احداث ولادتي ....الي تحولت قيصري..
 

السلام عليكم ورحمة الله وبركاته
الحمدالله على سلامتي اول شي وسلامة النونو ومبروووووك لكل الي ولدو بالسلامه بنات تجمعي تجمع رمضان وبنات المنتدى عامه والي يسهل عالكروشات..
اول شي الولاده سهله مو مثل مايكتبون بعض التهاويل الي يخوفون فيها البكريات بس أنا تعسرت ولادتي وحولوني قيصري عشان سلامة كتكوتي يارب لك الحمد كنت مصدومه لما قرروا لي قيصري بس لله في حكمته شؤون

القصه كنت عند دكتورتي يوم الثلاثاء 9/9وقالتلي يوم السبت موعدك طلق صناعي أنا ضاق صدري لأني مابي طلق صناعي طلعت من عندها تسحرت ونويت الصيام وأذن الفجر وجلست أنا وزوجي لين الساعه 9 أنا حسيت برغبه بالنوم ودخلت الغرفه وتمددت بنام الا ابو الشباب سحبها قبلي نومه هع هع
أنا حسيت بالم يروح ويجي خفيف لايذكر لين ماصارت الساعه 11مسكني الم اشد من الم الدوره واستمر عشر دقايق وبعدها حسيت كانه شي بيطلع مني ركضت للحمام الا موية الطفل تنزل على رجولي أنا صابتني روعه منها بعدها أخذت دش دافي ودقيت عالدكتوره قالتلي تعالي رحت المستشفى وكشفت قالت مفتوح 2ونص ودخلتني غرفة الولاده وعلى الاجهزه من 1 الظهر لين 1 بليل
وكل شوي كشف وبهذله صارت الساعه 6المغرب قالو لازم طلق صناعي طلقك بارد وجلست لين وحده بليل فتح الرحم عشره سانتي قالت ولاده ساعدينا جلست أحاول مع كل زحره ادفع ولا في فايده وتقولي الدكتوره يله هذا راس بيبي ادفعي بقووووووووه وتوسع بيدها بس راس بنوتي مو راضي ينزل جلسنا ساعه نحاول وبعدين قالتلي الدكتوره خلاص قيصري لان نبض البيبي ينزل ونخاف عليه دخلت كل شي صار بلحظه شالوني ودخلوني غرفة العمليات وصارت تشتغل ببطني وانا اصرخ عليها وأقولها أنا احس فيك وعطوني كمامه ماحسيت بنفسي الا بغرفة الإفاقه واسمع أذان الفجر وأشوف زوجي فوق راسي وانا اصيييييييح من العمليه واسأله شلون بنتي قالي الحمدالله ربي كتبلك الخيره المباركه بنتك كان الحبل السري ملتف حول رقبتها عشان كذا مانزل راسها بالحوض والنبض كان يقل مع الطلق والدفع يااااااااااااااااااااااااااارب لك الحمد الي خلاني اشوف كتكوتي بالسلامه


وهذا أكشن وأحداث ولادتي
بس عندي سؤال يابنات الرحم فتح عندي عشره سانتي والدكتوره ماقصرت جلست توسع بيدينها هل هذا يسبب توسع عندي ..؟؟؟

رد: احداث ولادتي ....الي تحولت قيصري..
 

هلا حبيبتي الحمد لله اللي قومك بالسلامه انتي و بنتك
الله يحفظها و يخليها لك يا رب و تتربى بعزكم
و الف الف مبروووووووك بالنسبه لسؤالك و الله ما اعرف يا قلبي انا لسا بكريه

رد: احداث ولادتي ....الي تحولت قيصري..
 

يا قلبيييييييييييييي لكي الاجر ان شاء الله
واهم شي الحمد لله على سلامتك وسلامت اميرتك تشوفيها عروسه ياااااارب

رد: احداث ولادتي ....الي تحولت قيصري..
 

الحمدلله على سلامتك والف مبرووك البنوتة

رد: احداث ولادتي ....الي تحولت قيصري..
 

الحمدلله على سلامتكـ وسلامة الكتكوتة

وتتربى بعزك وعز ابوهــا

رد: احداث ولادتي ....الي تحولت قيصري..
 

الحمدلله ع سلاااااااامتك

والف الف الف الف الف الف مبروووووووووك..

رد: احداث ولادتي ....الي تحولت قيصري..
 

الف مبرووك والحمد لله على السلامة

رد: احداث ولادتي ....الي تحولت قيصري..
 

رد: احداث ولادتي ....الي تحولت قيصري..
 

الحمدالله ع سلامتك قصتك نفسقصتي بمجودي بس انا من فتح 10سم
جلست 3ساعات مو ساعه واخرها قيصري وكانو يدخلو يدهم
مادري ماظني يسبب توسيع؟هذا الكلام من5سنوات ونص خخخ
الحمدالله على سلامه الكتكوته وتتربى بعزكم..

رد: احداث ولادتي ....الي تحولت قيصري..
 

مثلك بالظبط كان مفتوح الرحم بس جتني حاله اغماء وقرروا لي عمليه وانا بكريه

بس ماانسى يد ذاك المصري وكل دقيقه يجي يوسع والحمد لله رجع طبيعي مايضر التوسيع باليد

تحياتي