|
افيدوني ضروري بليزز
السلام عليكم ورحمة الله وبركاته
حبيباتي افيدوني توني جايه من الدكتوره وخوفتني.. انا الحين بالشهر السابع وقالتي كل شي اوكي.. بس الجنين راسه فوووق مو تحت.. علشان يصير تحت تفرشين بالارض مفرش ودورين على ايدك ورجلينك .. مثل الطفل اللي يحبي لمده 10دقايق لثلاث مرات باليوم.. انا دكتورتي ماخذه اجازه علشان كذا اطريت ادخل عندها.. طمنوني يجزاكم خير في احد مر مثل هالحاله.. انا خبري الراس ماينزل تحت الا بالتاسع ,, وشكرا |
رد: افيدوني ضروري بليزز
هلا خيتو
انا مثلك بالسابع والدكتورة قالت نفس الشيء انو الراس فوق بس انا موخايفة لاني بكل شيء متوكله على ربي وانا اتوقع انها قالت لك كذا عشان ماتدخلي الثامن الا والراس تحت وربي يطمن قلبك يالغالية |
رد: افيدوني ضروري بليزز
ماعندي خلفيه
الله يطمن قلبك انا بدخل السابع يعني شي ضروري الراس تحت |
رد: افيدوني ضروري بليزز
الصمت عشقي طيب ماقلالت شنو تسوين علشان يصير تحت..
بدون نك ان شالله الله يحفظك الله في بطنك |
رد: افيدوني ضروري بليزز
انا بصراحه خفت وماجى في بالي اسالها
بس خواتي قالو لي نفس ماقالت لك الدكتورة انك تحبي مثل الاطفال وان شاء الله كل شي يكون بخير انتي متى موعدك الجاي ..؟ |
رد: افيدوني ضروري بليزز
قالت لي تعالي بعد 10 ايام.
|
رد: افيدوني ضروري بليزز
خلاص يالغلا
انتي سوي اللي قالت لك وان شاء الله تطمنك بعد 10 ايام ربي يطمن قلبك ان شاء الله ويارب تفرحي بجنينك واهو بحضنك دعواتك يالغلا |
رد: افيدوني ضروري بليزز
يارب امين والله يسعك ويفرحك بجنينك,,
|
رد: افيدوني ضروري بليزز
تدرين لما سالت الدكتوره اذا الراس ضروري يكون تحت من السابع قالت لا مو ضروري قلت متى ينزل طيب قالت عادي ماقدر احدد متى ينزل باي شهر تقول طول فترت درستنا ماعندنا دراسه تثبت متى ينزل راس البيبي بس انتي اسالي دكتوره شاطره ثانيه افضلك
والله يطمن بالك يالغلا |
رد: افيدوني ضروري بليزز
الجنيين يبداء يتجة راسة لتحت من الشهر السابع ويضل على هذا الحال الى وقت الولادة
فانتي لا تقلقلي معاكي شهريين يلف فيهم وينزل راسة لتحت كثير من الحريم يكون الراس فوق الى الشهر التاسع وقبل اسبوع او اسبوعين من الولادة ينزل الراس سبحان الله بس اذا كان الراس لفوق يتعبك كثير فانتي ضروري تمارسي بعض التمارين الخفيفة الي ماتضر بالحامل مع استشارة طبيبة عشان تقول لك اذا حالتك تسمح او لا بهذة التمارين عشان ينزل الراس لتحت و اكرر واقول لاتقلقي توك بالسابع ابدأي اقلقي بالشهر التاسع لان لو ما نزل راسة لتحت بتضطري تولدي عملية لا سمح اللة واللة يتمم لك على خير |
| الساعة الآن 09:01 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .