|
للي والدين قيصري
حبايبي الحمدلله ولدت وللاسف قيصري
على اخر لحظه لان كان نبض الجنين ضعيف اثناء الطلق وقررو لي عمليه قيصريه وانا الحين لي 14 يوم ولدت تاريخ 20/8 وليله العيد اخلص الاربعين وعندي زواج ولد عمي رابع العيد وفستاني من النوع الماسك وعندي الكرش طافح خخخخخخخخ اقدر البس مشد واقدر البس كعب عادي واقدر البس بناطيل جينز ابي احد مجرب اقدر امارس حياتي اليوميه الجماع بعد الاربعين عادي ولالا لاني عمليه اخاف يصير فيها شي؟ ارجو الرد على الاسئله لان سمعت ان العمليه تنفك اذا ضيقت عليها ووانا خايفه |
رد: للي والدين قيصري
الف الحمد الله على السلامه ومبروك ماجبتي ..
إذا بتاخذين رأيي الأفضل تبتعدين عن الماسك لأنه بيشوه منظر الجسم خاصه وأنتي يادوب مخلصه الاربعين .. والمشد صعبه بيأثر على الجرح أنا أقلولج وأنا مجربت لاكن عماتي ثنتين يولدون قيصري.. والأفضل ست شهور تبتعدين عن المشد والرياضه .. وأتمنى أكون أفدتج يالغاليه ,, |
رد: للي والدين قيصري
الجنز عادي بس الضيق والمشد لا اقيد بيضايق ويعور
|
رد: للي والدين قيصري
الجماع بعد شهرين من العملية الدكتورة قالت وانا اثنين عمليات الله يضاعف اجرنا
|
رد: للي والدين قيصري
الله يكتب لي ولكم الاجر انا عندي 2طبيعي و2قيصري والخامس بالطريق ادعولي لان الدكتورة قالت لازم تولدي قيصري اما المشد مانصح باستعمالة والجماع حسب تفاهمك انتي وزوجك والعرس البسي الي يريحك ويكون شيك لان صحتك يالحبيبة بالدنيا ومافيها بكرة اذا تعبتي ماحد يسئل عنك
|
رد: للي والدين قيصري
يمنع رفع المواضيع القديمة
|
| الساعة الآن 08:07 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .