قصة ولادتي باإبنتي...أمجاد... الله يخليها...
 

الحمدلله بنعمته تتم الصالحات....ولدت...فجر السبت...الساعه 3ونص..

يوم 26 شوال....و رزقني الله ببنوته حلوه...الله يحفظها يارب.....

قبل ما ابدأ قصة ولادتي...

هذي ثالث ولاده لي....و طبعا قبل ما اولد.. زي اي حامل....كنت شايله

هم الولاده.....و خايفه موت.....لأني مجربه مرتين....يعني ( متعقده من الولاده )..

وفكرت اولد قيصري باختياري....بس الكل عارضني و اولهم زوجي....و استخرت

فيها و مالله اراد....

في العاده ما اكمل شهري...اسبوعين كذا...و اولد...هذي المره طولت...

ثلاث اسابيع مرت....و مافي بوادر....

و مع التعب....احسب الايام و الليالي...و اقول يارب فرجك..متى اولد...

وقررت يوم الخميس اخذ طلق صناعي....و رحت للدكتوره...و قالت

الرحم فاتح 2 سنتي...و قالت اصبري...و اشربي خروع...و خلال هذي اليومين

تولدي ان شاءالله...( ما قدرت اشربه ما استسيغه )رجعت البيت....

يوم الجمعه ...بعد المغرب...حسيت بالالام بسيطه زي الدوره...وقلت خليني

امشي احسن...ومشيت ساعه....و شربت بعدها زيت زيتون مقري فيه مع عصير

برتقال...وعلى الساعه 12 بالليل....يبدأ معاي الطلق ويشتد...و الساعه وحده

ونص يزيد الالم...ويبدأ ينتظم...كل ربع ساعه...و اصحي زوجي

و على طول على المستشفى... وكشفت الدكتوره و قالت

الرحم فاتح اربع سنتي....خلاص ولاده....و زوجي راح للمحاسبه عشان اجراءات

الولاده...و انا ادخل الكشك....و البس لبس الولاده ...و اجلس على السرير...

و انا مرعوبه و خايفه...و طلبت ابرة الظهر...( كنت متفقه مع الدكتوره عليها)..

و استدعته...لأنه ما كان موجود في المستشفى...و قلت لما يجي ابغى زوجي

يدخل معاي...قالوا خلاص بس يقعد معاكي ما يخرج...الا بعد ما تخلصي

ولاده...و يمر الوقت و انا باموت من الخوف...و استنى دكتور التخدير بس

يجي...و الممرضه شوي و تقيس الرحم...و تحط الجهاز على بطني و المغذي..

و انا خلاص اتالم من ظهري..و ضغط شديد من اسفل...وتقيس الدكتوره...

و شوي اشوف الممرضه تجري...و تنادي الدكتوره...و تجي ...و اعطتني الكمامه

و قالت استنشقيه....قلت ايش في؟؟؟...قالت خلاص ماشاءالله فتح 9سنتي...

يالله لما تحسي بالم ادفعي...و جلست ابكي ...قلت فين الدكتور...قالت

خلاص ما يمدي عبال ما يجي الا انتي ولدتي ...و ابكي و قلت ابغى

زوجي ابغى الابره....و تمر لحظات عصيبه ما تنسي....ومع البكاء و

الخوف...و الالم دفعت...و خرجت ,,امجاد,, للدنيا...بس ما كنت في كامل وعيي

عشان الكمامه...وخيطتني ....و انا تحت دوامة الكمامه...و اسمعهم يقولوا

مبروك شوفي بنتك....بس ما كنت فايقه تحت تأثير الكمامه...وخلصت

و بدأت افوق...و تقولي الدكتوره الف مبروك... قولي الحمدلله...وانا ابكي

وقتها ...و ااشر باصباعي و اقول في نفسي الحمدلله...من غيرما انطقها...

و الحمدلله....هذي قصة ولادتي...يمكن طولت...بس حبيت اشاركم التفاصيل..

ولادتي...كانت في مستشفى التونسي بمكه....عند الدكتوره تهاني عبدالعزيز...

و الحمدلله ارتحت عندهم....

و عقبال كل الحوامل يارب....

رد: قصة ولادتي باإبنتي...أمجاد... الله يخليها...
 

الف مبروووك والحمدلله عالسلامة وتتربى بعزك ان شا الله

رد: قصة ولادتي باإبنتي...أمجاد... الله يخليها...
 

رد: قصة ولادتي باإبنتي...أمجاد... الله يخليها...
 

الف الحمدالله ياارب

والحمدالله على سلامتك

تتربى في عزكم أن شاء الله

وتشووفونها عرووووووووس

رد: قصة ولادتي باإبنتي...أمجاد... الله يخليها...
 

ماشاء الله تبارك

الله يرزقنا ولاده سهله وميسسسره

مبرووووك البنوته وتتربى بعزكم

رد: قصة ولادتي باإبنتي...أمجاد... الله يخليها...
 

الحمد لله على السلامه ومبروك ماجاك تتربى معزكم

رد: قصة ولادتي باإبنتي...أمجاد... الله يخليها...
 

الف الف مبرووووووووووووك خيو
تتربى بعزكم وعقبال ماجفونها عروس

رد: قصة ولادتي باإبنتي...أمجاد... الله يخليها...
 

الف مبرووووووك والحمدلله ع سلامتك
تتربى بعزكم ان شاء الله
وربي يجعلها باره في والدينها
ويارب تفرحي فيها وتشوفيها عروووووسه
وربي يسهل علي وعلى جميع الحوامل بهون الطلق
وان شاء الله ربي يرزق كل محروم ومحرومه بالذريه الصالحه
اللهمـ آآآآآآميـــــن

رد: قصة ولادتي باإبنتي...أمجاد... الله يخليها...
 

الف مبرووووك وتتتربى في عزك ودلالك ياااارب

رد: قصة ولادتي باإبنتي...أمجاد... الله يخليها...
 

الله يبارك فيكم يارب....وعقبال حوامل المنتدى يارب....

و الله يرزق كل محروم...بالحمل السليم و الطفل المعافى....