منتديات حوامل النسائية - قصتي . . واسئلتي . وعد مني اللي تجاوب على اسئلتي وتريح قلبي والله ادعيلها بسجودي

منتديات حوامل النسائية (https://naqatube.com/index.php)

- منتدى أعراض الحمل والوحام (https://naqatube.com/forumdisplay.php?f=8)

قصتي . . واسئلتي . وعد مني اللي تجاوب على اسئلتي وتريح قلبي والله ادعيلها بسجودي

السلام عليكم

بنات انا دورتي 30 31 يوم والشهر اللي راح تأخرت ولاتزلت الا بعد 38 يوم يعني مابقى الا يومين عالاربعين يوم توقعت اني حامل على هالتاخير(وقبل لايجي موعدها جاني الم بجنوبي في ظهري لمده ثثلاث ايام ورحت استراحه ولعبت وركضت مع البنات وسبحت بالبركه وزاد الم جنوبي وكان عندي مناسبه ورقصت لين قلت امين )
المهم يوم نزلت قبل نزولها حسيت بألم فظيييع نفس الم الدوره بزياده وظهري وبطني وكل شي يألمني و كنت بصلي الظهر واستغفر الله من الالم مدري شلون صليت ولأدري شقلت بصلاتي
رابع يوم من الدوره رحت لمراخه اول ماحطت يدها على بطني سئلتني حللتي قلتلها ايه حللت بول ودم وحللت دم مره ثانيه اول مانزلت الدوره قالت لي روحي حللي الحين ( وتحط يدها على بطني وتقول شوفي فيه كيس تقصد كيس الحمل ) ومارضت تمرخني الا بعد مااحلل وارجع لها
قلت طيب وطلعت من عندها رحت الصيدليه واخذت كلير بلو وفي الطريق جلست اشرب ماء عشان اسوي التحليل وسويت التحليل طلع لي سالب ( والبول وانتو بكرامه ماكان اول ماصحيت من النوم وكنت شاربه ماء قبل التحليل يعني صار لون البول فاتح جدا )

طيب بعد كذا رحت وخليتها تشوف تحليلي واقتنعت ومرختني ثلاث ايام تقول ارحامي نازله وقالت لي لازم يصير الجماع اول ماتطهرين لازم بعد التمريخ كذا

اول يوم جماع مانزل ماء الزوج ابدا مثل قبل كان كله ينزل اول مأقوم والايام الباقيه بعد الجماع رجع ينزل الماء مره ثانيه يعني بس اول يوم قعد داخل
وبعد كم يوم حسيت باشياء تنزل مني رحت الحمام ولقيت ماااء وافرازات دمويه وشي صغييير لونه بني غامق تقريبا كبر حبة البازلاء او اصغر شوي واستغربت اول مره اشوف اشياء كذا

وبعدين صار ينزل مني افرازات صفرا حتى كنت احط مناديل في ملابسي الد اخليه وكل يوم اشوف هالاصفر هذا وبعدها وقف الاصفر وصرت فتره كم يوم القى المناديل نظيفه
وقبل اسبوع صارلي شي غريب اكثثر من مره صرت احس المناديل رطبه ولما اشوفها مافيه شي ولأافراز ولا لون بس فيها مااء وماعتقد انه عرق لاني ساعات احس شي ينزل اول مره بحياتي يصير لي كذا

وافرازات التبويض الشفافه مالقيتها ابدا ولانزلت مثل اول? بس في اليوم 24 حسيت بغثيان بسيط وتعكر مزاجي والم اسفل البطن وارتفاع بسيط بللحراره والم ونغزات بجنبي اليسار اسفل البطن وعرفت انه هذا التبويض والافرازات مالها وجود

وانا الان باليوم 29 من الدوره واحس بألم الدوره والم بسيط عند التبول وجالسه انتظر يوم الدوره بعد ثلاث ايام عشان احلل واشوف انا حامل والا لا. وراح احط النتيجه هنا سواء طلع سالب والا موجب

خلاصة القصه واللي ابي اعرفه :

تتوقعون كنت حامل يوم تتاخر الدوره علي 38 يوم ولا بين بالتحاليل والمراخه كانت صادقه يوم تقول فيه كيس حمل?

وهل تحليلي في كلير بلو غلط لما سويته بعد ماشربت ماء كثثير? او التحليل ههذا يمكت يخخطئ ويطلع نتيجه غلط?

اللي مرخت هل عادي ينزل علي ماء قبل الدوره باسبوع لا ريحه له ولا لون والا هذا حمل ?

اللي مرخت هل اختفت عندك إفرازات التبويض الشفافه ? وهل يصير حمل باختفاءها مع وجود اعراض التبويض ? والا اختفاء افرازات التبويض معناه حمل?

مين اللي ماحست باعراض ولاشي غريب ولا علامات ابدا غير الم الدوره في البطن فقط وطلعت حامل?

اخر سؤال و اهم شي انا قلت ان دورتي كل شهر 30 31 يوم ولما تاخرت 38 يوم رحت مرخت هل هالشهر يصير موعدها 31 ترجع مثل قبل لاني مرخت والا تكون بعد 38 يوم ? وفي هالحاله متى يكون تبويضي اهم شي التبويض اللي تعرف تحسب تقولي كم

تكفون بنات لاتطنشون والله محتاجه اجوبه على اسئلتي تعبت من التفكير ومأقدر اتناقش مع اهلي في هالامور ولا صديقاتي ولا احد وزوجي مايعرف هالسوالف وانا والله تعبت نفسيا ابي احمل ياناس تعبت

والله العظيم وعد مني اللي بتفيدني وتجاوب على اسئلتي وتريح قلبي والله أدعيلها بسجوووودي باللي تبيه وان ربي يححق لها اللي تبغاه