شعورك وعارفه بايش تحسين بالضبط
وكلامك سليم ماحد بيدوم لاأحد وفعلا صحيح كلام حماك مو ملزوم فيك وقوي زوجك معنويا قولي له ماحد بيدوم لنا وانتي زوجك ومن هالكلام حسسيه ان له القوامه وانه راعي البيت والخ عشان يتجرأ ويتشجع وماعد يبطل ويتراجع الحياه صعبه ومن دون سياره اصعب واصعب الله يعينك ويقويك ويهدي زوجك |
رد: وربي مجرووووحه ومخنوووووووووقه لحد الموت
الله يفرجها يارب عليك من فوق باب سابع سماء
|
رد: وربي مجرووووحه ومخنوووووووووقه لحد الموت
والله كلامك رزين وافعالك موزونه ولا غلطتي بشي ابدا من وجهة نظري طبعا
طيب هو صحيح اختي لازم يتعلم الرجاااااااال والله يذلونا بالمشاوير اللي يودونا فيها بس انا عندي اقتراح وهو انك تكلمين اي سواق او تقولي لزوجك يكلم احد من اقاربه عاطل مثلا وعنده سياره يوديك مشاويرك باجره طبعا تتفقين معاه باليوميه او شهريا تعطيه مبلغ معين هذي الطريقه اعرف كثير يسوونها وانا ناويه اسويها وارتاااااااااااااااااااح من قهررررر الرجااااااااااااال هههههههه شفتي حبيبتي انه مو بس انت اللي يعاني وكلهااااا كم سنه ونسووووق ونفتك ونااااسه بس انت اضحكي ولا تهتمي |
| الساعة الآن 12:32 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .