حساب موعد الولاده لاخر دوره 5-6-2011
 

السلام عليكم ورحمة الله وبركاته

كيفكم ياعسولات كل عام وانتو بالف خير لو انه التهنئه متاخره شويه

حبيباتي انا عندي مشكله شوي وياليت اللي عندها خبره ومعلومه تقولي

انا اخريوم في الدوره كان تاريخ 5/6/2011 بس ماصار اي جماع

مع ريالي لانه مو موجود يشتغل في مكان بعيد طبعا خلصت الدوره بعد

اسبوع يعني11/6/2011 ودورتي والحمدلله مضبوطه المهم صار الجماع

بتاريخ 18/60/2011 روحت الاسبوع الماضي العياده كان تحسب لي

ادش شهر يديد كل تاريخ 12يعني تاريخ 12/09/2011 ادش الرابع معقوله

ماادري ليش احسها حاسبه لي خطا ؟؟؟؟انا اللي اعرف انه بعد الجماع باسبوع

نحسب صح وا لا يعني ادش كل شهر يديد تاريخ 25/09/2011 ادش الرابع

ياليت لو تنوروني ياخواتي لاني حاسه اني متخربطه واايد والله يتمم علينا ويرزق

كل وحده الذريه الصالحه يارب

رد: صبااح السكر محتاجه خبرتكم ياعسولات
 

هلا حبيبتي
وكل سنة وأنت بأتم الصحة والعافية

شوفي ياقلبي الاسبوع الاول بعد الدورة مايحسب
يعني تحسبي اسبوع الدورة واسبوع اللي بعدة هذا مايمكن يكون فية حمل
من تاريخ 14 لدورتك الى 20 تقريباً هذة فترة الإخصاب
والله يثبت حملك ياقلبي .. ويفرحك بمولودك :)

رد: صبااح السكر محتاجه خبرتكم ياعسولات
 

هلا فديتج ويخلي لج من تحبين يعني ياحبيبتي احسب من بعد العشرين صح كل تاريخ 20 ادش

شهر اسمحي لي يالغلا متلخبطه واايد تاريخ 20/09/2011 ادش الرابع ان شاء الله

رد: صبااح السكر محتاجه خبرتكم ياعسولات
 

انتي كل 19 الشهر بتفوتي بشهر انتي حامل شهرين و27 يوم

شكلها الدكتورة ماكانت ماخدة بالها

رد: صبااح السكر محتاجه خبرتكم ياعسولات
 

هلا ياقمر تسلمين يعني تاريخ 19 من كل شهر ادش شهر يديد شهر9 ادش الرابع ان شاء الله تاريخ 19 زين اسمحي لي اسال كيف لي 27 يعني الشهر مب 30 يوم يعني باقي 15 يوم مافهمت ياحبيبتي ؟؟؟ السموحه ياليت تفهمني اكثر وبخصوص الدكتوره تراها تحسب على اخر يوم في الدوره فديتج

رد: صبااح السكر محتاجه خبرتكم ياعسولات
 

::

ي قلبي انتي جامعك زوجك بايام التبويض

ممكن بيومها حملتي اوبعدها بيوميين

ممكن كل 18او 20 تدخلي شهر جديد

وربي يثبت حملك ويبارك لك فية


* ينقل للقسم المناسب *

::

رد: صبااح السكر محتاجه خبرتكم ياعسولات
 

مسائج غلا
تسلمين فديتج راح اخذ حسب التاريخ اللي تقولن عنه وان شاء الله خير والله يثبت لكل الحوامل

ويخلي لج عيالج يارب

رد: صبااح السكر محتاجه خبرتكم ياعسولات
 

حبيبتي أكيد الجماع اللي صار بينك و بين زوجك بتاريخ 18/6 كان بأيام التبويض يعني مثل ما قالو الصبايا كل 18 أو 20 تدخلين بشهر جديد
الله يتمملك على خير ... دعواتك لي حبيبتي الله يتمملي على خير << بكرية

رد: صبااح السكر محتاجه خبرتكم ياعسولات
 

الله يسهل عليج الحمل والولادة يارب

رد: صبااح السكر محتاجه خبرتكم ياعسولات
 

حبيبتي
يبداء حساب الحمل من بعد اسبوع بالدورة بغض النظر متى كان الجماع ومتى كانت ايام الاخصاب
يعني كلام الدكتورة حقك صحيح
انتي تبدأي تدخلي شهر جديد يوم 12 من كل شهر
وهذا معناته ان اليوم اول يوم لك بالشهر الرابع
اناء مثلك كنت متخربطة بس بعدين سالت الدكتورة وبحثت بالنت وتاكدت من هذة المعلومة