هنوني و طمنوني
 

السلام عليكم و رحمة الله

هنوني يا كروشات ولدت من شهر الحمد لله و جبت رتوجة حبيبة قلبي الله يحفظها لي يا رب و يحفظ جميع اولاد المسلمين

حابة احكي لكم عن ولادتي الصعبة جدا بس الكلام ما راح يوصفها و لكن الحمد لله على كل حال

المهم يا حبوبات هده اول بيبي لي و انا مغتربة مع زوجي يعني ما فيه حد يساعدني غير رب العالمين

و عندي كثير اسئلة تخص العناية بالبيبي

1-بنتي تبكي كثير بالاخص بالليل و بكون مغيرة لها و مرضعاها و ما اعرف السبب ليش

2- ايش هم علامات المغص عند الرضع و كيف اعالجه او اخففه

3-اوقات كثير تبكي و هي نايمة و تتشنج و ترفع رجليها و تتعصر ايش السبب

4-كيف اعرف ان بنتي شبعت بعد الرضعة؟ مع العلم انها مرات كثير بتكون ماسكة الثدي بترضع و في نفس الوقت بتبكي و تتشنج

5-كم مرة لازمني اخليها تتجشا بعد الرضعة

6-كم رضعة لازم ترضع في اليوم لانه الكل بيقول كل ساعتين لازم ترضع بس ما ادري النظرية صح ولا لا لانه ساعات بتكون نايمة و بتنام 3 او 4 ساعات و ما ارضى اصحيها لانها نامت بصعوبة

معلش انا تقلت عليكم بس اعدروني مالي حد اساله

رد: هنوني و طمنوني
 

حبيبتي الاعراض يلي ذكرتيهن كلها اعراض مغص
حاولي تسقيها بين الرضعات منقوع اليانسون
بتغلي الماء وبتحطي اليانسون الحب بتغطي عليه مدة ربع ساعة وبس يفتر بتسقيه لبنتك
واذا مانفع في نقوط من الصيدلية للمغص جيبيه
بالنسبة للرضتعة كل ساعتين وبس تكون نايمة عادي بس تصحى بترضعيها
بس كل ماتكبر بتزيد اوقات الرضاعة يعني بيصير كل 3 ساعات وبعدين 4 ساعات
وبعدين على الخامس بتصيري دخلي الطعام تدريجيا

رد: هنوني و طمنوني
 

حمد الله على سلامتكم
ومبروك ما جاكِ
عزيزتي اتمنى انك تتصفحي المنتدى وحتلاقي كل اللي راح يفيدك

رد: هنوني و طمنوني
 

مشكورة توام كوكو و ام سارة

رد: هنوني و طمنوني
 

سلام كيفك يا بطة حيا الله والله بالمغتربات زي حالتي ههههه
رح أجاوبك بإلي بقدر عليه وأن شاء الله أفيدك بس بشرط تدعيلي هههه
بسم الله :


1-بنتي تبكي كثير بالاخص بالليل و بكون مغيرة لها و مرضعاها و ما اعرف السبب ليش
حبيبتي أنا ابني كلن نفس الشي تماما وبكا كان صراخ حتى مو بكى وكنت أعجز معاه شو أسوي وما في فايدة ورحت كذا مرة بالليل على الطوارئ وعملولي مية مرة فحص براز وكلو على الفاضي ... بس الحمد لله آخرها رحت لدكتور فهمان وقلي في أطفال كتير بكون وضعهم متل ابنك وبيجيهم مغص ليلي بس والسبب إنو الجهاز الهضمي عندهم لسا مش مكتمل مزبوط وقاللي إن شاء الله رح يروح مع الوقت وعلى الأغلب ما بطول أبدا لبعد 3 أشهر ... وطبعا في النهاية كانت نصيحتو "ما إلك إلا تتحملي شوي والمهم إنو سليم طالما برازو ما في دم أو مخاط ولونه أصفر وطبيعي" والحمد لله هلأ ابني كتير أحسن بعد ما عدى شهرين ونص


2- ايش هم علامات المغص عند الرضع و كيف اعالجه او اخففه
غير البكاء المستمر والله ما عندي فكرة

3-اوقات كثير تبكي و هي نايمة و تتشنج و ترفع رجليها و تتعصر ايش السبب
ممكن تكون مغصة من غازات

4-كيف اعرف ان بنتي شبعت بعد الرضعة؟ مع العلم انها مرات كثير بتكون ماسكة الثدي بترضع و في نفس الوقت بتبكي و تتشنج
عادي أنا كمان ابني كان هيك طولي بالك عليها وإن شاء الله بتخف إذا بتتبول منيح وبتبرز مرة على الأقل باليوم
5-كم مرة لازمني اخليها تتجشا بعد الرضعة
حسب كل طفل غير بس مرة وحدة إذا كانت كبيرة أعتقد كافية

6-كم رضعة لازم ترضع في اليوم لانه الكل بيقول كل ساعتين لازم ترضع بس ما ادري النظرية صح ولا لا لانه ساعات بتكون نايمة و بتنام 3 او 4 ساعات و ما ارضى اصحيها لانها نامت بصعوبة
لا حبيبتي لا تصحيها أبدا ليش تصحيها لما تجوع ما بتستناكي هههه رح هيي تصحيكي ولا تردي على النظريات أنا ابني كان طول ما هو صاحي بضل يرضع لا ساعتين ولا شي يمكن كل ربع ساعة كان يبكي ولما ينام كان يسحبها ساعتين وتلات وأربع بالليل أما بالنهار يا دوب كان ينام نص ساعة وبعديها يفيق يبكي بدو يرضع ...

معلش انا تقلت عليكم بس اعدروني مالي حد اساله
الله يسامحك احنا أخوات المهم تطمني عليها انو ما عندها شي بالبراز وبعد هيك إن شاء الله كلشي قلتي أنا مريت فيه وهو طبيعي بس بدها طولت بال منك وديري بالك عليها الله يحميها وادعيلي ولابني الله يسعدك كتير لأني محتاجة هالدعوة

رد: هنوني و طمنوني
 

مبرووووووووك ماجبتي

سلاماتهااا

عطيلهااا ماي غريب

وبنتج فيها امساك صح

كل ماتتعصر علي طول كطي حفاظتها وخليها تحتهااا ودهنيها بزيت زيتون بعود الاذن وامكس رجولها وارفعيها شوي فوق علشان تساعدينها علي خروج الامساك

وري كل رضعه جشعيها ظروري مره كل رضعه

وانتبهي عليهااا

................

رد: هنوني و طمنوني
 

حبيبة قلبي نسمة المسا و الله ردك طمني كثير و مشكورة كثير لانك رديتي على كل تساؤلاتي

الله يكرمك وو يبارك لك في ابنك و يخليه ليكي يا رب و يسعدك و يطمنك مثل ما طمنتي قلبي

مالي غير الصبر و الاحتمال و الله كريم