|
كيف اهتم بالخياطه؟
بنات انا لي 5 ايام والده واحس بألم الخياطه مو قادره اجلس ولا اتحرك منها
طبعآ في اول يومين غسلت بالمره بعدين خفت لأنهم يقولون المره تشد الخياطه وتألم اكثر وبعدين جربت المويه والملح وحسيت بألم وخفت قلت يمكن يشد على الخياطه والحين احط كريم مخدر على الفوطه ووحده نصحتني انو مااحط كريمات ع المنطقه ... من جد احترت ابيكم تفيدوني يامجربات ابي غسول يريحني ويخلي الجرح يلتئم بسرعه تكفووووووون وعندي سؤال كيف اعرف ان الجررح التئم وان الغرز طاحت؟؟ هل اشوفها بالفوطه؟؟ ولا تذوب ولا كيف؟ ونفسي اشوف الخياطه من تحت وشلون اشوفها؟؟ أنا بس اتحسسها بيدي قبل فتره وحده تقول انفكت غرزه؟؟ وشلون عرفت انها انفكت؟؟؟ ويبي لي كم يوم عشان التئام الجرح؟؟ لاتلوموني بكريه وجديده على هالسوالف بليز ردن ياعضوات ويامشرفات |
رد: كيف اهتم بالخياطه؟
اتوقع انا المقصوده ههههههههههههههههه
انا كتبت هنا موضوع اسأل فيه البنات لانو فعلا انفكت عندي غرزه كيف عرفتها اخذة المرايه وشفت من تحت وكانت الخيوط مفتوحه وطالعه لبرا والمكان هم مفتوح شكله يخررررع بس امس طاح خيط واحترة هل هي طاحت لانها بتشفى ولا انفكت المهم انا كل ما ادخل الحمام اغسل بمويه دافيه ودش مهبلي اسمه بلس اشطف فيه من برا بس الدش ما استخدمه الا مرتين في اليوم والباقي بمويه دافيه بس وانتبهي لاترتكبين جريمتي لا تجلسي في ميه الا اذا مر ع نفاسك ع الاقل 20 يوم لاني جلست ثاني يوم وانفكت عندي الخيوط والحين استخدم المره انقعها بمويه ساخنه واخليها ثفيله زي الكريم واحطها ع مكان الغرزه المفتوح لاني سمعت ان المره تلئم الجروح هذا الي عندي تراني بكريه يعني لا تتهورين وانتظري ردود ذوات الخبره بالتوفيق |
رد: كيف اهتم بالخياطه؟
ياعمري انتي خخخخخخ يعني انتي راعية الغرزه ياللــه كون في عوني وعونهاااااااااااا يااااااااااااارب
طيب انتي كم صار لك والده؟؟ وكيف شفتي الخيوط بالضبط؟؟؟ انا مااقدر افتح رجولي من الالم والخوف :) ؟ ؟ ؟ ؟ معقوله محد رد علي غير اميره افاااااااااا خيبتوا ظني ياحوامل :( |
رد: كيف اهتم بالخياطه؟
اصبر كل وحده تختلف عن خياطتها اذا غرزك طويل لازم ياخذ وقت وقت اطول علشان يطيح انا مادري عن خيوط في بلاد العربيه تطيح ولاتذوب بس انا ولدت في الغرب وخياطتي ذابت وعلى فكره خياطه جنب تلتئم اسرع من الطول وفي الغرب يخيطوا على جنب وكنت استخدم مويه دافئه وشويه ملح وتمارين كيجل والحمدالله تشفيت بسرعه واذا تتوجعي من الخياطه اجلسي على الارض وادعيلي
|
رد: كيف اهتم بالخياطه؟
مشكوووووووووووووره مستقبل بس كيف اجلس على الارض؟؟
اتربع مثلآ ولا اسكر رجولي؟ وبإنتظار الباقيات الصالحات |
رد: كيف اهتم بالخياطه؟
اجلسي طريقه اللي تقدرين عليه
|
رد: كيف اهتم بالخياطه؟
ياعمري الله يكون بعونك
انا والده ن اسبوعين الحمدلله وخياطتي بدت تطيح خيوطه من اول يوم وانا اذا بنام اغسل بمويا دافيه وملح ومره والصباح احط اغسل بمطهر بيتادين واحط ع الفوطه مرهم ميبو وكل مره اغير الفوطه اغسل بالمطهر واحط ع الفوطه المرهم وترى مرهم ميبو كرتونه ابيض وعليه حط احمر واخضر وهو روعه ويخدر المنطقه ويخلي الخياطه تلتئم بسرعه واذا بتجلسين اجلسين ع جنب وسكري رجولك وامشي بشوييييش وماعليك الا العافيه يارب |
رد: كيف اهتم بالخياطه؟
مرحبـــا /
اولاً مبروك ماجاك حبيبتي والحمدلله ع سلامتك أما الخياطه هذي معناة ثانيه بعد الولاده حتى انا اول يومين تبهذلت ماكنت اصبر عن المسكنات الين جيت عند امي الله يطول بعمرها واعطتني دهون قالت ادهن منه والحمدلله من صرت ادهن فيه خف الألم وشد الخياطه اختفى وصرت الحمدلله اقدر اجلس وامشي عادي مع انه ماشاء الله تبارك الله لي بس اسبوع طبعا الدهون عباره عن خلطه وهي ( خوا جوا - مره - مباركه - وزيت زيتون ) تطحنينهم مع بعض وتحطين عليهم زيت الزيتون وتحطينهم ع النار لين تغلي طفي عنها وخليها تبرد ثم تصفينها في علبه طبعا بيطلع عندك لون الدهون احمر وحطي العلبه بالحمام واذا دخلتي الحمام وغسلتي نشفي المنطقه وأخذي قطن وادهني المنطقه وجيبي الفوطه وادهنيها من نفس الدهون والبسيها وصدقيني خلال يومين بتلاحظين كيف هالتشدد بيروح وبعد لا جيتي تغسلين اغسلي بمويه دافيه ابعدي عن البارد والمويه والملح كويس هذا اذا تقدرين تتحملين حرارة الملح وحاولي ماتجلسين كثير افضل شي تكوني منسدحه عشان الجروح تلتئم كويس وان شاء الله ماقدامك الا العافيه اذا استفدتي من الخلطه لا تنسين الوالده من دعواتك ربي يطول بعمرها ويخليها لنا |
رد: كيف اهتم بالخياطه؟
طيب ابسال انا مااحس بالخيوط ولا اشوفهم وانا لي اسبوع والده وش يعني كذا ووشلون ادري انهم طاحوا
|
رد: كيف اهتم بالخياطه؟
الخياطه هذي شغلتها شغله انا امس حسيت بألم شفت الخياطه بالمرايه لقيتها انفكت كلها بكرا بروح للمستشفى والله يستر
|
| الساعة الآن 03:40 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .