منتديات حوامل النسائية - Birth Story of My Little Princess: Adeem..قصة ولادتي بأميرتي الصغيرة : **أديم**

الحمد لله أولآ وأخيرآ على نعمه التي لا تعد ولا تحصى
طبعآ أنا كانوا محددين لي أولد في 23 _ 9 _ 1432 هـ ومستشفى ثاني كانوا يقولون الولادة في 25 بس على حسابي الصحيح وحساب موقع بيبي قاقا كان آخر موعد 23 اللي هو يوم ولادتي .. المهم مالكم بالطويلة انا كنت أراجع في الرياض عشان شغلي بالرياض بس بحكم ان اهلي في مكة بدت الاجازة ورحت لهم من بداية رمضان وانا انتظر الولادة بس ماكنت مستعجلة ابدآ ...
والجمعه اللي فاتت زوجي جاني في مكة هو كان عند أهله بديرتنا ويوم الإثنين ليلة الثلاثاء الساعة 1 الصبح عملنا هذاك الشي بس بعنف ههههههه وخلصنا وكان زوجي ناوي يرجع الديرة بس حلفت عليه ينام ويروح بعد الفطور يوم الثلاثاء وسهرنا انا وياه لحد الساعه 10 الصباح وحط راسه وانا جلست عالنت لحد 11 وثلث ونمت الى الساعه 1 و 4 دقايق الظهر وفجأة صحيت من ظهري وموية الجنين بدت تنزل داااااااااااافية ومااقدر امسكها وصحيت على طول عرفت انها الولادة لا محاااالة اهئ اهئ.. ورحت المطبخ وشربت عسل طبيعي ملعقة ونقعت يانسون في موية حاارة وخلطت معاه عسل وشربت كوب وخشيت الحمام تروشت بمويه دافيه ورحت لزوجي بالغرفة وحصلته يتقلب اول ماخشيت عليه صحى قال وشفيك مانمتي نزل عليك شي ؟؟؟ قلت شي بسييييط وانا ملابسي معدومة من المويه قلتله ناام ارتاح مافيني شي المهم الكلام هذا عالساعه 3 العصر قال اساسآ حسيتك وانتي رايحة جاية وماعاد جاني نوم من الخوف عليك وانا هنا تقطططططططططع قلبي عليه ابيه ينام ويقوم يصلي ويقرا علي ويصبرني وانا بموت من ظهري وبطني والمغص يجي كل نص ساعة بعدين كل ربع ساعة وكل شوي يشتد واروح انقع حلبه في كوب مع ملعقة عسل واشربها وآكل سبع حبات حبة سودا والساعة 5 العصر بدا يشتد بزيااااااااااادة واحط كراويه في كوب ماء حااار واشربها وانا كل مايجيني الطلق أسوي طريقة التنفس الصحيح اثناء الطلق صدقوني يابنات يرييييييح كثير وزوجي بينجن مايدري وش يسوي ؟؟؟ واذا اشتد الألم مااصرخ أبدآ اردد بشويش لا إله إلا الله استغفر الله استغفر الله يارب صبرني يارب عطني الصبر من عندك وأذن المغرب وأهلي جهزوا لزوجي فطور وزوجي يحلف علي آكل ماقدرت من الألم واقوم اشرب لي ملعقتين كبار زيت زيتون وبغيييت امووت من طعمه بعدها حسيت ان الألم لااااا يحتمل وقمت اكلت مع زوجي رطب وكثررررت وزوجي يناظرني ووجهه أحمر وعيونه مليااانه دموووع وراح المسجد يصلي وانا رايحة جاية والطلق كل خمس دقايق ومن الساعه 1 الظهر وانا رايحة جايه الحمام الله يكرمكم ارش على نفسي من تحت مويه داااافيه مايله للحرارة والله يابنات ترييييح كثير بس اذا طلعتي من الحمام يجيك وجع لاااااااااااااااااا إله إلااااااااا الله لإن المويه الدافية تساعد على فتح الرحم... طبعآ طول المدة هذي وانا استغفر وادعي ربي في التيسير وزوجي كل شوي يلا نروح المستشفى اقول له لاااا تكفى خلنا شوي ساعه بس ويوم جت الساعه 8 قال يلا نروح قلت شوي وكنت وقتها منهاااااااارة من الألم والتعب والطلق كل دقيقتين والساعه 8 وربع راح زوجي برا يكلم اهله يدعون لي بالتيسير دقيت عليه قلت تعاااال وقفلت الخط بوجهه وثاانية هههه الا هو عندي ولبست عبايتي وجات اختي معي وكانت امي ماتدري بشي انا افضل اني اولد واقولها عشان ماتقلق ... وفي السيارة قلت لزوجي بمووووت بمووووت ياقلبي .. زوجي طالع فيني قال لا ياروحي ماابتموتين بتجيبين لنا القمر أديم بس توكلي على ربك وكان يصبرني يقول يهوديات وكاثوليكيات ربي يسهل لهم خلي انتي مسلمة ومؤمنة بالله والله ان ربي معك ووصلنا المستشفى الساعة 8:45 م وخلصنا أوراقنا طبعآ كان مستشفى النور التخصصي بمكة وطلعوني لكشك الولادة وجوالي معي ودخلت الكشك الساعه 8:55 م وجت الدكتورة زينب ومعاها القابلة الهندية ولسه ماشافوا كم سانتي مفتوح الرحم ؟ ورحت اوزن وبعدها انسدحت عالسرير ومامداهم يلبسوني لبس المستشفى وانا بالروب ولا حطولي جهاز نبض الجنين ولا ركبو لي مغذية ماشاء الله تبارك الله واشوي احس اني ابي ادفع هنا انجنت القابلة وقاعدة تجري وتجيب الكشاف والمقصات والمعقمات وتقول : where are you doctor? pushing…..pushing….She is pushing وتجي الدكتورة زينب عسل تهبل الله يسعدها وانا ادفع وتقول يلا حبيبتي ادفعي مابقى شي شدي حيلك شوفي البيبي راسه قدامي بس ساعدينا وهنا بغيت اموووووووووت دفعت دفعت وهما يقولون شاطرة شاطرة ادفعي يلا يلا كويس كويس وشوي يشقوني ويطلعون راسها وسمعتها تبكي هااااااااااان كل شي وشفت حبيبة قلبي ومهجة فؤادي و أميرتي وملاكي الصغير*** أديـــم*** الله يحفظها لي ولأبوها وكان الوقت الساعة 9 وربع ع طول طلبت السستر شنطتي ودقيت على زوجي وبشرته بغى يطيييييييييييييييييير من الفرح وكلمت امي واخواني واخواتي وقلتلهم وخيطوني وكملوا وكل شوي القابلة تقولي انتي كويس مررررا يامدام قلت عشان انتو كويس قالت كلو خياطة وولادة كويس مافي صرررااااخ قلت الحمدلله لازم في صبر
وزوجي كان برا وطلعوله أدومه وشافها وتصور معاها بعدين طلعوني للتنويم وتنومت واليوم الثاني يوم الربوع صار حريق بالمستشفى وكان بالقسم اللي احنا فيه وطلعت وانا زي المجنونة وجا زوجي واخذنا وكمل اوراقي واوراق ادومة وخرجوني والحمدلله والله يابنات المستشفيات الحكومية اروع من الأهليه لإن فيها كفاءات و ممرضات سعوديات رااااائعات ارررتحت معهم بالمرة يخدمونك بعيونهم ويهتمون فيك وفي طفلك وانا احب الحكومية لإنهم مايلعبون فيك بالصناعي والقيصرية وفيها دكتورات ممتازات وقابلات على ارقى المستويات وممرضات من نفس بلدك سعوديات محترمات وراقيات بأخلاقهم وتعاملهم... وأهم شي اذا حسيتو بالطلق يابنات اشربوا محرضات الطلق الطبيعيه اللي تفتح الرحم بسرررعة ولا تصرخوون أبدآ لإن الصراخ يهد الحيل ويزيد الألم والمحرضات الطبيعية اللي تفتح الرحم إذن الله عز وجل: منقوع حلبه وعسل +منقوع كراوية وعسل + منقوع يانسون وعسل+ حبة سودا + زيت زيتون + رطب + الجلوس في ماء دافئ
واحب اشكر كروشات تجمع رمضان فديتهم يانااااااااااااس مانسوني من دعواتهم الله لا يحرمني منهم وبس
اعذروني طولت عليكم والحمد لله على التيسير والتسهيل من عنده.....hwaml7hwaml7hwaml7