|
بنات مقهووووووووووورة ساعدوني
السلام عليكم احلى بنات وكل عام وانتو بألف خير بنااااااااات عندي مشكلة محيرتني وقلت ما لي غيركم بعد الله يمكن تشوفوها سخيفة بس عنجد متعبتني انا متزوجة من سنة ونصف وعندي ولد ومتغربة عن اهلي وساكنة عند اهل زوجي بغرفة وحمام والبيت فيه ام زوجي واخوانه بالنسبة لاخوانه هم محترمين وما بيدايقني وجودهم من اول ما سكنت لحد قبل كم يوم كانت حياتي معهم مستقرة طبعا في شغلات كتير مدايقتني بس كنت اصبر واتحمل وقول يا بنت طنشي بس باالغالب تعامل ام زوجي معي كويس وانا يشهد ربي علي بعزها كتير قبل فترة تغيرت وصارت دايما مكشرة بوجهي وما ترد علي ولما اسالها ما ترد وتعصب علي كتير وتدايقني بالكلام استمر هالحال 4 شهور تقريبا وبعدها اجو اهلي لعندي زيارة وصارت مشكلة كتير بسيطة بيني وبين اخت زوجي وهي اول مرة بتصرلي مشكلة معهن وزوجي شاهد وعارف انه الحق معي بس مو المهم مشكلة اخت زوجي لاني بعرف انها بتحبني بس يعني الشيطان شاطر المشكلة انه ام زوجي بهاد الوقت طلعت الاول والتالي وقعدت تسب فيني قدام امي واخواتي وزوجي والكل وانا ساكتة واكتم بقلبي والله انقلبت علي بشكل فظيع لاول مرة بحياتي بنهان بهي الطريقة بس سكتت لما دايق اهلي لانه كان سفرهن تاني يوم والغريب انها طيبة بالعادة وما الها مشاكل مع حدا اكتشفت من كلامها انها مو بس مدايقة مني لا بتكررررررررررررررررررررررررهني وطبعا كل السبب كلام الناس قال في كتير ناس عم يحكولها علي مع اني رسمية مع الكل بدون استثناء من وين جابو الكلام ما بعرف وعلاقتي بام زوجي كانت كويسة مستحيل اطلع من البيت بدون ما اخدها معي لو رايحة عند صاحبتي حتى زوجي اوقات بقلي خلينا نطلع لوحدنا انا برفض مشان ما تحس حالها وحيدة وما بقصر عليها بالفلوس يلي بيعطيني ياه زوجي بقسمه بيني وبينها وبساعدها بالمصروف بتقول انه مشكلتها معي شغل البيت انا بصراحة ما بساعدها كتير مو لاني ما بدي ساعدها بس هي ما بتسمحلي اعمل شي بطريقتي وشو ما عملتلها ما بيعجبها وبتطلب مني ما اعمللها شغلها لانها ما بتحب الا تشتغل بايدها ولو اشتغلت بدون ما اسالها بتحبطني وبتطلع شغلي زبالة مع انه هو مو هيك بس مع كل هاد انا بنظف الجلي وشغلات متفرقة وبس اطبخ وحدا يمدح طبخي بتتدايق يمكن هي بتنزعج اذا ما حست حالها ست البيت وبتخاف على اشيائها اني استعملهن مع انه اغلبهن قديمين كتير لهيك بطلت اشتغل من راسي مشان ما اسمع تعليقاتها صارت تزعل لاني ما بشتغل والله حيرتني معها ووقت المشكلة زوجي استغرب منها وقلي انه واقف معي وانه رح ياخدلي حقي وما رح يسكت بس ليلاقي فرصة بدون ما يغضب امه وانا طبعا ما بدي ياه حتى يزعلها بس هو شاف بعينه كل يلي صار انا واهلي تبهدلنا زوجي تفشللللللل من اهلي كتير والله من يومها وانا عم ببكي طبعا زوجي قلي انا ما عاد الزمك تعامليهن بالطريقة السابقة اعملي يلي بريحك بدون ما تغلطي عليهن وانه رح يستأجرلي بيت لحالي مشكلتي اني ما عم بقدر غير تعاملي لانه هاد طبعي بزعل لما بشوفها قاعدة لحالها بروح بقلها تجي معنا وبكل الشغلات لسه بجاملها وبجبلها الاشياء يلي لازمتها وبحاكيها بطريقة حلوة مع انها زادت من تكشريتها وتعاملها القاسي نوعا ما معي وكل ما اتذكر يلي حكته ويلي عملته معي نار وبتشعل بصدري وبحس بالقهر والمشكلة التانية هي اني انتقل لحالي بصراحة خايفة من التكاليف المادية خصوصا انه عنا اقساط والايجارات غالية وزوجي بيدفع لاهله بالبيت ما بدي زيد الضغط عليه وارهقه بس برجع بقول معقول عيش ببيت انهنت فيه وصاحبة البيت بتكرهني وما لها طايقة وجودي وانا خير شر تعبانة بهي السكنة ومجبرة على كتير شغلات ما بدي ياها شو رأيكن غير تعاملي معها خايفة تتمادى معي لاني ما خدت موقف من يلي عملته معي وشو اعمل ارهق زوجي ماديا بس يرتاح راسنا شوروا علي لله يخليكن |
رد: بنات مقهووووووووووورة ساعدوني
اولا ربي يوفقك اختي واحتسبي الاجر عند رب العالمين اسمحيلي
احيي فيكي الصبر والاحسان والطيبه لان باااين من كلامك انك بنت ناااس ومتربيه صح وعشان هيك ما رديتي ولا زعلتي ام زوجك مع انها تمادت في تجريحك وانصحك تستمري بالصبر والمعامله الطيبه والاخلاق الراااقيه ما شاء الله عليكي وطبعا بدون ما تسكتي عن حقك يعني صارحيها كلميها مره واثنين وثلاثه واربعه خلي واحده من بناتها اخت زوجك اللي تشاجرتو سوى اكيد اصطلحتو خليها تكلم ام زوجك وتسالها ليش انقلبت دخلي وساطه بينكم وحاولي تصلحي امورك معاها ويارب يهدي سركم ويريح بالكم والله لا يوفقهم اولاد الحرام اللي فتنو عنك عندها لانهم حساااد صار في ذا الزمن الواحد ما يامن شر اد والله حسب الله عليهم بس وانتي اختي عاملي ربك واصبري واحسني وكل شي باجررره وثوااابه لا تنسي تحيااااااااااااااااااااااتي ^ ^ |
رد: بنات مقهووووووووووورة ساعدوني
بعد كلام عربية وافتخر ما في كلام ماشاء الله كفت ووفت
لكن بالنسبة للبيت استني كم شهرر وحاولي معاه زي ماقالت عربية وافتخر وإذا شفتي مافي فايدة صراحة لازم تستأجرو بره ولا وجع الرااااس والمشاكل |
رد: بنات مقهووووووووووورة ساعدوني
اقتباس:
تسلمي يا الغالية والله كلامك برد قلبي فعلا حسبي الله عليهم يلي وقعو بينا بعين الله وعلى اني احكي معها ونتفاهم حاولت كتير ما فاد بشي يمكن احسن شي انتقل وريح حالي وخلص زوجي من مشاكل بين امه ومرته |
رد: بنات مقهووووووووووورة ساعدوني
اقتباس:
شكرا حبيبتي على ردك شكلي رح فضل انه ننضغط ماديا ولا يجيني وجع راس لانه بالفعل مهما كانو اهل الزوج كويسين الا يجي مشاكل |
رد: بنات مقهووووووووووورة ساعدوني
حبيبتي افهمت من كلامك انها عم تقول انه الناس عم تحكي عليكّ!!!
طيب ليش ماتخلي زوجك يجلس معاها ويسألها مين الناس ويفتح معها الموضوع بركي بتقلو سبب التغيير لانه ممكن يكون كلام عزال خاصة انه عم تقولي انها كانت منيحة واقرأي المعوذات وايه الكرسي كل يوم وسورية ياسين اقرأيها للحاجة وبس تخلصيها ادعي من ربنا يلي بدك اياه ربنا يوفقك ويهنيك ياااارب امين |
رد: بنات مقهووووووووووورة ساعدوني
الله يعينك حبيبتي انتي شوفي اللي بريحك ويريح زوجك واعمليه...
بالنسبة لحماتك باين انها بتغار منك والغيرة مثل المرض انتي اصبري عليها وخليكي محترمتيها وعامليها بالحسنى وان شاء الله بعد فترة تتغير |
| الساعة الآن 08:53 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .