|
ساعدوني اسمع كلام زوجي ولا قلبي؟؟؟؟
السلام عليكم ورحمة الله وبركاته
ابي مشورتكم يا بنات الاجواد انا الحين باقيلي يومين بادخل التاسع والى الحين مدري وين اقضي فترة النفاس اهلي مسافرين مدري يمديهم يرجعون قبل ولادتي ولا لا وابوي اساساً ماهو حريص على الرجعه قبل ولادتي ومن النوع الي يتضايق من صجة البزران ولجتهم وانا عايشه في بيت حموله مو لحالي وام زوجي بعد ماتبيني اجي عندهم وطقتها في وجهي وقالت اذا امك ماتت ساعتها نتحملك لكن دامها عايشه لاتجين عندي وزوجي يقول ولادتك على فتحة المدارس ما عليك من احد اولدي عندي وانا اقوم فيك واجيبلك شغاله وصرت مادري شسوي اسمع كلام زوجي اخاف اندم وامه تطلع عيني؟؟؟؟؟ ولا اترجى اهلي يرجعون واولد عنهم؟؟؟؟ تكفون ردو علي بسرعه لان الموضوع مسويلي قلق وودي ارسى لي على بر |
رد: ساعدوني اسمع كلام زوجي ولا قلبي؟؟؟؟
ياقلبي دام زوجك قال ابشري بجيب شغالة واوقف جنبك خلاص خليك فى بيتك واكيد بيحن عليك ويساعدك لانك فى وقت ضعف وحاجة وكمان احسن وافضلك شوفيني انا ولدت فى بيتي وجاب لى زوجي شغالة والحمدلله عدى كل شي بسلام
واذا من ناحية تخافين من الشغالة اول ماتجي استودعي نفسك وزوجك لله سبحانة وتعالى واذا جات رايحة فتشيها زين وحاولي تخلين لها غرفة مستقلة عنكم واما الاكل جيبي لها قفازات وخليها تجهز كل شي وانتى قولي لها سوي كذا وكذا واشرفي عليها وربي يقومك بالسلامة ومايحوجك لا احد |
رد: ساعدوني اسمع كلام زوجي ولا قلبي؟؟؟؟
ياحبيبتي جيبيلك شغاله قبل الولاده عشان تعليمها
على الحاجات الي تبغي تسويها واقعدي في بيتك معززه مكرمه |
رد: ساعدوني اسمع كلام زوجي ولا قلبي؟؟؟؟
خليك فبيتك احسن لك تنامين واغفلي جوالك لاتستقبلين احد الا بعد اسبوعين ثلاث ولا شي اسمعي كلام زوجك
|
رد: ساعدوني اسمع كلام زوجي ولا قلبي؟؟؟؟
يالبى الله يخليه لك اولدي عنده وحافظي عليه يستاهل من جد الله يستر عليك
|
رد: ساعدوني اسمع كلام زوجي ولا قلبي؟؟؟؟
جزاكم الله الف خير
ريحتوني شويه لأن ام زوجي واخته كانوا محسسيني اني مسويه شي عيب لو قعدت في البيت وهذا الي خلاني اتردد مدري الغلط مني ولا منهم مع ان اخته متزوجه الا انها تحسسني ان قعدتي ثقيله عليهم يعني من ضمن الكلام الي يقولوه مجلس الحريم ماراح ينفتح البيالات والفناجيل الجديده ماراح نطلعها امي يالله تقوم ببناتها ماهي ناقصه(مع العلم ان امها ماترفع المنديل من الارض لان البيت فيه اربع شغالات وحتى الطبخ على الشغاله) وفوق كذا قلت بجيب لي شغاله مؤقته وماراح اخليهم يسوون لي شي حتى كاس المويه مابي منهم بس ابيهم يكفون السنتهم عني |
رد: ساعدوني اسمع كلام زوجي ولا قلبي؟؟؟؟
ببرايي خليك في بيتك معززة مكرمة احسن لك
انا يمكن هيك اعمل ومادام قال بيجيب شغالة خلص ممتاز الله يقومك سالمة |
رد: ساعدوني اسمع كلام زوجي ولا قلبي؟؟؟؟
اولدي ببيتك واجلسي بغرفتك ولو جا ضيوف االبسي واطلعي استقبلي وبس وبعدها ارجعي لغرفتك وخلي شغالتك تخدمك تجيب اكلك وتقوم بطلباتك ولو قالوا شي قولي راحتي بغرفتي ومابي اتعبكم معي حسسيهم ما انتي في البيت ولا تخلين لهم فضل عليك بالخدمه
|
رد: ساعدوني اسمع كلام زوجي ولا قلبي؟؟؟؟
اول شئ الله يسهل عليك وتقومين بالسلامه واني افضل اذا اكنت بكريه انك تكونيين في بيت اهلك عشان يراعونك وخصوصا اذا كانت اول ولاده لك واذا ما قدرتي تروحين بيت اهلك زوجك بعد مسكين ما قصر اكو قال لك بيقوم فيك والله يسهل عليك ويسخر لك زوجك وشده واتزول وتفرحين بضناك يالغاليه
|
رد: ساعدوني اسمع كلام زوجي ولا قلبي؟؟؟؟
الله يسهل ولادتك دام اهلك مسافرين و اهل زوجك بلا رحمه افضل تجلسين عند ابو عيالك افضل منهم ووقت الشدايد يبين الطيب من الردي والله يهون عليك ويقومك بالسلامه جيبي لك شغاله قبل ولادتك عشان تعلمينها ولايهمك شي زوجك حولك وضناك انشاء الله بيكون بحضنك ماعليك من احد اللي مايهتم فيك لا تهتمين فيه .. |
| الساعة الآن 02:04 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .