منتديات حوامل النسائية - جبت لكم اكشن ولادتي الله يحييكم

السلام عليكم ياحلوات وكل عام وانتم بخير الله يتقبل منا ومنكم صالح الاعمال hwaml7
انا الحمد لله ولدت وجبت بنوته زي القمر دحين عمرها 4 شهور وجيه متاخره اكتب لكم قصت ولادتي
سبحان الله كان يجيني الطلق من نهاية السابع وكل مااروح ع المستشفى يقولو ان الرحم مفتوح اتنين سم والالم كان عندي في ظهري ورجولي وفي الشهر التامن بعد كل يومين في المستشفى خخخخخخ جننت زوجي ههههههه مسكين اقوله تعبانه صاريقولي اكيد ولاده اقوله ايويا وديني بسرعه قبل مااولد في البيت وارح ع المستشفى وتفحصني الدكتوره وتقول اتنين ونصف روحي ع البيت تصدقوا عاد انا تحطم اقوله كيف اروح ومتى اجيكم لمااولد في البيت ونفسي اضربها خخخخخ hwaml4
وماما كانت عندي الله يخليها ليا مسكتني وخلتني امشي في حديقة البيت وانا ابكي ماني قادره كنت خايفه اولد عشان الرحم كان مفتوح عندي وطلعت ع البيت وريحت شوي ماجاني النوم بس كان عندي مغص وظهري كان مره يوجعني وع الساعه 6 زوجي كان ريح على دوامه في المستشفى واناكان عندي موعد عشان كنت اخد جرعة الحديد عن طريق الوريد ولما وصلنا المستشفى قلت له اناتعبانه ماني قادره اخد الجرعه وديني ع الولاده وكشفت الدكتوره وقالت الرحم مفتوح 3سم ولاده وماما جت عندي كانت الولاده صعبه مره طلبتهم ابرة الظهر تقولي لازم نأخد تحاليل اول وانتظر لين مايجوا عشان التحليل وانااتعذب واقولهم ارحموني واعطوني الابره hwaml79 وجاء الدكتور وجلسوني عشان يعطوني الابره وربي يابنات في ديك الساعه انا موت مدري ايش صار فيا دخلت في غيبوبه والمسكينه ماما كانت معيا وزجي مره خافوا زوجي يقول ان الدكتوروقف مااعطاني الابره فكرني مت اسم عليا
وانا في الغيبوبه شفت صورة بابا وماما وزوجي وولدي وبنتي العائله كلها مشاء الله خخخخ في غرفه سودا وكلهم كانو يبتسموا وبعدها شفت البقيع بسم الله وربي يابنات فكرت حالي مت مدري شعور غريب اقول في نفسي ماابغى اموت استغفر الله ابغى أرجع لعيالي
صحيت على صوت الجهاز الي يقيس النبض والطلق وماما وزوجي وكمان الممرضه كانت تبكي واخدت الابره هدا كان الساعه 8والساعه 2في الظهر ولدت والحمد لله كانت الولاده صعبه بس الممرضات والدكتوره كانوا مررررره متعاونين
يابنات انا انصحكم انكم تحاولوا قد ماتقدرو انكم ماتاخدو ابرة الظهر الشهرين الاولى كلها وانا اخد مسكنات من ظهري الين دحين وهيا ماثره فيني

طولت عليكم ياعسولات الله يكتب الاجر ويصلح لنا ذريتنا ويرزق كل محرومه يارب الله يسهل الولاده لكل الحوامل اللهم اميييييييييين hwaml88