منتديات حوامل النسائية - يا ربي .. بموت من ألم ظهري

لاتروحين لدكتورة ولاشي اسمعي انا مراجعتي بعد التسقيط كان بعد اسبوع من الاجهاض وليتني مارحت مااستفدت شي اصلن الدكتورة اللي شافتني وهي اللي عملت لي تنظيف قالت ليش موعدك كذا تو بدري ليش جايه اللحين>>>> )طاح وجهي بالارض
المهم قلت انا مدري زوجي راح الاستقبال يحجز وهما حطو موعدي بعد اسبوع قالت اوك كتبت لي على فوليك اسيد + حديد + حبوب اعتقد انها مضاد حيوي عن البكتيريا اسمها
(mixavit) ...ولا كشفت علي ولا حاجه بس قااااالت المفروض اللي مسويه اجهاااض وعمليه تنظيف تجي المستشفى بعد شهر تراجع ..سألتها طيب ليه ؟؟ !! قالت لان العينه الجنيين لسه ماوصلت نتايج تحليله لانهم ياخذونه يفحصونه عشان لاسمح الله يشفون لو فيه امراض مسببه للاجهاض وكمان نتيجه فحص الهرمونات من عينات الدم اللي سحبوها مني قبل وبعد الاجهاض وكلها لازم تكون بالملف عشان نتلافى اي اجهاض اخر وسألتها طيب يادكتوره مابغى احمل ولا ابغى ابلع حبوب او اعمل لولب قالت خلاص خلي زوجك يلبس واقي او يكون فيه امتناع عن الجماع وقت التبويض ...
اما عن الم ظهرك فالحل عندي .... في شي اسمه (ماش) مثل حبوب الفاصوليا او العدس انا مااعرف اسمها عندكم واخذتها من محلات لبيع البقوليات والدقيق والقهوه يعني من محلات المطاحن . هذي تاخذين ملء ربع كوب وتغسليه وتصفيه من الماء ثم تضعينه على المرق او الرز او تغلينه مع ماء وشويه ملح وفلفل اسود وتاكلينه مثل الفاصوليا او الفول .يعني باي طبخة حطيه هذااا خطييييييييييير لظهر يعني يقوي الظهر مررره والله جربته ولي اسبوعين اكل منه ومااحس بالم وفي شي ثاني ....دقيق الشعير مش القمح ولا الذره مع انها كويسه بسسسسسسسسسسسسسس دقيق الشعير افضل تعجنين الدقيق مع شويه ماء وتعملين منه خبز ويوكل بدل الخبز العادي او عصيده مع الشوربه مررررررررررررررره رهيب ويقوي الرحم وعلى فكره الوصفه هذي جربته من احدى العضوات هنا بالمنتدى بس ناسيه مين جزاها الله الف خييير وعافيه .
واكلي زبيب اسود +_ اشربي عصير عنب احسن نوع (سيزر) ابتعدي عن الحلويات والمشروبات الغازيه والاشياء اللزجه مثل الملوخيه
وابتعدي عن البطيخ والشمام واكلي تفااااااااااااااااااااح كثير ممتازززز
ولاتنسين شرب الماء بكثره لازالة الترسبات من المسالك والكلى ... واخر شيء ابتعدي عن الاعمال المرهقه والوقفه الطويله ونامي كثير على ظهرك...
والله يشفيك ياااارب