|
امهات طفل الشهر الرابع شنو تغذينه
السلام عليكم ورحمة الله وبركاته ... شلوووووونكم حبيباتي ... فديتكم ابي اسالكم عن تغذيه الطفل في الشهر الرابع ...ولدي الله يحفظه يارب بيخلص الشهر الرابع ان شاء الله بعد اسبوع ... ومن شافه قال ولدج ضعيف ... وصار لي يومين احط له بسكويت ميلوبا اصبع وحده في رضعه الصبح فقط ...وباقي الرضعات بدون بسكويت ...سؤالي هل احط له في كل رضعه اصبع بسكويت ؟ وكم عدد الرضعات ..؟ واقدر اعطيه العيش المصري ناس واجد يمدحونه ...والخضروات المسلوقه اقدر اعطيه والا لما يكمل الخامس ؟؟ ابي ولدي يكوووووووووووووووووووون مربرب بس مو دب ... الله يحفظ لكم غاليكم ... وتسلمون حبايبي السلام ربيت والتوقيع للحين حامل hwaml03 |
رد: امهات طفل الشهر الرابع شنو تغذينه
الله يحفظة لك اهرسي لة موزة وعصير فواكة طازة والاتمر التمر مرررة مفيد والزبادي
والزر المصري روعة والخضار المسلوقة بس لسة علية مدري صغنون |
رد: امهات طفل الشهر الرابع شنو تغذينه
يالغلا روحي لدكتور اطفال واطلبي منه برنامج غذائي وامشي عليه والله انا ناسيه البرنامج اللي عطاني الدكتور لبنتي ولا كان نزلته لك بس اتذكر السيريلاك قالي استخدم مع الرضعه مره باليوم وابدي بالتدريج يعني الشهر الرابع مره باليوم والشهر الخامس مرتين عشان المعده تتحمل وطبعا يوم ورى يوم تعطيه بالملعقه عشان يتعود ع البلع وعصير طازج لازم تخففيه بالماء
|
رد: امهات طفل الشهر الرابع شنو تغذينه
ربي يصلحه لك ان شآآء الله ,,
يفيدونك ان شآآء الله .. |
رد: امهات طفل الشهر الرابع شنو تغذينه
انا كمان بنتي بعد اسبوع ويكمل شهر 4
وقلت للدكتور هل اعطيها ماء او طعام فالدكتور قال لايجوز اطعام الطفل الا اذا كان عمره 6 اشهر فايااختي اني راي ان تنتظري حتى يدخل طفلك الشهر السادس وبعدها اعطيه طعام |
رد: امهات طفل الشهر الرابع شنو تغذينه
جزاكم الله خير يالغاليات .... ماقدرت اصبر لين اشوف ردودكم
hwaml16رحت اليوم وخذيت له بيبي مولينيكس ... علشان اسوي له العصير وبعد اهرس له الطعام فديته ...وخذيت بعد ارز مصري ... الدكاترة يقولون خلوهم لين الشهر السادس ... بس خواتي وحمواتي ماشاء الله ... ياكلون عيالهم من نهاية الرابع .... وصحتهم ماشاء الله تبارك الله .... مشكوووووورين خواتي لاهنتوا ... |
رد: امهات طفل الشهر الرابع شنو تغذينه
شوفي اختي اول شي ابتدي معاه بكميات قليله
بسكويت حطيه له بالرضاعه خليها وقت النوم خضار اعطيه اشياء خفيفه كمان كوسه بطاطا فواكه تفاح كمثرى خوخ موز بس بكميات جدا قليله تالي ابتدي تزيدين له عطيه عصير البرتقال مخفف بالماء عصير تفاح مخفف بالماء العيش المصري وايد مفيد ويمتن الياهل حتى المويه مالت العيش سوي منها رضعه له تقبلي مروري |
| الساعة الآن 09:16 AM. |
Powered by vBulletin® Version 3.8.8
Copyright ©2000 - 2026, vBulletin Solutions, Inc.
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .