|
بدي فضفض والله يخليكن عطوني الحل
السلام عليكم ورحمة الله وبركاته
انا متزوجة من حوالي 10 اشهر ونص وزوجي ما سكني فورا بالبيت اللي كنا متفقين عليه يوم اجى وطلبني هو واهله لا سكني عند اهله ولهلأ ما بعرف اذا البيت اللي لازم يكون بيتنا خلص تشطيبات اكساء ولا لسى لاني ما شفته غير مرة وحدة وبعد خطبة 6 اشهر ( خطبتنا استمرت كمان 10 اشهر ونص ) المهم انا اسفة على التطويل انا كتير متدايقة من السكنة عند بيت احمايي بالذات انه بالبيت في انا وعمي وحماتي واخو زوجي هاد غير اخوات زوجي البنات هنن صحيح متزوجين وساكنين لحالهن بس كل يومين بيجو هنن وولادهن وولادهن كتييييييير بيعفرتوا وبيميعوا ومن هالقصص اللي بتخلي الولد ما ينطاق والعلة ما بسترجي تحكي مع واحد فيهن هاد غير اني لازم ضل اغلبية وقتي محجبة بسبب وجود اخو زوجي ساكن مع بيت حمايي هاد غير انه زوجي مو مقدر اني مليت من اهله وكل ما بقله ايمتى رح نسكن لحالنا بيقلي انه هو عم يشتغل وانا ما عم شوف شي من هالشغل هاد كمان انه من فترة مجنني بأنه بس لتمضى سنة على زواجنا بدو يقلي على شغلة عاملها فيني شو هيي ما عم يرضى يقول وانا والله طقيت ومليت وحاسة حالي ان أهله عم يكرهوني بحالهن بالذات الحماية من التدقيق والله مليتhwaml15 بالذات هلأ انا حامل بالشهر التاني ووحامي جاية صعب وحماتي مافي غير بتقلي نحنا حملنا وجبنا وولاد وما كنا متلكن هالجيل ومن هالكلام عطوني حل الله يخليكن |
رد: بدي فضفض والله يخليكن عطوني الحل
ليش ما حدا عم يجاوبني ؟؟؟؟؟؟؟؟؟؟؟؟؟؟؟
|
رد: بدي فضفض والله يخليكن عطوني الحل
اختي طبيعي معاك حق
زوجه وتبغي تستقري وتستقلي في بيت خاص فيك ومانلومك على اللي فيه طيب هو اصلا في بيت خاص لكم ينبني ولا بس كلام ؟؟؟ مافهمت عليك واذا على زوجك فهميه قولي نفس اللي كتبتيه من ناحيه الزحمه والعيال والاخوان والحجاب فضفضي له الزوجه اذا ماناقشت زوجها وفهمته اللي تبيه واللي نفسها فيه مابتحصل شي فاانتي ناقشي وحاولي وفهميه واذا هو متعسره عليه على حد اقواله فاصبري عليه او قولي له مابي اولد الا في بيتي والله بيعين |
رد: بدي فضفض والله يخليكن عطوني الحل
اختي شكرا لمرورك وتعليقك هو في بيت بس انا لما شفته من سنة واربع اشهر كان باقيله البياض بس ومن وقتها ما بعرف شو صار بالبيت خلص ولا لسى
بالنسبة لزوجي من كتر ما قلتله نفس الكلام اللي كاتبته هون واكتر صار يقلي انه انا بنق واللي زاعجني اكتر بيقلي عم اشتغل بالبيت وانا ما عم شوف شي ابدا ولا حتى بيحكيلي شي هو بالاصل انسان كتوم لأبعد الحدود بالنسبة لوضعه المادي الحمد لله مو متعسر |
رد: بدي فضفض والله يخليكن عطوني الحل
الحمدلله اذا مو متعسر
فكلميه قولي خاطري اعرف وش صار لبيتنا اتكمل ولا لا وعادي يقول بنق او مابنق ترى كثر الدق يفك اللحام ^_^ |
رد: بدي فضفض والله يخليكن عطوني الحل
حبيبتي طولي بالك والحياه بدها صبر
وان شاء الله رح تدخلي البيت وتستقرو فيه وعادتا هي هيك او سنه زواج تواجهي صعوبات ومن ناحية خوات زوجك انتي حتصيري في يوم من الايام متلهم بتخلفي ان شاء الله وبتروحي تزوري اهلك وهيك عادتهم الاطفال .. والله يكون بعونك ويسخر لك يارب |
رد: بدي فضفض والله يخليكن عطوني الحل
شكرا لمروركن وتعليقاتكن
|
رد: بدي فضفض والله يخليكن عطوني الحل
والله ما بلومك المرأه إذا حملت تكره حالها الله يعينك ويسهل حملك ويفرج همك
* بس يا أختي ليش من البدايه مااا طلبتي منه ما يتم الزواج إلا وبيتك جااااهز عشااان تسكني فيه مباااشرة نحنا مو من عاداتنا السكن مع اهل الزوج كل زوجه لها بيت مستقل وهالشي افضل واريح حاااولي معااااه اطلبي منه ياخذك عالبيت قولي حابه اشوووفه عشان تتأكدي من صحة كلامه وإذا ما يرضى حاولي تكلمي حد من اهلك بيمون عليه ويحكي معاه واكثري من الدعاء في هذه الايام الفضيله قبيل الافطار وفي سجودك وايضا الاستغفار والله كل الخير فيه وكل اللي تتمنيه يتحقق لك بأمر الله وحده اتمنى لك حياااه سعيده |
رد: بدي فضفض والله يخليكن عطوني الحل
انتي عشان تتاكدي شوضايلو البيت قوليلو بدي اشوفو وديني عليه
وهيك بتشوفي شو ناقصو وكم باقيلو ويخلص الله يسعدك |
رد: بدي فضفض والله يخليكن عطوني الحل
كتير اني قله خدني ورجيني البيت بيضل بيأجل
|
| الساعة الآن 06:12 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .