|
خطيبي يتجاهلني ساعدوني بليز
سسسسلامو
ابغا مسساعدكم بليز ابغا اغير حياتي لاني مرا طفشت انا بنت عمري 17 سنه مخطوبه ودحين ليا 4 شهور تقريبا انخطبت ايام الاختبارات وسرت اكلم خطيبي خطيبي مسافر برا عشان دراستو هوا من النوع العصبي خطبني عن حب كان يحبني وما كنت ادري عنو واخدني بدون رضى امو لانو متعلق فيني مرا سرت اتكلم معاه طول ال 4 شهور هادي الفتره سار يمل مني يقولي انتي ما تهتمي فيني يقول انا ما احب الي يتاخر بلرد ولو مرت دقيقه وما رديت يقول انا ما ابغا اكلمك طول اليوم عشان تعرفي تهتمي مرا ثانيه دايما يزعل عشان كدا انا طفشت عشان كل يوم يجلس يقول ما ابغا اكلمك سار يقول انا ما ابغاكي تخرجي من البيت يسير لما ارجع تكوني في وحرمني من الخرجه من البيت وجمعه البنات سار يقولي ما اقولك شي الا تقولي طيب تفهمي ولالا قلتلو طيب حبيبي ما راح ارفضلك طلب وسار لما يجي يوم اخرج من البيت عند امو ولا خالاتي يومها يجلس يقولي انقلعي واسري ومع نفسك قلتلو خلي بيننا احترام قال انقلعي انا كدا يعجبك ولا بكيفك قلتلو معليش صراحتن انتا انسان جدا وقح قال ما ابغا اكمل معاكي ادا تقولي كدا انا عشان احبو قلتلو ما اقدر اعيش من دونك وانا مرا احبك واتاسفت وبعد ايش رضي ودايما يقول انا ما ابغاكي ابغا اكلم امي نترك بعض ماني عارفه ايش اسوي ساعدوني ما ابغا اسيبو انا مرا احبو |
رد: خطيبي يتجاهلني ساعدوني بليز
والله خطيبك مره غريب
طيب انتو متملكين ولا بس خطوبة!! حاولي تهتمين فيه وانتي تتصلين عليه وتسالين عنه يمكن الي مزعلة انه هو الي دايم يسال وانتي ماتهتمين اما طلعاتك وعلاقاتك صراحة ماله حق يتحكم فيك لا تطلعين حاولي تناقشينه بالموضوع يعني اش السبب الي يخليه يمنعك!! اما سالفة انه كل شوي يقولك انا خلاص بتركك يعني مادري هو يهددك او انه يشوف غلاته عندك او انه صادق!! المهم اذا قالها مره ثانيه لاعاد تقولين له لا انا احبك وماقدر على بعدك اساليه قوليله اذا انت مقتنع فيني وحاب نكمل مع بعض رجاءا امسح هالكلمة من قاموسك الله يوفقك |
رد: خطيبي يتجاهلني ساعدوني بليز
اقتباس:
السبب الي يخليه يمنعني انو اهلو مشغولين عنه ومحد يسال عليه وهوا يدرس برا لوحده وغربه وكدا عشان كدا ما يبغاني اخرج من البيت عشان لما يرجع البيت يجلس معايا الا مملكين مششششكوره ي قلبي |
رد: خطيبي يتجاهلني ساعدوني بليز
والله ياقلبي خطيبك مدري زوجك أحسه حاد في طباعه
مدري الغربة أثرت عليه ولا هو عنده شي ناقص ويبغا يشوف الكمال فيك ومو قادر يوصله لك بس مومن حقه يحرمك تتونسين في الجمعات وخصوصآ اذا زيارة لأقارب ولازم تفهمين منه بدون ماتزعليه أش يبغا وأنه كل إنسان لازم يجيه ظرف وينشغل مو طول الوقت يكون فاضي أتمنى أني أكون أفدتك ولو بشي بسيط ... ولاتنسي أن الخارج إختلاط والبنات والشباب سوافي الجامعات يمكن يخاف عليك من هاذا الأختلاط حتى لو ماتكشفين ع أحدعندأقاربك.. بس لاتستعجلين في قرارفسخ الخطوبة يمكن يتغيربس اذاهو مصر مابيدك شي. |
رد: خطيبي يتجاهلني ساعدوني بليز
ادعي بصلاتك ان الله يألف بين قلوووووبكم ويسخر قلب زوجك لك.
مافي زي الدعاء |
رد: خطيبي يتجاهلني ساعدوني بليز
غاليتي خطيبك كل كلامه أسمحيلي غلط لا من كل النواحي بعدين مافهمت أنه مايبغاك تطلعين علشان يرجع ويلقاك بالبيت وأنتي تقولي يدرس برا كيف؟ أنتم معاه في الخارج والإ كيف؟ بعدين إذا انتم مو بنفس الدوله ماله داعي تقوليله عن مشاويرك حتى لو كلمك وأنتي طالعه لاتقولين مع أن كل المشايخ يقولوا بما أن البنت مازالت في بيت أبوها في مسؤله من أبوها حتى لو تزوجت ورجعت إجازه عند أهلها فزوجها ماله علاقه يتحكم بمشاويرها وطلعاتها لأن أبوها هو المسؤول
وبعدين أتصلي أنتي وأسألي عنه إذا بإستمرار لاتنتظري أتصاله لأن الخطيب دائماً بأيام الخطوبه يبحث عن أهتمام خطيبته ولو كرر بإستمرار كلمة نترك وننفصل قوليله إذا أنت خلاص بايع وماتبيني خلاص براحتك حاولت أبقى على العلاقه اللي بيننا ومشاعرنا وأنت أنهيتها بتكرارك لهالكلام وبعت برخيص كل المشاعر وبعدين لاتجلسي تقولي ماأعيش من دونك بيني مشاعرك بس مو لهالدرجه أحفظي كرامة نفسك مهما ً كان حبه داخلك وأنتي باقي صغيره والعمر قدامك والله يوفقك |
رد: خطيبي يتجاهلني ساعدوني بليز
والله انا ماني قادر اعرف خطيبك هوا بحبك والااا لااااا
واسمحيلي انتي اللي خليتي خطيبك يتعامل معك هيك لاني اعطيه وجه من الاول ويمكن دايمان بتبينيلوا انك بتموتي وما بتعيشي بلاه انتي لازم تثقلي حالك عليه وما بتبوحي بمشاعرك اتجاهه بسرعة وبكل سهولة.. كمان ما تسمحيلي يغلط عليكي هيك وانا مستغربة كيف لساتك خاطبة وبيعملك معك هيك وبيغلط عليكي هيك!! فانتي لازم تثقلي حالك عليه وما تطاوعيه في كل شي يطلبوا منك لانك ما تزوجتي لسا وانتي تحت امر والدك هلقيت.. ولما يغلط عليكي ويقلك انو بدوا يفك خطبتوا باينيلوا انك مالك مهتمة وبتزعلي من هاد الحكي لو انو بحبك من صح ما بيعمل هيك.. والله يصلحوا |
رد: خطيبي يتجاهلني ساعدوني بليز
جزاكم الله خير الله يعين والله انا مرا طفشت من جد من كثر ما اعبرله عن مشاعري
سار على كل شي ما ابغاكي ما ابغا اكلمك ما اتخيل اعيش من دونه دايما بجي اقوله طيب براحتك وانا كمان ما ابغاك بس ما اقدر ولما اثقل ما اسال عليه يقول انتي ما تهتمي وانا ما ابغا وحده ما تهتم ولو اهمك كان تسالي عني كل يوم وتشوفي من ايش انا زعلان والله طفششششششششت من الحياه دي نفسسي اغير روتيني معاه نفسي اغير كل شي نبدا حياه حلوه محد يدقق ولا يشيل ع الثاني |
رد: خطيبي يتجاهلني ساعدوني بليز
.................
اقتباس:
|
رد: خطيبي يتجاهلني ساعدوني بليز
انسااان جدا غريب..
عيدي التفكير في العلاقه.. واذا من دحين مااحترمك لاتستنيه يحترمك بكره.. واستخيري والله يكوون في عوونك.. من جد انساااااااان صعب في التعامل معاه.. بقولك شئ كمان.. اتركي العاطفه على جنب وفكري بس بعقلك.. لان هالشئ يبقالك عمرك كله.. لاتقولي مااقدر وماقدر الرجال ماينفع معاهم كدا.. وكل شئ الا كرامتك لاتسمحي له يقرب منها ولا تسمحي انو يغلط بحقك فكري بالموضوع بجديه انتي لساتك في بداية مشوارك معاه ولساتك ع البر.. لاتورطي نفسك بعلاقه ماانبنت لا ع الاحترام ولا ع التفاااهم.. موودتي لك.. |
| الساعة الآن 09:44 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .