|
منو يحس فيني ؟
السلام عليكم ورحمة الله وبركاته
ابي بس افضفض يابناات والله تعبانة حيل من هالدنيا صار لي سنة وشوي وماحملت مابقا شي ماسويته رحت لممرخة ورحت المستشفى وسويت كل التحاليل لي ولزوجي ومافينا شي وبعدين اخذت الكلوميد وابر تفجير وتنشيط وصار لي 4 شهور من تركتها ولا حملت كل شهر اقول هالشهر وكل شهر اقلبه مناحة اذا جاتني الدورة كل ذا كووم وبيت اهل زوجي كوم ثاني تعباني من هذرتهم وكله ينظروا لي بنظرة اني ماجيب اطفال والناس كله يسألو والمشكلة انه زوجة حماي الي معااي تزوجت حملت وولدت وانا للحين ولا شي انا والله فرحانة لها من كل قلبي بس تعبانة نفسيتي قولوا لي شسووي ؟؟ ويين اروح في مستشفى معرووف في الاحساء ودكتور شااطر ومجرب لني افكر اغير الدكتوور تكفوون ساعدووني الشكوى لغير الله مذلة وماشكيت الا لكم ابي احد يحس فيني تعبت |
رد: منو يحس فيني ؟
اذكري الله وصلي على النبي
ان شاء الله تدرزنين بيتج عيال قولي امين ماعليج منهم اللي يتكلم واللي يهذر الامر كله بيد رب العالمين هو الرازق المعطي مو احنا اللي بيكفنا نحمل الله يكتب لج يارب الحمل وتجين تبشرينا وسعي صدررك بس وطنشي اذن من طين واذن من عجين وصلي صلاة الليل واطلبي ربي وماراح يخيب لك امل واكثري من الاستغفار واخرجي صدقه بنية الحمل وان شاء الله ربي بيتم حملك عما قريب |
رد: منو يحس فيني ؟
الله يرزقج يالغاليه بالحمل السليم التام عاجلاً غير أجل ..
يالغاليه سنه تأخير طبيعي ليش تقلقين وتوترين عمرج وكلي أمرج الله وسكري أذونج عن كلام الناس وعيشي حياتج .. التوتر والقلق لنفسي عامل رئيسي لتأخر الحمل .. شيلي الفكره من راسج وأشغلي نفسج بأي شيء .. وإن شاء الله ربي يفرجها ويرزقج الذريه الصالحه ,, |
رد: منو يحس فيني ؟
اذكري الله ياقلبي
انتي لسا ببداية حياتك كثير يآجلون موضوع الحمل سنتين اول الزواج حتى ينبسطوو ماعليكمن كلام الناس اللي لاراح يودي ولا يجيب وانتي لا تحسسيهم انك تبغي الحمل خلي الوضع عااادي دائما اللي يفكر كثير بآي شي مايجيه هذا شي نفسي انا اعرف كثير مثلك بعد مانسو الموضوع لقو انفسهم حوامل من دون اي علاج اهم شي الراحه النفسيه و ذكر الله والاستغفااار وحاولي قد ماتقدري تتصدقي بدخول الشهر الفضيل ولا تنسين الرقيا والله يرزقك بالحمل السليم والذريه الصالحه |
رد: منو يحس فيني ؟
بنت الاجواد تسلمين حبيبتي
|
رد: منو يحس فيني ؟
سماسم
الله يوفقك ويحقق كل امنياتك يارب |
رد: منو يحس فيني ؟
مهااوي الله يسهل عليك ويوفقك ويجبر بخاطرك
|
رد: منو يحس فيني ؟
البنات كفوو ووفووا بس حبيت اقولك شغله..
اناا سمعت كثير عن مستوصف النسائي اللي بـ الاحساء.. واتوقع اسم الدكتوره رجآء... على الله ثم عليهااا .. جربي وان شاء الله تحملين.. والله يرزقك بالذريه الصالحه عاجلا غير اجلا.. |
رد: منو يحس فيني ؟
يااقلبي انتي
الموضوع صج مؤثر وحااسه فيك يالغلااا بس هذا اللي الله كتبه سبحاان الله كل تأخيره فيها خيره واكيد ربي بيرزقك اطفاال والحمد لله اهم شي انتي وزوجك مافيكم شي لكن هذا كله من التفكير بس لأن ربي يحب يسمع دعائك اذا دعوتيه فأبطأ عليش بالأجابه وربي يبي يشووف صبرك على الأذى اللي لقيتيه من اهل زوجك وبيعوضك اكيد خير لكن ثقي ان ربي يؤجل امنياتنا ولا ينساها وان شااء الله مايجي العيد الا انا وانتي حوااامل بحق هالشهر الفضيل |
رد: منو يحس فيني ؟
اسأل الله العلي القدير بقوته وعظمته وبقدرته على كل شيء ان اراد امرا انما يقل كن فيكون
ان يرزقك باالذريه الصالحه السليمه الجميله وان يفرح قلبك عاجلا غير آجل ياأرحم الراحمين اللهم آآآآآآآآآآآآمين يارب العالمين |
| الساعة الآن 11:26 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .