|
زوجي قهرني
مرحبا فيكم جميعن
المهم أنا يوم كنت حامل أتفقت أنا وزوجي أذا جبت بنت راح أسميها جوري,فوافق وقالي خلاص:يوم ولدت أشوف الكلام تغير!!!فسألتة قلتلة خلاص سميتها جوري قالي لامراح اسميها جوري أحسة ثقيل!قلتله لا ثقيل ولا شي يتروالك خلاص سمها جوري أنا متفقة معاك من قبل لا أجيبها وانت وافقت,قالي مو على كيفك:قلتلة ليش مو على كيفي بنتي وأنا تعبت فيها,قالي خلاص يصير خير. وكان لها موعد في المستشفى وعطاني شهادة الميلاد وقالي حطيها في الشنطة عندك , ولا أنصدم وشوف ألأسم ((ريحانة)),والله أنغهرت من كل قلبي بس ماتكلمت ماحبيت أسوي مشكلة معاه عشان أسم. وبعد كم يوم ماحبيت أخلي في قلبي وصارحته وقلتلة أنا خاطري في أسم جوري وتروح انت من وراي وتسميها ريحانة,قالي سميتها وخلاص وهذا الأسم عاجبني:!يعني مافي أمل يغيره. قولولي أشريكم في أسم ((ريحانة)). |
رد: زوجي قهرني
الحركة مو حلوة بالمرة بس ما أبغى أزيدها عليك الله يكون بعونك
الاسم عادي حلو ريحانة |
رد: زوجي قهرني
تربى في عزكم ترى حلو والله
ومعناها النبات ذات ريحة طيبه |
رد: زوجي قهرني
الحمدلله ع سلامتك ياعسوله لاوالله ليه يغير كلامو احنا اتفقنا وياريت الاسم سنع الا مو حلو مررررره وااااو احس انو ارتفع ضغطي من زوجك لو انا بزعل واجلس زعلانه الين يغير ولو يحبك بغير ان شاء الله حاولي معاه ناديها جوري قولي لاهلك ينادوها جوري مررره فرق بين السما والارض جوري وريحانه احسو مررره قديم وبدوي |
رد: زوجي قهرني
حركته ابد مالها داااعي
يسميها من وراك وبعد ياليت هو اللي قال لك لا باالصدفه انتي عرفتي والله لو انا مكانك مراح اسكت واذا مو راضي يغير الاسم ناديها انتي واهلك جوري بنسبه بصراحه للاسم مو حلوو بس بعد مو شين |
رد: زوجي قهرني
الحمد الله علي سلامتك وسلامه البيبي
الله يكون بعونك يأختي بصراحه زوجك يرفع الضغط مو لها الدرجه حاولي فيه انك تغير الاسم البنت صغنونه وبكرهـ تكبر وتتعقد من اسمها |
رد: زوجي قهرني
صار معي نفسك مع بنتي واكتشفت بنفسي وقلت اله تغير لو يصير شصير ماغيره الا لما قريب تدخل المدرسه ....
اسم ريحانه حلووو وحتى جوري والاسم بيعكس على صاحبه كنو بتصير شخصيتين انت تنادي جوري وهو ريحانه احس بنظري محب انا كذا اسم واحد والله واحد ..... موفقه ياااارب وان شالله المره الجايه اسم الولد عليكي ... عذرا ع الاطاله ... |
رد: زوجي قهرني
يا اختي صار خير
هي حركته بايخه وما بتصير لكن ما في داعي للمشاكل من أجل إسم هاي ستنا خديجه وعائشه وفاطمه ووووووو وأمهات المؤمنين أسمائهم قديمه جداً لكنهم سيدات الجنه ,,, وان شاء الله تكون بنتك اسم على مسمى ريحانه من الجنه تفتخرين فيها وتكون من حفظة القرآن |
رد: زوجي قهرني
اسم ريحانة حلو حيل وأحس صايرة موضته في هالفترة والله ناس كثير سموا ريحانة وانا بنتي اسمها ريحانة وانا اللي سميتها لأن الاسم عاجبني بالمرة ومعناه حلو الله يخلي بنتك لك ولا داعي للمشاكل عشان اسم
|
رد: زوجي قهرني
حركة بااااايخة
ماودي ازيد النار حطب بس حاولي فيه بعد فتره وغيرة وان ماغيرة هي اللي تحلي اسمها وسواء ريحانه ولا جوري كلهم نفس المستوى هالاسامي ومعناهم واحد |
| الساعة الآن 05:15 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .