|
زوجي وايميله السري والفيس بوك!!!!
السلام عليكم ورحمة الله وبركاته
كيف حالكم إن شاء الله دائما بخير ؟ أنا مصدوووووومه نفسيتي تعبانه مو عارفه شسوي أنا كنت راسمه لزوجي إنه الشخص المثالي أحس عقله كبير مو زي بعض الشباب صحيح يدخن بس محافظ ع الصلاة راكد وعاقل المهم توي اليوم أكتشف إن عنده ايميل ثاني انا ماأعرفه!!! الايميل بتاريخ ميلاده والرقم السري نفس رقمه حق الايميل اللي اعرفه المهم دخلت عليه وانصدمت كله بنااااات تعرفين لما تنصدمين في انسان كنتي تعتقدين انه طاهر ونقي وبعيد عن هالاشياء ياااااااالله شعور صعععععب مررررره المشكله انه حاط اسمه باسم الدلوعه ليه ماأدري؟؟؟ فتحت الرسايل جيت بس عنده 3 رسايل وحده منها مقاطع جنسيه قمة الانحطاط!!!! توي صارحته ماقدرت أتحمل والله حسيت رجليه مو شايلتني حاسه زي اللي صحيت من حلم حسيت إني قدام انسان ثاني ماأعرفه أنا طلبت منه الطلاق وأنا عندي منه بنت هو طيب جدا كريم حنون وهذي هي المشكله هذا اللي صدمني فيه تبون الصراحه طلبي للطلاق مو جدي بس تخويف مو عن شي بس عشان المجتمع وعشان بنتي المهم يابنات يوم صارحته انصدم وحلفلي بالله إنه مو هو والله جنني أنا متأكده إنه هو لأنه دخل من الجهاز وشفت إنه دخل متأكده ماأدري وش أسوي اللي قاهرني يحلف بإن الله يفقده نظره وشبابه وصحته إذا كان يكذب وشلون يحلف؟؟؟ يحلف إن هالايميل مو له وإن ماعنده صفحه بالفيس بوك وإنه مايدري عن كلللل هالاشياء!!!!! خبروني وش أسوي الله يرضى عليكم فرجوا كربت أختكم والله صدددددددددددددددددمه كرهههههههههههههههته |
رد: زوجي وايميله السري والفيس بوك!!!!
بريق الماس
انصحك لا تجيبين طاريه له,,,, اذا تبين تكشفين انو راضى عن فعلاه او لا .. عليك انك بعد كم يوم جابيلك سالفه انو به وحده بالمنتدى اكتشفت زوجه عندوه ايملين وووو.....نفس حالتك اشرحيها وقوليلوه ...شرايك بالرجال اللى يسوي كذا .. ولاتنسين تقوليه ياقلبى ياانت كتاب مفتوح لى وعطيه من الكلام الحلو .. وبكذا تعرفين وجة نظروه من دون مايحس اهم شي سوي نفسك انك ماتعرفين شى عن الموضوع يعنى نقطته نقاش ولا تطولين يعني قرصه بس خليك ذكيه.. وحريصه.. |
رد: زوجي وايميله السري والفيس بوك!!!!
يوووو عيك تو انتبه انك صارحتيه لانوماكملت
عندى رسالتك .. لايصارح الزوج بالخطاء.. الزوج ياحياتى مثل الاطفال يجون بالتلعيب لانو به منهم المعاند واما الكذب فحدث ولا حرج يطلعك على اقرب مخرج ولايحب احد يناقشه.. الحين انسى وسيرى الليله على انو ماصار شى يعني صدقى كلاموه .. |
رد: زوجي وايميله السري والفيس بوك!!!!
ياحليلك أنا زوجي عنده 7 إيميلات
ولا أعرف ولا رقم سري منهم وإذا جاء يفتحهم يفر اللاب عني عشان ماشوف الرقم وإذا جيت وهو فاتح صفحة دردشة قفلها بس ماحاولت لا أفتش ولا أدور وراه عشان أريح راسي فأنتي خلاص عدي وسوي نفسك مصدقة عشان تسلك الأمور وصدقيني لو تقلبين الدنيا على راسه الرجال إذا صار عنده موال لابد يغنية لو تكون العواقب وخيمة يعني لاتحسبين طلبك الطلاق بيخليه يرتدع أنتي بس أدعي له ربي يهدية ويصرفه عن هالأمور |
رد: زوجي وايميله السري والفيس بوك!!!!
:)
انتي صارحتيه وقلتي له اللي بخاطرك اوك خلاص اتبعي اسلوب الصمت قدامه لمدة يومين او ثلاثه ولاتردين عليه الا اذا مررررره ضروري تردين على امر غير هالشيء ردي بكلام رسمي خليه يحس باللي بداخلك وانك مو راضيه على هالتصرف بعد مايجي بيراضيك ويقولك موهو وكذا قولي له طيب مين اللي بيحط ايميله بتاريخ ميلادك لهدرجه الصدفه تجمع بين رقمك السري لهذا الايميل وايميلك اللي انتي تعرفينه خليه ردك بااارد بلا حرقة اعصاب بكذا الرجال تحترق من برود المرأه اتبعي هالاسلوب معاه وان شاء الله خير |
رد: زوجي وايميله السري والفيس بوك!!!!
لاحول ولا قوة الا بالله
يا اختي لاتحرقين قلبك وهدي من نفسك وكل مشكله ولها حل بإذن الله اذا على زوجك مصارحتك له خطوه سليمه اذا الصراحه والنقاش ماكان بين الزوجين بتكون بين مين ومين اجل ؟؟ وسمعتي من تبريره عن الموضوع بس انتي بداخلك مقتنعه انه هو صاحبهم وهو حس بالخوف والصدمه انك عرفتي فأضطر انه يكذب ويدعي على نفسه عشان تصدقيه وبنفس الوقت عشان مايخسرك ويخسر ثقتك انتي خليك هاديه لاعد تعطيه وجه زايد قومي بواجباتك واحقريه لين يحس بغلطته وصدقيني هنا هو اللي بيعرف يحلها عشان يرجعك مثل قبل والله يعين |
رد: زوجي وايميله السري والفيس بوك!!!!
شكرا لكم والله وأنا أقرأ ردودكم أبكي بحررررررقه ومنهاره
المشكله أهلي بعيد عني مو عارفه أشكي لمين غير لكم؟؟؟ الماسه أنا فعلا سويت كذا قلت وش هالصدفه؟؟؟ بس مصر يحلف والله شي يخوف يحلف بالله كذب والله ماعدت طايقه العشره معاه ودي اتطلق بس يردني المجتمع وبنتي انا كثير حساسه ومخلصه له ليش كذا !!!!!! يالله رحمتك أسأل الله العظيم رب العرش العظيم ان ينور درب كل من ردت علي وييسر امرها يااااارب |
رد: زوجي وايميله السري والفيس بوك!!!!
والله يا حبيبتي شي يقهر ..
والله يسخر لك زوجك ويهديه .. اما نصيحتي روقي ولا تقهرين نفسك عالفاضي وهو لو في راسه لعب بيلعب حتى لو بايميل ثاني غيره ماراح يعجز وان شاء الله نقول انها نزوه وتروح .. |
رد: زوجي وايميله السري والفيس بوك!!!!
الماسه
تبين الصراحه حتى ممكن يحلفون ع المصحف كذب يااما شفنا وعدينا انا متآكده من حاجتين فلحريم والرجال الحريم ناقصات عقل ودين والرجال ملح حياتهم الكذب مادري شقول لك لامستي جزء من وجعي وعلى قولة الحلى مشي المركب بنهاية مالك غيره و بهلمواصفات حرام تضيعينه سبحان الله نفس مواصفات زوجي واذا ع احساسك وانهيارك جربته وجلست معاه ووراني صفتحه وحذف كل البنات بس من وراي مادري شيسوي وكلت امري لله وقلت ليش احرق قلبي خليته قدامي يتكلم بدردشة الفيس لانه اذا مشترك بمجموعه تلقين الكل يتكلم فيها حتى البنات قلت يتكلم قدامي وبآريحيه ولا يروح من وراي واذا ع المقاطع هههههه اضحك قهر الرجال عندهم هلاشياء عادي تفكيرهم مادري شلون قال لي والله هلاشياء تافهه ومستحيل اميل لها غير اسلي نفسي الرجال اهم شي عندهم راحتهم لا غير لو تموتين قهر يشوفونه شي تافه هدي نفسك وستعيذي من الشيطان الرجيم اخرتها مقابر وحطي شي براسك مهما راح بيرجع لك هذي النت وبلاويه مشكلة اغلب الرجال تافهين مايستخدمونه بلايجابي وبنات ابليس بكل مكان لا حياء من الله ولا من خلقه وحسبي الله ونعم الوكيل مالك غير الصبر ومهما سوى حطيه بعيونك فتره وتعدي الرجال يستعيدون مراحل المراهقه ههههههههhwaml4ههههههه ماسه توكلي على الله ولا تصرين ع موقفك هدي فتره وابعدي عنه بصمت شوي لين تهدى نفسيتك وان شاء الله مع الايام يتغير طالعي محاسنه اذا تغلب عيوبه لآلآلآلآلآلآلآلآلآلآلآ تفكرين تخسرينه عشان نت واشياء وهميه |
رد: زوجي وايميله السري والفيس بوك!!!!
صراحه هذي خيانة وانا مو مع الي قالت عادي وطنشي ...يعني لو كان العكس وش كان بتصير ردة فعل الزوج؟؟
|
| الساعة الآن 11:44 AM. |
Powered by vBulletin® Version 3.8.8
Copyright ©2000 - 2025, vBulletin Solutions, Inc.
Search Engine Optimization by vBSEO 3.6.0 (Unregistered)
لا يتحمّل موقع منتديات حوامل النسائية أيّة مسؤوليّة عن المواد الّتي يتم عرضها أو نشرها في موقعنا، ويتحمل المستخدمون بالتالي كامل المسؤولية عن كتاباتهم وإدراجاتهم التي تخالف القوانين أو تنتهك حقوق الملكيّة أو حقوق الآخرين أو أي طرف آخر .