|
تيسير الكومي او خلود رستم في هالة بن لادن
سلام عليكم
انا حايسه فين اولد سمعت مدح عن هاله بن لادن وهيا قريبه من بيت اهلي فابغي اعرف مين ولدت فيها وكيف العنايه ؟ كيف وقت الولاده والستف تبع الولاده من الممرضات ؟ يغطوكي وقت الولاده ولالا ؟ يدخل معاكي مرافق ساعتها او لا ؟ وكيف الاسعار نيجي للدكتورة سمعت مدح كتير عن خلود رستم بس في نقطه مهمه قالوها جامده شويا او خليني اقول ماهي مرنه يعني ماتعطي وجه دايما لكن محترمه بس مرات ماتجاوب عدل او تكون مكشره صحيح الكلام دا ؟ وسمعت عن تيسير الكومي ابغي اعرف كل شي عنها عشان لو هيا افضل في المرونه اروحلها بس الاتنين كيف خياطتهم ؟ عندهم ليزر ؟ يالله لا تتاخرو بالاجابات بليز لاني المفروض اروح اكشف عندهم من اسبوعين وانا ماخره الكشف بسبب دا |
رد: تيسير الكومي او خلود رستم في هالة بن لادن
اذا قصدك عن مستشفى هالة بن لادن اللي في جدة
جارتي ولدت فيه قيصري عند دكتورة مصرية ما اعرف تفاصيل كثير بس عمليتها ممتازة وبالليزر والسعر ما افتكر كم قالت لي جارتي بس اعتقد بحوالي خمسة الف للقيصري او يمكن اقل والله يسهل لك |
رد: تيسير الكومي او خلود رستم في هالة بن لادن
ايوة هوا الي اقصده
شكرا عالرد .. بس انا ادور ورا الطبيعي والدكتورتين هادول وربي يسهلنا ياريت الي عندها معلومات ماتبخل بس تكون معلومه جديده يعني من كم شهر فاتت بس |
رد: تيسير الكومي او خلود رستم في هالة بن لادن
اول شي مبارك عليك الشهر شوفي اختي في منتدى ثاني وحده من الاخوات سوت تقرير كامل متكامل عن هذي المستشفى وبصور بعد سوي بحث وبيطلعلك شوفي دتيسير انا ما انصحك لان خياطتها مش ولابد اختي ولدت عندها و ماتمدحها وهي فعلا طيوبه وحبوبه الله ييسرلك الي فيه الخير اتمنى تدعينلي انا على وش ولاده
|
رد: تيسير الكومي او خلود رستم في هالة بن لادن
شكرا عبير
والله يسهلك ولادتك يارب وولادتي اممم كويس قلتي عن خياطه تيسير لاني ماسمعت احد يتكلم عنها سويت بحث بس التواريخ قديمه وانا ابغي البنات الي هنا مجربات يقولو الخبره الي جاتهم |
رد: تيسير الكومي او خلود رستم في هالة بن لادن
سلام اختي جيتي والله على الجرح انا اتابع عند خلود من الشهر الثاني وهي با الفعل جامده وتتكلم قليل مره بس سمعت مدح عنها انها كانت في فقيه وانا عشاني مجربه فقيه اعرف انهم مشهورين با الخياطه والله اعلم اذا هي شاطره ولا لا وانا كمان بولد عندها انشاء الله ودحين با الشهر الثامن وربي يسهلي يارب بولاده كويسه وسهله وياريت احد يجاوبنا على استفساراتنا وتكون موكده ومجربه والله يسهل على الجميع
|
رد: تيسير الكومي او خلود رستم في هالة بن لادن
انا كمان حادخل التامن عشان كدا روحي طالعه وخايفه ويارب البنات يطمنونا الي جربو او يعرفو احد جرب قريب
|
رد: تيسير الكومي او خلود رستم في هالة بن لادن
مافي وحده من المنتدي جربت تيسير او خلود وولدت من فتره قريبه ؟ ؟ ؟
|
رد: تيسير الكومي او خلود رستم في هالة بن لادن
بنات بليز الي عندها معلومة تساعد
|
رد: تيسير الكومي او خلود رستم في هالة بن لادن
الله كريم..يرزقك ان شاء الله ماتمنى
|
| الساعة الآن 11:17 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .