|
طلبتكم لا تردوني ..!
السلام عليكم ورحمه الله وبركاته :
كيفكم واخباركم ان شالله الكل يكون بخير امممم.... انا سبق لي كتبت معاناتي في هالقسم بخصوص [اطفال انانبيب] وان المشكله من زوجي لان عنده عيب خلقي انسداد في عرق الخصيه المهم قررت اسوي العمليه طبعا اول مره وعلى فكره عمري 18 فكرت كثير كثير انا لي من تزوجت سنتين وانتو عارفين مجتمعنا اللي تتاخر بالحمل يحسسونها انها عقيم ! انتظرت اخلص دراسه والحمدالله خلصت الثانويه واموري طيبه ........ جاتني الدوره ورحت للدكتور وكنت خااايفه مررره وسوا لي سونار والحمدالله ماعندي مشاكل بالرحم ارتحت كثير وعطاني ابر للبويضات وعطاني موعد بعد ماخلص من الدوره اللي هو( السبت ) الجاي وانا مادري ليه هالموعد تتوقعون يكون يوم السحب !!؟ لا تستغربون مني لاني ماعرف شي بهالمواضيع ودخلت اشوف النصايح اللي بالمنتدى واستغربت انه الدكتور ماقالي شي من هالاشياء انا بصراحه خايفه انها تفشل معاي !!! مع انه االدكتور حددددده متفااااائل ويقول كلشي تمام وكل شي بيصير اوكي وطمن قلبي طلبتكم لا تقصروون معاي فديتكم انا ماعرف شي وحتى اهلي مايعرفون بالمشكله ! |
رد: طلبتكم لا تردوني ..!
دخلت ادعي لك لاني ماعندي معلومة ان شاء الله يفيدوكي البنات الله يرزقك الذرية الصالحة وتنجع العملية وتحملين بتوأم مثل القمر آمين
|
رد: طلبتكم لا تردوني ..!
الله يرزقك ويرزقنى الذريه الصالحه امييييييييييييين
|
رد: طلبتكم لا تردوني ..!
حبيبة قلبي لاتخافين
ذي الموعد عشان يجوف حجم بويضاتج كم وصلت واذا جافهم للحين صغار بيرجع بيوصفلج جم ابرة وبيكشف عليج بعد جمن يوم لحتى توصل البويضات الحجم المطلوب بعدين بيوقف الابر وبيعطيج الابرة التفجيرية وبعدها بيوم اويومين بيكون يوم سحب البويضات اتكلي على الله ولاتفكرين وايد وعليج بكثرة الاستغفار واي سؤال قلبي انا حاضرة لج انا سويتها مرتين ادعيلي ربي يتمم حملي على خير صارلي 11 سنة ماحملت |
| الساعة الآن 07:57 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .