|
ياأمهات ... اتقوا الله
السلام عليكم ورحمة الله وبركاته خليني ادخل بالموضوع مباشره بصراحه آلمتني جداً قصه مقتل احمد الغامدي لدرجة إني صرت افكر واسأل الله إنه لايفرق بيني وبين عيالي وانه ما يكتب علي الموت لين اشوفهم رجال وحريم بس بغيت استغل هذه القصه واتكلم مع كل أم رزقها ربي الذريه لأن هذه المشكله صدق فاقعه قلبي ورافعه ضغطي ياامهات ..يا أمهات .. ياأمهات اتقوا الله في عيالكم لا تحلين مشاكلك مع زوجك بعيالك يعني كل حرمه زعلت من زوجها لأي سبب مابنقول لسبب تافه حتى لسبب شديد خلت عيالها لا يكونون عيالك هم الضغط يلي بتمارسيه على زوجك كثير حريم لو يجي طاري الزواج الثاني قامت هددت والله لأروح بيت اهلي واخليله العيال ليش ياقلبي وش دخل العيال تخليهم يضيعون وتخيلي ماتراجع زوجك وتزوجترد عليك بكل ثقه إيه بتطلق منه والعيال ماابغاهم خلي ينشب فيهم ويحرموه الراحه هو وزوجته وهنا تبدأ المشاكل مع المساكين يطيحون طيحة الطفل احمد وبعدها تجيك وتقول بشوف عيالي حرموني عيالي وهي يلي باعتهم وشافت نفسها وإن سألتي عن السبب تجاوبك بكلام سخيف او تقولك نصيب لا إله إلا الله نصيب بعد طفل او ثلاث او خمس الله يااخواتي وهبلنا العقل وتميزنا فيه من بين المخلوقات عشان نميز ونجلس لدقيقه ونفكر يعني الطفل يبغاله عنايه ورعايه وسهر وتعب وصبر وتعليم وغيره وغيره ومافي غير الأم يلي تتحمل هذا الشي ويلي يخليها تتحمل المحبه والرحمه يلي ربي نزلها على قلبها من اول لحظه تشوف فيها ولدها يعني صعب تقدر حرمه ثانيه على هذا الشي لأن المشاعر هذه ماهي موجوده ولا رابط الأمومه والدم موجوده تبغين بنت الناس تقوم بعيالك وتخاف الله فيهم وانت امهم ماخفت الله فيهم وخليتيهم و بكل بساطه تطلقتي وتزوجتي للمره الثانيه وانا اشوف إن سبب هذه المشاكل الأم الأنانيه واخيراً وليس آخراً اتمنى على كل حرمه لو حست إنها ماهي مرتاحه مع زوجها تأخر الإنجاب لين تشوف هي بتكمل او لا وإن سبقتها إرادة الله وحملت خلاص شيلي من بالك تخلين بيتك لأن صار في شخص ثالث له الحق إنه يعيش بينك وبين ابوه وهذا القرار ماهو قرارك لوحدك عشان تختارينه آسفه إن طولت عليكم وشكراً |
رد: ياأمهات ... اتقوا الله
والله كلامك عين العقل جد يعني الوحده اذا زعلت مع ابو عيالها لا تدخل ولدها تقسى عليه عشان ابوه لا غلط كذا ..
الله يعطيك العافيه ع الطرح الرائع وكيف الوحده تقسى ع ضناها اللي ببطنها 9 شهور شلون |
رد: ياأمهات ... اتقوا الله
فديتك فديتك يا شمايل وفديت كل ام حنونه زيك الله يخليك لعيالك ولا يحرمكم من بعض
|
رد: ياأمهات ... اتقوا الله
تسلمين حبيبتي ماعندي عيال هذا اللي جاي بالطريق اول مولود ههههههه
يسلمو ع الدعوات الحلوه واتمنى كل ام قاسيه يحن قلبها ع عيالها |
رد: ياأمهات ... اتقوا الله
الله يخليكي ياقلبي
|
رد: ياأمهات ... اتقوا الله
صادقه والله حتى انا قصه هالولد اثرت فيني لدرجه امرضتني مب قادره اتصوور اللي صاار شي فضيييييييييييييع
عشان كذا ان شاء الله كل ام واب يتعضووون ويخافون الله بضناهم لان مافي احد بيكون احن عليهم منهم وحسبنا الله وكفااا في كل مااستهان وضيع الامانه |
رد: ياأمهات ... اتقوا الله
مشكورات ياقلبي على المشاركه الطيبه
والله يسمع منكم ويهدي كل ام واب ويجعل الرحمه في قلوبهم |
رد: ياأمهات ... اتقوا الله
والله كلامك عين الصواب
ياليت كل الامهات بعرفون قيمه عيالهم انا عن نفسي الحمدلله بنتي ماامن عليها عند اي احد الا تحت عيني ولا احب اغفل عنها دقيقه وين مااروح هيه معاي وحتى لو صار خلاف يبني وبين زوجي مااقبل اتركه معاه ابد ولو على موتي هي كل شي بحياتي الله لايحرمني منها ويرزقني ويرزقك ياام الاسمر الذريه الصالحه الباره |
رد: ياأمهات ... اتقوا الله
الله يعطيك العافيه ع الطرح الرائع
|
رد: ياأمهات ... اتقوا الله
مشكورررررررررررره
|
| الساعة الآن 06:09 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .