|
الي سافر لدبي
بنات ابي اهدي زوجي سفره لدبي انا وهو وبيبي
لمدة 7 ايام كم التكلفه حق السكن فنادق 4 او 3 نجوم ومنتزهات واكل وتكاسي كم التكلفه؟ |
رد: الي سافر لدبي
الف مبروك البيبي يتربى بعزكم
وانا اقولك لاتستعجلين ولدك توه صغير والجو بدبي مره حر ورطوبة تو جايه انا اليوم منها .. خليها كمان بعد شهر بيصير الجو روعه وولدك يكون كبر شوي وتقدرين تروحين فيه وتجين واحسن شي لا تروحين هناك على عماكم احجزو منها شوفو لكم شركة سياحيه بتكلفكم السفره عن طريقهم ثلاث الاف بس شامله تذاكر السفر عن طريق فلاي دبي وحجز الفندق واحجزي من الفندق على سيارة اجره بسواق وسياره راقيه بميتين وخمسين ريال يوديكم اي مكان تبون بدبي وعندك مجمعات مثل الغريربشارع الرقه ومول الامارات بشارع الشيخ زايد وستي سنتر بشارع ال مكتوم سكنا بجنبه حي راقي وهدايء بالمره بفندق خليج بالاس اربع نجوم واحنا رحنا على عمانا وبسياره وحجزنا من هناك وصارات التكاليف غاليه علينا وندمنا بالمره في ناس جماعتنا راحو بحجز من شركة سياحيه هنا بالسعوديه وكلفتهم الرحله بسسس خمس الاف ريال ثلاث الاف للشركة السياحيه والافلين مطاعم ومقاضي وكذا ...في بعد عندك الممشى بالجميرا مره حلو بس كان ذاك اليوم حرررر ورطوبه اي تاكسي يعرفه ... والمطاعم فيها نااااار الله الموقدة طلبنا انا وزوجي بيتزا مع سفن اب كلفنا 100 ريال السفن اب ب15 ريال لحاله للعلبه تخيلي ... وهو مثل السوليدير بلبنان والشانزلزيه بباريس في المترو للشخص 12 درهم ... حلو مره شكله بس ماركبته ( زوجي كان خايف منه )ماقالي بس انا عرفت لانه جزء منه على الجسر وجزء بالنفق.... امممممم رحنا لسوق التنين على طريق دبي عمان سوق كبييييييييييييييييير فيه كل شي بس اسعارهم مثل المولات الشنط والملابس والجزم بس حلوه ولا تاكلون منه شي كل اللي يطبخون فيه صينيين وماتعرفين وش اكلهم.. بس اكلت ذره من بائع هندي بكشك فيه مشغل حلة بشارع ال مكتوم اسمه سديل بعماره بالدور الاول عندهم حمام مغربي تسويه تونسيه ررروعه شغلها وفلبينيه شاااطره بالبادكير والمناكير صاحب المشغل سوري واخته ادير المحل .. المطاعم فيه مطعم قريب من شارع الرقه وال مكتوم وكل العالم تعرفه (دمشقي) اكلهم رووعه واسعارهم اروع ومقبلات بالمجان مع الطلب يجي ,,, بس انتبهوا اعطوهم احسابهم وانتظروا الباقي تراهم عليهم حركات يتاخرون في ترجيع الباقي ( شغل نصب)... وجنبه (رغدان )مطعم عراقي .....حلو وجنبه مطعم بعد كبير وفي جلساات بالداخل الظاهر لبناني بس مادخلته.... بعد فيه خور دبي مره حلو ....بالقرب من شارع ال مكتوم وراه على طول بعد الفنادق ..اركبوا اليخوت وتمشوا بالخور (بحيره) بالنسبة للقريه العالميه مقفله ماتفتح الا بشهر واحد ميلادي على ماسمعت مدري .... هذا اللي عندي وبالتوفيق |
رد: الي سافر لدبي
حبيبتي احسن وقت لزيارة دبي بالحج يكون الجووو احسن وابرد
وانا من اسبوعين راجعه منها اخذنا اسبوع كلفتنا 12 الف شامل كل شي واي استفسار ثاني انا جاهزه |
رد: الي سافر لدبي
لقيتلك هالمعلومة بالنت عن واحد زار دبي وتكلفة الاقامة اتمنى تفيدك
الاقامه في دبي كانت لمدة خمس ليالي ايام منها يومين من رمضان تكلفة الرحله شامله تذاكر وسكن ومصاريف يوميه بدون تسوق = 4800 ريال 1060 تذاكر 2240 سكن 1500 مصروف يومي بدون تسوق استخدمت مترو دبي الرائع من المطار للفندق وكلفني 14 درهم بالذهبيه بينما التاكسي قالي 110 درهم استخدمت المترو للذهاب الى مول الامارات وكلفني عشر دراهم بينما التاكسي يكلف 80 درهم تقريبا رايح جاي المترو استخدامه سهل جدا مجرد انك تطلب الوجهه وهم يقصون لك التذكره ويوجهونك للقطار اللي تركبه اول ليله سكنتها في فندق رمادا داون داون دبي بسعر 640 ريال مع الفطور وحصلت عليه عن طريق مكتب سياحي والفندق كان رائع بالنسبه لسعره وخدمتهم ممتازه والانترنت وايرلس مجاني بالغرفه جناح غرفة مع صالة + فطور +سيارة مجانية = 595درهم رامادا برج دبي قرب مول دبي ليلتين في فندق قمر الدين بسعر 450 ريال مع الفطور والحجز عن طريق بوكنق الفندق جيد جدا ويميزه قرب من دبي مول ولكن اللي ماعجبني طريقة تعامل الفندق لانهم يحاسبونك على كل شي يعني ابي اتصل دولي قالو لي انزل ادفع مقدم بعدين اتصل يقفلون الميني بار لاني قلت لهم مارح ادفع مقدم له يعني يانك تدفع والا ممنوع تستخدمه في اشياء تخصك هذا تقرير عن الفندق من الاخت ام مرايم تقرير بسيط جدا لفندق قمر الدين ليلتين في فندق قراند امارات بسعر 350 مع الفطور والحجز عن طريق عرب لينك هذا الفندق اللي ارتحت فيه فعلا لانه ممتاز من كل النواحي ولاني سكنت فيه في بداية رمضان والغرفه معاها فطور قالو لي بنخلي الفطور سحور تطلب اللي تبي بالغرفه |
رد: الي سافر لدبي
اناتوي راجعه من دبي قبل أسبوع ويمكن يكلفك كل شئ 12ألف
|
رد: الي سافر لدبي
جزاكم الله خير حبايبي كفيتم ووفيتم واشكر كل وحده ردت علي ربي يسعدكم
|
| الساعة الآن 10:58 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .