|
من عندها اسلوب حلو لكتابة خطاب ...؟؟
انا صار لبنتي امس (أول ابتدائي) موقف في المدرسه لاتحسد عليه موقف قهرني وماادري وش اسوي كنت ابي ارسل خطاب للمدرسات اللي صار الموقف معاهم وماقدرت اركب كلمتين على بعض اللي عندها اسلوب حلو بالخطابات لاتبخل علي والله انا في حاله مايعلمها الا الله مممممممممممممم..كنت بأقول بارسل لها الموقف عالخاص بس لا بأحكي لكم اللي صار ..وشوفوا لي حل بنتي شعرها كثير وحلو ...واول مابدت تداوم من الحر تحك شعرها راحت معلمتها وكلمت المرشده وقالت لها البنت اكيد بشعرها شي حطتها على جنب هي ووحده ثانيه وعطتهم اوراق لنظافة الشعر .....وسالت بنتي قالت في شعرك شي ياعمري البنت مافهمت قالت لا اللي قاهرني ان بنتي نظييييييييييييفه مره مافي شعرها ولا شي اسبحها يوم ورى يوم قلت لها ليه ماتقولين فتشي شعري مافيني شي انا مره مره انقهرت .....لان بنتي شعرها نظيف مافيه شي ومرتبه تفتح النفس ماتوقعت في حياتي انو راح يصير لي هالموقف من كثر ثقتي بنظافة عيالي .....بالذات انهم بيحطونها في بالهم انها مونظيفه عشان كذا ابي خطاب للمرشده او معلمة الفصل ابين لهم ان بنتي نظيفه وشعرها نظيف ..... الله يسعدكم بسرعه لاتبخلوووووون علي ....والله اني في هوس من هالسالفه قاهرتني |
رد: من عندها اسلوب حلو لكتابة خطاب ...؟؟
هلا وغلا اختي الغاليه
يا روحي لا تزعلين نفسك هذا اسلوب اغلب المرشدات الله يهديهن ما تحقق من الموضوع ابشري بس انتي متى تبين الخطاب وموجه حق مين انا راح اضبطه لكٍ |
رد: من عندها اسلوب حلو لكتابة خطاب ...؟؟
السلام عليكمـ ورحمــة الله وبركاتهـ بعد التحيــة وليه امر الطالبه (.....) اوجهة خطابـي هذا الي المرشده الطلابيه آمله ان يجد صداه لديكم وفيه اناشدكم بضروره توجيهكم الكريم ولفت انتباهكم بخصوص النظافه الشخصيه لابنتي المذكوره اعلاه وانني شديده الحرص على نظافتها الشخصيهـ اشد الحرص وانا من اقوم بالعنايه بها وبتسريح شعرها وحريصه على نظافته ، ومن خلال حديثي معها واستفساري عن سبب اعطائها ورقه عن نظافه الشعر تبين لي ان هناك من يشكك بنظافتها ، وانما سبب حكها المستمر لشعرها بسبب ارتفاع درجه الحراره وليس بقله النظافه وتاكيدي هذا في خطابي ولكم خالص الشكر والتقدير لجهودكم المبذوله باتجاه ابنائكم الطلبه وضروره تأدية الامانه التي على اعناقكم . لكم خالص الشكر |
رد: من عندها اسلوب حلو لكتابة خطاب ...؟؟
الجود
الله يسعد قلبك ياعسل ويحقق لك ماتتمنين ويريح قلبك مثل ماريحتي قلبي بالخطاب الي في قمة الروعه وأسلوبك جدا رائع الف الف الف شكر لك |
رد: من عندها اسلوب حلو لكتابة خطاب ...؟؟
لا شكر على واجب
ربي يعافيك اسعدني تم الخطاب نال على رضاكـ عسى الله يسهل امورك ويوفقك |
| الساعة الآن 11:07 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .