تعالوا ابيكم بسالفه
 

هلا خواتي رجعت لكم hwaml16ومحتاجه خبرتكم
انا زي ماتعرفون دورتي متلخبطه وانا اتعالج عشان انظمه
عطتني دكتوره حبوب دفاستون ومانفع معي مانظمه
والحين عطتني دكتوره حبوب الابيض والبني والله ماعرف اسمه هوعلى شكل دئراه يبتدي بالابيض وبعدين البني ومره واحده دكتوره تشيك على التبويض
انا الي ابي اعرفه
1- الحبوب الابيض والبني كم شهر استمر عليه عشان تنظم الدوره
2_ولم كشفت علي الدكتوره قالت لي ان حجم البويضه 15 اليوم
وهي كل شهر تكشف تشوف حجم البويضه 12
خوتي مع العلم انا جبت 3 اعيال وطبعا غير الي سقطت
يعني معقوله يصير عندي ضعف في المبيض مع العلم اعيالي احمل بدون علاج
والله موعرفه ليش هالاخبطه في الدوره سوت الي الدكتوره جميع تحليل وكله سليمه
يعني يصير من نفسيتي لانه بصراحه نفسيتي حيل تعبانه من فقدت بنتي
بس شدخل التبويض
ازعجتكم صح بس مالي الا الله ثم انتم
مارح اطلع من منتدنا الا لين تجوبوني
وينكم خوتي الحسويه والسعوديه والكويتيه والقطريه والخليج العربيات وينكم hwaml7

رد: تعالوا ابيكم بسالفه
 

هوو اكيد النفسيه لها دووور بكل شي وخااصه اذا انتي تفكرين بالحمل
وقلقانه ومرررره متووتره
وتفكرين شي طبيعي كل شي يتلخبط معك

مثلا
عندك انا اكل حبوب مانع عشاان ماحمل ولدي لسه صغير
لما اتركه باوقت الرااحه
تطوول ماتجيني الدوره ليش >> لاني اكوون خاايفه ومتوتره لا اكوون حامل

فانتي هدي بالك وريحي اعصاابك وربي بيرزقك الحمل بأذن الله

رد: تعالوا ابيكم بسالفه
 

يسلموا قلب نوافي
اسعدني مرورك

رد: تعالوا ابيكم بسالفه
 

حبيبتي مادخل انك جبتي اطفال انه مايصير عندك مشكلة بتأخر الحمل

في شي بالطب اسمه العقم الثانوي وهو تأخر الحمل عند المرأة بعد انجابها طقل او اكثر


النفسية بتلعب دور ونظامك الغذائي بلعب دور كمان على جسمك وعلى الدورة والحمل

البويضة حجمها لابأس كتري من شرب مغلي المرمية واستمري على الحبوب


سؤالك عن انتظام الدورة العلاج بستمر من 3 اشهر الى 6 اشهر وممكن يمد ستة بس باغلب الاحوال 3 اشهر كافي


وسلااامات وان شاء الله هالشهر تبشرينا بحملك

رد: تعالوا ابيكم بسالفه
 

الله يرزقك الحمل السليم التام

رد: تعالوا ابيكم بسالفه
 

هلا حبايبي توأم كوكو_حياتي أنا مشكورين
والله يجزيكم الف خير
دمتم بود