|
زوجي رفع ضغطي الله يسامحه
بسم الله الرحمن الرحيم
مع الحمل الضغط يطلع عندي اعرف ان ضغطي طالع من حرارة جسمي بالعيد فكرت اخذ له هديه وكون جواله قديم قلت اجيب له جوال رحت بعت ذهبي واخذت له واحد قلت فداة الذهب هو مايقصر معي بيوم العيد عطيته الجوال فرح كثير بعدها قلب وجهه وقال يشبه جهازي هو فعلا يشبهه شوي بس من جوى مختلف تماما ومطور جدا جلس راميه كم يوم وليوم قلت له ماتبي تستخدمه ولمن عرفت انه مو عاجبه قلت روح بيعه اقل شي يجيب الان قيمه احسن من بعدين المهم طلع يبيعه وماتفق معهم من وقتها الجنين يرفص حسيته تاثر بنفسيتي قمت احاول اخفف من نفسي لاجل الضغط ولاجله مو قادرة تعرفون الصغار لمن شفاتهم تنزل على تحت من كسرة الخاطر صار معي كذاورب الكعبه كاني طفله مو قادرة اتمالكها لاجل مايبان قدامه كسرة نفسي هو رجال اكيد اهتماماته تختلف عنا واكيد فشلت باختيار شي مناسب له بس احس اني تعبانه مو قادرة اهدى واتبع عقلي |
رد: زوجي رفع ضغطي الله يسامحه
ياقلبي الله يهديك,,,,
ترى زعلك ماله أي مبرر,وزوجك ليش زعلان؟؟؟ دلع وألا عزة نفس؟؟؟,, المهم أنتي ترى زعلك ماله أي داعي وكونك حامل حاولي تختلي بنفسك أغلب الوقت وبعدي عن الشر وغنيلة.. الله يهديكم ويصلحكم... |
رد: زوجي رفع ضغطي الله يسامحه
هلا قلبي هو مو زعلان ابد انتي فهمتيني غلط
انا اخذت بخاطري اني تعبت وتعنيت على الفاضي الله يسامحه ومشكورة على مرورك ياقلبي |
رد: زوجي رفع ضغطي الله يسامحه
طيب حطي نفسسك مكانه وافرضي انه جابلك هديييه وفرحتي فيها بس ودك تبدلينها او ترجعينها وتاخذين شي غيره يعني حسيتي انك ماراح تستفيدين من الهديه الي جابلك
وقلتي له ابي ابدلهاا وهو واااافق وقال اووكي على راحتك مو بتقولين الله يسعده ماقصررر مازعل مني اني قلت بردها وباخذ غيرهااا وبتفرررحييين ..., ولو فررضا قالك لا هاذي هديييه وغصبن عنك تاخذينها ماراح تتررردينها بتزعلييين وبتقولييين وش ذاااا القهرر الهديه ذي ماراح استفييد منهاا يعنييي اكيييد هو فررحان انك جبتي له هديييه بس بعديين حس انه نفس جواله وانقهرر ودامك خليتيه على راحته يسوي بالهديه الي يبغااا فااكييد هو بعد مستااانس يعني مو معناااتهااا انه مايحبك سوا هالحرركه ويمكن لانه صرريح بزيااده |
رد: زوجي رفع ضغطي الله يسامحه
اي والله صريح بزيادة الله يصلحه
هو فعلا حصل لي موقف مشابه معه العام الماضي وهديته ماستخدمتها وقال لي هالكلام بس حريم تعرفين عواطفنا مو ملكنا |
رد: زوجي رفع ضغطي الله يسامحه
الله يسعدك انتى وزوجك وحبيبتي لا تزعلين ولا شي مشكلتك بسيطه والله
وتعدي شوفي مشكله غيرك تهون عندك مشكلتك انتى وانا حساسين بزياده وهذا الشي يتعبنا من اي شي نزعل ونكتم بس مالنا الا الصبر الله يقومك بالسلامه فكري باللي بينور دنيتك كلها فكري شلون بتهتمين فيه وشلون بتكون تربيته ولا تزعلين ولا شي |
رد: زوجي رفع ضغطي الله يسامحه
طولي بالك ياقلبي وهدي بالك واهتمي بحملك والله يصلح بينكم ان شاءالله
|
رد: زوجي رفع ضغطي الله يسامحه
الله يسعدكم يارب ويصلح بينكم وبالعكس عادي هو ما سواء شي
اهم شي فكري بصحتك وبالبيبي لان الجنين يتاثر بنفسيه امه وربي يسهل عليك |
رد: زوجي رفع ضغطي الله يسامحه
يا قلبي عليكي
هوا صحيح الموقف صعب شوي بس يحتاج انك تمشي امورك ولا تزعلي نفسك الي عليكي سويتيه و جبتي الهديه و تعبتي الين جبتيها بس بالاخير خليه يسوي الي يبيه فيه و نصيحه مني لاااا تجيبين هديه له مهما كان - عوديه ان الرجال هو الي يهدي زوجته و الزوجه تهديه الجو الحلو و الكلام و الرضا على السرير و فعلا مو من حق الزوجه انها تهدي زوجها انا كنت زمان كل ما اجيب له هديه يسألني كل تفاصيلها و اقسم بالله يزعل و يتضايق لمن اهديه ياها تخيلي عاد التحطيم لمن تجي تهدي و تكون ردة الفعل ب قهر و زعل بعدها قالي لا عاد تجيبي شي >> كدا بالصريح و ريح نفسه دحين اني اشتري له شي و اورط نفسي ابدا ما اسويها بس اجيب له عطر كل فتره و هو نوع يحبه و بس لا تزعجي نفسك و خليه يتصرف مثل ما يحب الله يطمن قلبك و يريح بالك يااارب |
رد: زوجي رفع ضغطي الله يسامحه
حبيبتي لا تزعلي نفسك الرجاله دائما اهتماماتهم بلهديه عاديه جدا حتي لو عجبتهم عادي تقبلي منه الموضوع واعتبري ما حصل شيء المهم سلامة وراحة البيبي
|
| الساعة الآن 05:32 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .