منتديات حوامل النسائية - قصة ولادتي في مدينة الملك فهد الطبية

السلام عليكم ورحمة الله وبركاته

طبعا لي 7 ايام ولادة الحمدلله ودخلت اكتبـ لكم قصة ولادتــي
صدق فلم رعبـ لاني بكريهـ

طبعا من السبت وانا يجيني الالام كل 6 ساعات وثاني يوم كل 4 ساعات
وبعدين صارتـ كلها ساعه

بس لسي ما نزل معاي ولا شــي وبصراحة ماابي اروح المستشفى يحوسوني ولا يلعبون فيني .

لكــن يوم الاربعاء الصباح قررت اروح الطوارئ عشان اشوف الالام صارت كل ربع ساعة .

كشفت علي الدكتورهـ وقالت لي مفتوح 2 سانتــي بس قلت اجل ارجع البيت افضــل ابي ارتاح احس بتعب ونوم .

المهم افطــرت ونمت الساعة 12 صحية الساعة 5 العصر وانا خلاااااااص تعبانهـ ما فيني اتحمل اي الالام ولا مغص وانااستعد عشان اروح للطوارئ مرهـ ثانية

الا اشوف مخاط بني نازل معاي قلت ابد جاني الفرج الحمدلله مع اني في الاسبوع 39 من الحمل

رحت الطواري الا زحمة وجلس انتظر الين يفضى سرير ومن يوم دخلن الا المغذي ويدورون نبض الجنين خوفوني وقلقة يشوفون بالسونار في نبض بس يبون يسمعونه ما يلاقون شي.

المهم نادوا اخصائية نبض أطفال ويوم شافت نبض الجنين عالي قالت يالله ولادة واذا مااستقر حولنا قيصرية

طبعا انا خفت ماادري وبيصر ما توقعت اني بيصير في مشاكل نبض ومن هالاشياء

بس انا الغلطانه تقول الدكتورة مااكلتي شي من الصباح وكانت الساعة 8 يوم دخلت الطوارئ

المهم غيرت ملابسي واطلع من الطوارئ على غرفة الولادة طبعا اانا شفت غرفة عادية قلت شكلهم بيخلوني كم ساعة وبس

شوي الا اخصائية نبض الجنين تقةلي لا تخافين ان شائ الله ولادة طبيعي وتفتح لي موية الجنين

وجاني استشاري واخصائية ولادة وقرروا يعطوني طلق وتوسيع الرحم عشان اولد

المهم طبعا زوجي معاي وامي جتني تركض علي المستشفى الله لا يحرمني منها يارب

بدء الجنين يدفع والممرضة تقولي لا تدفعين واخذت على هالالام نص ساعة كذا

اكذب عليكم خايفة ونشف الدم بعروقي كل ما جوا ياخذون تحليل ما يطلع دم

المهم دخلت الاخصائية وانا اقول للممرضة في دفع واتنهد الا قالت قي دفع كشفت من تحت الا بس مفتوح 5 سانتي بس

المهم قالت يالله كل ما دفع ادفعي شوي الا الغرفة انقلبت غرفة ولادة السرير تغير
ويالله جاء الاستشاري وشاف راس الجنين قريب وانا تعبت وانا ادفع

قال للاخصائية يالله توسيع مجرد انها وسعت لي الا الجنين طلع بسرعة الحمدلله بس ما حسيت فيه

والحمدلله خيطت لي وطلعوني علي الساعة 2 للغرفة ويارب لك الحمدلله

تدرون يا بنات الولادة ما تخوف بس شعور الخوف هو الي مسيطر علي وهذا الي تعبني اكثر .

والله يرزق كل حامل ولادة سهله وجنين سليم وكل محرومة ذرية صالحة يارب

واي استفسار انا حاضرهـ