|
كروشات الشرقيه
بنات كيف حالكم حبايبي
انا طبعا اول نونو ولسه اول الشهور ومااعرف دكاتره تبع حمل وولاده انا اتابع الحمل عند دكتور كمال الاتربي بمشتشفى سعد بنصيحه زميلتي ابي اغير الله يعافيكم وش رايكم بالحرس ودكاترتهم بالله عليكم او بروكير او اللي تشوفونه زين وعندهم ذمه ماابي فلانه وبنت عمي جربت لا خواتي ابي وحده تنصحني من تجربتها تكفون الله يسهل لكم تعبت من كثر مااسال ماكن احد حمل وجرب صايرين الناس بالذات الاقارب بخلاء بالمعلومه |
رد: كروشات الشرقيه
عزيزتي أنا أتابع في مستشفى الحرس بالدمام (مستشفى الإمام عبد الرحمن) جدا رائع من حيث الإهتمام و العنايه وهذا من تجربتي في ولاده سابقه و عده تسقيطات وعمليات ولله الحمد وإ ستخيري والله يكتب لك الخير |
رد: كروشات الشرقيه
هتون مشكوره حبيبتي الله يسعدك يالغاليه
|
رد: كروشات الشرقيه
وين البقيه ؟؟؟
|
رد: كروشات الشرقيه
الف مبروووك الحمل والله يتمم عليك ويسهل لك الولادة
حتى انا زيك محتارة وين بولد ؟؟ ادور مكان قريب بالدمام لانه وقت الولادة اخاف ما اتحمل طريق ونفس الوقت ابي مكان مضمون ويمدحون فيه خايفه واحاتي هاليوم.... الايام هذه اتابع عند دكتورة مها بمستوصف الرأي بــحي 91 ماشاءالله شاطرة وزحمة عندها لانها خبرة وتريح المريضة بأسلوب تعاملها بس الولادة الحين تكفون عطوني مستشفى ؟؟؟؟ جزاكم الله خيرا |
رد: كروشات الشرقيه
بالنسبه لمتابعه الحمل انا اروح مستوصفين عشان اتاكد بس من جنس الجنين والحمدالله كل اللي اروح لهم طيبين والله ..
مستوصف الفارابي .. عند دكتوره مدري والله شنو اسمها بس مصريه تعاملها حلو و سالتني اذا ابي زوجي يدخل معاي او لا .. والبتسامه بوجها والله ورحت عند مستوصف الاهلي .. سويت فحوصات وسونار عند الدكتوره هبه اما بالنسبه للولاده بولد في مستشفى الولاده لانه قريب من بيتنا .. |
رد: كروشات الشرقيه
شمايل مشكوره ياحبيبتي والله يسهل ولادتك
وبالنسبه لمستشفى الولاده بعيد علي نص ساعه او اكثر الطريق ومااحد مدحه والتساهيل من الله سبحانه |
رد: كروشات الشرقيه
ساروووووووونه لالقيتي علميني لانه مثلك
وربي يسهل عليك ولادتك ياحلوه |
رد: كروشات الشرقيه
مستشفى سعد مره ممتاز
والاتربي روعه ليش تغيرينه؟؟؟ |
رد: كروشات الشرقيه
اقتباس:
عارفه ياقلبي من الاتربي وش شهاداته وكل سيرته السابقه من اول ماكان بالمانع وبعدها العسكري والى ان وصل لسعد شهادتي فيه جداااا مجروحه لكن مستشفى خاص ف خوفوني منه وحتى بروكير خاص اعرف وغير كذا النظام ان الاتربي مايولدك ابد بس يتدخل اذا كان مناوب وقت ولادتك وكانت حالتك حرجه او عمليه قيصريه لكن ولاده طبيعيه لاااااا فيه القابلات فقط يعني تراجعين طول حملك بس مايولدك وكثير كذا تروح تولد ويصادفها عاشور او الاتربي انتي وحظك مع المناوب +تدخل فقط بالعمليه ف من كذا بغيير والكل يقول لي روحي الحرس وماادري احترت |
| الساعة الآن 07:27 PM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .